اصحاب الكابرس واصحاب الخبرة ارجو منكم الدخول
السلام عليكم ورحمة الله وبركاته
عندي استفسار بالنسبه للحرارة وابي تساعدوني اخواني الكرام
سيارتي كابرس 2007 6سلندر شريتها قبل 7او 8شهور والحرارة فيها كالتالي
اول تشغيل السياره المراح طافيه اذا شغلت المكيف تشغل صوتها خفيف اتوقع ذي السرعه الاولى
واذا وصلت 93 ترتفع سرعتها اتوقع ذي السرعه الثانيه
وتثبت تقريبا على 96 اول اقل شوي اذا مسكت خط
واذا اترفعت مع الزحمه توصل 108 تسرع اكثر المروحه اتوقع السرعه الثالثه
واذا كان طافي المكيف مع الخط وبعيد عن الزحمه الحرارة تكون بين 90 و96 واذا زحمه بتوصل 108 وتشتغل المراوح اتوقع السرعه الثانيه لان صوتها ماهو مرتفع زي مع المكيف ولا هو هادي زي السرعه الاولى مع العلم ان امبير الحرارة حتى يوم توصل 108 ما يتعدى الربع وزي ما قلت المراوح بدون المكيف ما تشتغل الا اذا وصلت 108
تنزل لين 99 وتطفي او 98 طيب لا هنتو هل هذا طبيعي في الكابرس 6 سلندر لاني ما اعرف اذا كانت كذا طبيعيه او لا تكفون ابي جواب شافي يريح صدري ولكم جزيل الشكر والله يوفقكم جميعا
رد: اصحاب الكابرس واصحاب الخبرة ارجو منكم الدخول
وعليكم السلام والرحمة والاكرام
ماشاء الله عليك هذا الوصف ولا بلاش
انا ما امتلك كابرس
ولاكن من ناحية ميكانيكيه وعقلانيه
انا شايف عندك ماشاء الله الحرارة مستقره
والمراوح شغاله بأنتظام
والي اعرفة ان الحرارة في سيارات جي ام وشفر مثل اليوكن ووو
استقرار الحرارة على 110
وتراها طبيعيه توصل لهذا الحد
انا اكاد اجزم ان عندك الموتر ما شاء الله حرارة طبيعيه
بالتوفيق
رد: اصحاب الكابرس واصحاب الخبرة ارجو منكم الدخول
اقتباس:
المشاركة الأصلية كتبت بواسطة altimaemh
وعليكم السلام والرحمة والاكرام
ماشاء الله عليك هذا الوصف ولا بلاش
انا ما امتلك كابرس
ولاكن من ناحية ميكانيكيه وعقلانيه
انا شايف عندك ماشاء الله الحرارة مستقره
والمراوح شغاله بأنتظام
والي اعرفة ان الحرارة في سيارات جي ام وشفر مثل اليوكن ووو
استقرار الحرارة على 110
وتراها طبيعيه توصل لهذا الحد
انا اكاد اجزم ان عندك الموتر ما شاء الله حرارة طبيعيه
بالتوفيق
هلابك اخوي الغالي نورتني والله
يالغالي حبيت اوصف بدقة على قد ما اقدر عشان احصل جواب
دقيق وشافي لاني احس 108 كثير :blue:
شفت بعض الاخوان كاتبين في المنتدى هنا او منتديات ثانيه انها توصل 104 وتشتغل المراوح
وخفت ان سيارتي ما تكون طبيعيه كذا وتسبب لي مشكله مع الوقت
وشاكر لك اخوي بس ولا تهون ننتظر اصحاب الكابرس يدخلون ويعلمونا بالعلم الوكاد ..
رد: اصحاب الكابرس واصحاب الخبرة ارجو منكم الدخول
اقتباس:
المشاركة الأصلية كتبت بواسطة faares
هلابك اخوي الغالي نورتني والله
يالغالي حبيت اوصف بدقة على قد ما اقدر عشان احصل جواب
دقيق وشافي لاني احس 108 كثير :blue:
شفت بعض الاخوان كاتبين في المنتدى هنا او منتديات ثانيه انها توصل 104 وتشتغل المراوح
وخفت ان سيارتي ما تكون طبيعيه كذا وتسبب لي مشكله مع الوقت
وشاكر لك اخوي بس ولا تهون ننتظر اصحاب الكابرس يدخلون ويعلمونا بالعلم الوكاد ..
لاهنت تحت امرك
وخير ماسويت بوصفك لان الصورة تبان لنا جميعآ بكل وضوح
تقبل تحياتي
رد: اصحاب الكابرس واصحاب الخبرة ارجو منكم الدخول
اخواني تكفون لا تبخلون علينا اللي يعرف شي يعلمنا :blue:
رد: اصحاب الكابرس واصحاب الخبرة ارجو منكم الدخول
وينكم يا اصحاب الكوابرس :blue:
رد: اصحاب الكابرس واصحاب الخبرة ارجو منكم الدخول
اقتباس:
المشاركة الأصلية كتبت بواسطة faares
وينكم يا اصحاب الكوابرس :blue:
لا توسوس
انا سيارتي كابرس 2006
المراوح تشتغل على حرارة 110 و تثبت الحرارة الين توصل 100 او 95 ثم توقف
فلا تخاف و لا توسوس
اذا المكيف شغال الوضع يختلف
الزبدة سيارتك نفس سيارتي من ناحية الحرارة