تعال واختر مواصفات سيارتك بنفسك من الشركة الصانعة مباشرة ..
السلام عليكم
.
.
.
هذا موضوع بخاطري اتكلم عنه والكثير يشوف انه ماله داعي.بس عجب عبدالله الفوزان :bigggrin: وحبيت انه يكون باب للمناقشة بالموقع.
طيب الموضوع اللي بتكلم عنه مواقع شركات السيارات الإلكترونية
وبالتحديد قسم بناء السيارة مع مواصفاتها والسعر سبعين خط تحت السعر!!!!!
(car configurator)
طيب وش فايدة هالشي اللي قاعد تتفلسف فيه يا فارس؟
الفايدة إن اغلب ستوكات شركات السيارات خصوصًا الاوروبية موصفاتها بالعادة تكون غير مناسبة او ما تلائم كل الناس،لأن السيارات بالعادة تبدأ بسعر رخيص ومناسب وكل ما تحط فيها اضافات يزيد قيمتها وبعد الأحيان من كثر الاوبشنات تصير بقيمة سيارة ههه
فلما انت بنفسك تبني السيارة ووتحط المواصفات اللي انت تبيها واللي ما تبيه ما تحطه وتوفر مبالغ راح يكون شراء مناسب لك انت.
طبعا كثير ناس ما تناسبهم السيارات الطلبية لأنهم ما يقدرون ينتظرون ٣-٦ شهور لسيارتهم
طيب وش جيب مواقع شركات السيارات الإلكترونية بالموضوع؟
المواقع هذي واللي توفره شركات قليلة مع السعر يفيدك بإنك خلاص تدخل الموقع تبني سيارتك مع السعر ويطلع لك سعر السيارة بالمواصفات اللي تبيها ولا يقعد يهذر عليك مندوب مبيعات ساعة وبعض الأحيان بمعلومات مغلوطة (زي مرة واحد قالي ان السيارة دفع خلفي وهي دفع امامي :c0214::a1120(121): )
مني ضدهم ولا شي بس هذا الشئ يوفر عليك خطوات كثيرة في عملية الشراء ويخليك كل ريال دفعته دفعته في شئ انت تبيه وراح تستعمله
طيب وش الشركات اللي بالسعودية مواقعها توفر انك تختار مواصفات السيارة مع السعر السعر!!! مب بس انك تختار المواصفات وبس
حاليا بعد بحثي واحتمال اني نسيت شركات بس حاليا
-جاغوار
-بورش
-اودي
فقط بحثت واغلب الشركات مافيها وبعضها موجود بس بشكل تسليكي صوري بس تختار لون ولون داخلي بس
وبعضها كل شئ بس من دون سعر
اذا كان الموقع في انك تقدر تختار سيارتك وتحط فيها المواصفات اللي تبي بالسعر وتطبعها وتروح الوكالة وتقوله ابي هذي السيارة من دون زود حكي
بس طبعا الوكالات يفضلون انك تشتري سياراتهم وما تطلبها عشان لا يتوهقون فيه ويطيحون سعره
هذا موقع اودي:
http://configurator.audi-me.com/cont...ant=accx-me-sa
هذا موقع بورش:
http://www.porsche.com/middle-east/_jeddah_/modelstart/
هذا موقع جاكوار:
http://www.jaguar-me.com/en/build-yours/index.html
ملاحظة:بتلاحظون ان بورش كل شئ عندهم اوبشن ومعروفه بورش بهالشي وبالراحة تحط اوبشنات بقيمة سيارة ثانية متوسطة بعد!!
رد: مواقع شركات السيارات وتحديد المواصفات
شيء جدا رائع ومفيد وسبق لي مطلع على هالشيء لكن العجيب انه بس هالثلاثه حاطين ميزات وتصميم وحركات زينه للمواقع والباقي من متوسط لسيء مقارنة بالموقع الامريكي للشركات كلها فيها بناء وسعر شكرًا يافارس
وعبود هالأيام شغال نار وحرايق ماخلى شيء على قلبه :bigggrin: عليه بالعافية تحياتي:xyxwave:
رد: تعال واختر مواصفات سيارتك بنفسك من الشركة الصانعة مباشرة ..
وعليكم السلام ورحمة الله
بيّض الله وجهك يافارس على هالموضوع ..
وشكر خاص لتلبية طلبي ...
شخصياً ما كنت أعرف ان فيه خدمة الكترونية لمثل هالشي .. وكثيرين مثلي ما يعرفون ...
ولعل هذا الموضوع يفيدهم إن شاء الله ..
موضوعك مميز .. يختم بالتميز .. ونسخة لقسم المواضيع المميزة .. ويثبت بعد أخذ حقه من الردود
..:xyxthumbs::xyxthumbs:
رد: تعال واختر مواصفات سيارتك بنفسك من الشركة الصانعة مباشرة ..
انا كنت ادري عن الخدمات هذه وشي جميل جدا انك تطلبها بمزاجك بالشي اللي انت تبيه
جاغوار وبورش واودي فقط حتى الان غيرهم مافيه فعليا لا مرسيدس ولا بي ام دبليو هذولا تزيد اللي تبيه عن طريق الوكيل وللاسف مجبور على مواصفات واختيار الوكيل للاستاندر
رد: تعال واختر مواصفات سيارتك بنفسك من الشركة الصانعة مباشرة ..
هل لو أضفت المواصفات الموجودة بالموقع ..الوكيل يوفرها؟ لأنه بعض المواصفات مثل الرؤية الليلية في أودي Q7 غير موجودة بساماكو (إذا غلطان صححوا لي) .. وحسب ما سمعت إنه هالوكلاء يكون عندهم مواصفات محددة تضيفها .. غير اللي بالموقع .
رد: تعال واختر مواصفات سيارتك بنفسك من الشركة الصانعة مباشرة ..
اقتباس:
المشاركة الأصلية كتبت بواسطة abo_mishari
هل لو أضفت المواصفات الموجودة بالموقع ..الوكيل يوفرها؟ لأنه بعض المواصفات مثل الرؤية الليلية في أودي Q7 غير موجودة بساماكو (إذا غلطان صححوا لي) .. وحسب ما سمعت إنه هالوكلاء يكون عندهم مواصفات محددة تضيفها .. غير اللي بالموقع .
ايه تجيك ويضيفونها لك والوكيل يستقبلها لك هنا
رد: تعال واختر مواصفات سيارتك بنفسك من الشركة الصانعة مباشرة ..
ماشاء الله جهد قيم بأمانة
وفعلا احيانا نعاني من مشكلة السلس مان وعدم كفاءته او انه يخليك تكره تاخذ السيارة
احييك عالمعلومة والى الامام دوما
رد: تعال واختر مواصفات سيارتك بنفسك من الشركة الصانعة مباشرة ..
السلام عليكم
موضوع جيد للراغبين بالشراء من هذه الشركات واخذ فكرة عن الاسعار والمواصفات المتوفرة
يعطيك العافية