ونة الدركسون - سنتافي 2003
السلام عليكم للجميع عندي هيونداي سنتافي موديل 2003 المشكله صارلها اسبوع او اكثر تقريبا - انه لما ادور للدركسيون (الطاره) يمين او يسار يطلع صوت ونه و تقريبا الصوت طالع من فوق طبعا ما عندي تسريب زيت من تحت و لاكن ارجاء العليا من مكان الطرمبه مع علبه الزيت كلها زيت و اشك انه شي عادي لانه من زمان و هي كذا بس ابي اعرف ايش سبب الصوت الوننه صارلها اسبوع و اليوم انا غيرت زيت الباور الاحمر و لاكن لسه الصوت موجود عند اللف يمين او يسار - بخصوص الدركسيون خفيف لما اشغل السيارة بس لما اطلع مشوار مثلا بعد هذا المشوار يصير ثقيل و لازم تدعس بنزين عشان يخف ----- و شاكرين لحسن تعاونكم معي جزاكم الله الف خير -----
رد: مشكله صوت الونه للدركسيون
وعليكم السلام ورحمة الله وبركاته
افحص اولا قوة شد وتوتير السير , فاذا استمر خروج الصوت والثقل في لف الطاره فاعمل تنسيم للهواء , والاحتمال الاخير هو وجود خلل في علبة الستيرنغ وتحتاج الى طقم اصلاح .
بالتوفيق
رد: مشكله صوت الونه للدركسيون
اقتباس:
المشاركة الأصلية كتبت بواسطة sam12
السلام عليكم للجميع عندي هيونداي سنتافي موديل 2003 المشكله صارلها اسبوع او اكثر تقريبا - انه لما ادور للدركسيون (الطاره) يمين او يسار يطلع صوت ونه و تقريبا الصوت طالع من فوق طبعا ما عندي تسريب زيت من تحت و لاكن ارجاء العليا من مكان الطرمبه مع علبه الزيت كلها زيت و اشك انه شي عادي لانه من زمان و هي كذا بس ابي اعرف ايش سبب الصوت الوننه صارلها اسبوع و اليوم انا غيرت زيت الباور الاحمر و لاكن لسه الصوت موجود عند اللف يمين او يسار - بخصوص الدركسيون خفيف لما اشغل السيارة بس لما اطلع مشوار مثلا بعد هذا المشوار يصير ثقيل و لازم تدعس بنزين عشان يخف ----- و شاكرين لحسن تعاونكم معي جزاكم الله الف خير -----
عليكم السلام
ماهو طبيعي ظهور زيت في علبة الزيت او طرمبة حاول تشيك على القفيز الي شاد على الليات وشد عليها اذا من النوع الي تقبل الشد.
اما بخصوص خفة الديركسون في البداية وثم يثقل بعد المشي
حاول تتأكد والسيارة باردة من مستوى زيت الديركسون
لازم يكون في خانه MAX COLD
اتوقع الزيت زايد عندك
لانه لما يسخن الزيت بعد المشي يثقل الديركسون عندك
رد: مشكله صوت الونه للدركسيون
أولاً: افتح غطاء علبة الدركسون و لاحظ إن كان فيها فقاعات هواء.
إذا وُجد هواء فهناك منفذ ما يسبب دخول الهواء إلى نظام الهدروليك و يلزم تصليحه.
و إذا ما فيه هواء فإن طرمبةالدركسون بلزمها توضيب.. شفرات و سلندر و طقم إصلاح.
ثانيًا: علبة الزيت لها حد أعلى Max و غلط أن يزاد عليه. تأكد من ذلك.
رد: مشكله صوت الونه للدركسيون
اقتباس:
المشاركة الأصلية كتبت بواسطة super_safari
أولاً: افتح غطاء علبة الدركسون و لاحظ إن كان فيها فقاعات هواء.
إذا وُجد هواء فهناك منفذ ما يسبب دخول الهواء إلى نظام الهدروليك و يلزم تصليحه.
و إذا ما فيه هواء فإن طرمبةالدركسون بلزمها توضيب.. شفرات و سلندر و طقم إصلاح.
ثانيًا: علبة الزيت لها حد أعلى Max و غلط أن يزاد عليه. تأكد من ذلك.
يعطيك الف عافيه تم حل المشكله و الحمد لله و كان بمجهودك شكرا طلع عند تغيري للزيت و مع الحركه انفك رباط الماصورة و صار ياخذ هواء مع دوره الزيت شكرا
يعني اشياء بسيطة ما تكلفك شيء لو اخذتها عند اي واحد كان قال غير السيارة كلها
رد: ونة الدركسون - سنتافي 2003
اشكر كل من شارك في موضوعي و بذل مجهوده