رد: مشورتكم في الفئة الخامسة جزيتم الجنة
لافض فوك يبو سعود
من جرب هو ابخص
وهذا الواقع
رد: مشورتكم في الفئة الخامسة جزيتم الجنة
صراحة كنت افكر اشتريها قبل لكن جربت سواقتها وهونت العزل استغربت منه قلت معقوله هذا عزل البي ام الي يمدحونة ونتعه في القير من اول تجربة ومراتب قايسة وتجربتي لها كانت ربع ساعة تقريباً وتضايقة من قساوة المراتب (المراتب كانت المريحة نسيت اسمها ) لكن ادائها جيد جداً اذا حطيت وضعية السبورت السيارة تتغير كلياً تحسنك راكب سيارة ثانية وصيانتها غالية وقطعها غالية على حسب ألي قريته في المواقع جلسة ابحث عن السيارة حوالي اسبوع واكتشفت انها ما تصلح الي لواحد طلعاته قليله يمشي في السنة 10 الاف كلم ويدفع على الصيانة والقطع مبالغ عالية ماعنده مشكله ارشح لك المرسيدس E او لكزس لأنها عملية اكثر معني ما احب سياراتهم وانت شف وش استخدامك للسيارة وكم ميزانيتك وقرر اذا تحب سيارات فخمة ومريحة وعزل اشوف انها ما تصلح ابداً اذا تحب الاداء الرياضي تعتبر ممتازه كسيارة لكن تخاف من قطع الغيار والصيانه وأذا بتاخذ مستعمل اكثر من سنتين ما يشمل الضمان في الغالب ميزتها تاخذها جديدة ضمان 5 سنوات كل شي عليهم أتمني أني افدتك
رد: مشورتكم في الفئة الخامسة جزيتم الجنة
جزاكم الله خير على نصائحكم جميعا
الله يففر ذنوبكم ويرزقكم من واسع فضله
وشكر خاص لكل من يمتلك الفئة الخامسة وذكر عيوبها ومميزاتها
اقتباس:
المشاركة الأصلية كتبت بواسطة فارس المرشد
اخوي متأكد ان البي ام كانت موقوفه موديل 2014 و 2015 في السعودية
سمعت هالمعلومة من كذا شخص وخلال بحثي لاكثر من شهر ما شفت 530 و 535 معروضة للبيع الا موديلات 2013 واقل
(اكثر من شهر ماشفت الا سيارة واحدة موديل 2015 535)
اقتباس:
المشاركة الأصلية كتبت بواسطة ..][ ح ــياة التــم ــيز ][..
شخصياً انصحك في المرسيدس E الجديدة في 2017.
مدري هل ميزانيتك تسمح ام لا؟
الفئة الخامسة 2015 سيارة جميلة و عملية.
اعرف واحد يستخدمها من عام 2013 و للآن ماشية معاه و بدون خرابات و زي الحلاوة.
لكن استخدامه خفيف و هو اصلاً عنده سيارة ثانية تويوتا, لذلك الـ BMW استخدامها خفيف.
رغم هذا من الداخل اشوفها جميلة و متناسقة و الواحد يسعده يكون فيها صراحة.
لكن من الخارج ما أشوف ذاك التصميم الجميل او الي يوحي في الفخامة اساساً.
لذلك نصيحة لو كنت تقدر على مرسيدس E 2017 فهي أفضل بكثير.
اما مرسيدس E شكل 2014 - 2015 فهي جميلة خصوصاً الانواع الي تجي فيها مواصفات اكثر
مو أقل فئة, يعني تجي تخشيب و بانوراما و هالحركات الجميلة.
و لكن على اي حال , قلت لك وجهة نظري عن الـ BMW.
أنصحك تشوف الكاديلاك CTS اذا لك نظر فيها.. شوف هذه التجربة البسيطة و الغير متكلفة
التجربة تنتهي عند الوقت 10:45 من الفيديو.
https://www.youtube.com/watch?v=Y9a6kkjq3W4
مشكور اخوي فكرت بال E class وخصوصا انها 6 سلندر لكن انا افضل البي ام من حبي لها ههههه
والكاديلاك يمدحونها وابشوفها
الله يجزاك خير ما قصرت
اقتباس:
المشاركة الأصلية كتبت بواسطة أبو سعود Q8
عزيزي راح أحط لك نبذة بسيطة جدا جدا عن BMW الفئة الخامسة
الفئة الخامسة من BMW أنجح سيارة في فئتها للعام السادس على التوالي
BMW الفئة الخامسة تبيع مليوني سيارة لرجال الاعمال
بي ام دبليو الفئة الخامسة تتفوق على الجميع وتحقق أعلى المبيعات
في فئتها
BMW تحصد باقة من الجوائز في حفل «RPM» لتكريم «سيارة العام»
طبعا من ضمن هذه الجوائز للفئة الخامسة
وقد تفوّقت الفئات الثالثة والخامسة والسادسة من BMW في منافسة سيارات مصنّعين آخرين وتمكّنت من انتزاع الألقاب.
42 سنة و BMW الفئة الخامسه تواصل سيطرتها العالميه
BMW الفئة الخامسة تحصل على تصنيف الخمس نجوم في اختبار السلامة
BMW تطلق أقوى محرك ديزل 6 اسطوانات في العالم
طبعا بتقولي ان بالخليج ما نحتاج لمحركات الديزل ، صحيح
فمحركات البنزين لدى BMW هي أفضل محركات بالعالم وفي كل عام تأخذ أكبر عدد من الجوائز ولا فيه أي شركة نهااااااااائيا أخذت جوائز مثل وكثر BMW
تفضل هذا الرابط وشوف كم جائزة تاخذ شركة BMW في كل سنة !!
ومثل ما قلت لك ما في أي شركة بالعالم تأخذ جوائز أفضل محرك كثر شركة BMW وتقدر تحسبهم بنفسك
مثل ما قلت لك هذي نبذه بسيطة عن سيارة BMW الفئة الخامسة وإذا أردت المزيد قولي
لأن لو بحط كل جوائز ومراكز BMW المتفوقة على باقي المنافسين فلن تكفي صفحة أو صفحتين أو حتى ثلاث صفحات !!
:bigggrin:
وآخر شي يجيك واحد ما عنده BMW ولا يقتنيها ويمكن حتى مو مجرب قيادتها ويقولك انها فاشلة !!!!
:a1120(121):
هههههههههه
شي البلية ما يضحك
:c0038:
ياخي إذا مو عاجبتكم BMW لا تشترونها
محد جبركم عليها
اتركوها وتوجهوا للسيارة الي عاجبتكم والله يهنيكم فيها
لكن لا تدعون انها فاشلة ورديئة ومش عارف ايش لمجرد انها مو عاجبتكم !!
خصوصا وانكم لا تمتلكونها !!
:c0038:
تحياتي
ابو سعود الله يرزقك من واسع فضله
وفيت وكفيت جزاك الله الجنة
انا الان داخل من الجوال ولي عودة لمراجعة ردك من اللاب توب