هل فيه احد جرب زيت 5w30 ؟
#
السلام عليكم
انا استعمل زيت 10W30 وافكر اغير لـ زيت 5w30 ؟
ما رأيكم فيه للمجربين اقصد وهل تنصحون فيه؟
انا بالكاتلوج بسيارتي كاتبين انه افضل لتوفير الوقود وينصح به
واشوف ناس كثير كاتبين انه التوفير عندهم صار افضل
المشكلة يقولون انه يمشيك لين 10 الاف , هل هالشيء صحيح
اخاف امشي عليه 10 الاف وتخبط المكينة واروح غلطة
ولا احد يقولي امش عليه 5000 , لانه كذا اصير دفعت زيادة فلوس بدون فائدة
لو بغير كل 5000 استمر على 10W30 افضل لي
احتاج نصائحكم فيه للمجربين , هل هو فعلا بيجلس لين 10 الاف
واساسا كيف اعرف ان الزيت يبيله تغيير
لان احس مخاطرة امشي عليه 10 الاف , لان ممشاي بالشهر 1000
يعني ماراح اغير الزيت الا بعد 10 شهور؟!
بانتظاركم
رد: هل فيه احد جرب زيت 5w30 ؟
والله اني مثلك بالضبط ومحتار
السؤال المهم هل الزيت يفقد خصائصه لو طول بالسيارة يعني جلس ٦ شهور او اكثر هل يجب تغييره
المشكله لن يتفق الشباب ولا ندري ماهو الصح
رد: هل فيه احد جرب زيت 5w30 ؟
نعم أنا استخدمه لسيارتي اكورد 2012 بترومين a1
استخدمته والسيارة ماشية 50 الف والحين ماشية السيارة 113 الف واغيره كل 10 الف والزيت وقتها لازال محتفظ باللزوجة يعني اتوقع يمشي اكثر من كذا بس اني ماجربت امشي عليه اكثر من 10 الف
المهم انه تعاير مستوى الزيت اول بأول
رد: هل فيه احد جرب زيت 5w30 ؟
حطيت زيت فوكس وزيت أي سي ديلكو ديكسوس ، كلاهما بلزوجة 5w-30
في كلا التجربتين : أخذت عينة من الزيت بعد قطع 10 الاف كم لمعمل تحليل الزيوت في الزاهد-كاتربلير - صناعية الدمام ،
كلا الزيتين متماسك اللزوجة بعد قطع 10 الاف كم ما بين سفر ومدينة وجو حار وبارد ، ومن يومها وأنا ما أحط غير هاللزوجة
توكل على الله وحط زيت 5w-30 بالذات اللي عليه علامة ديكسوس
نصيحتي زيت أي سي ديلكو ديكسوس الذهبي ، صناعي وسعره 24 ريال +15 ريال شغل يد بمراكز أي سي ديلكو
العائق الوحيد أمام الزيت أنه يكمل مسافات طويلة فوق الـ10 الاف هو الغبار والأتربة ، وليست حرارة الجو ،
واللي يحمي الزيت من الغبار والأتربة هم الفلاتر ( فلتر الهوا والزيت )
بالنسبة للمدة الزمنية فالزيت الصناعي تقدر تخليه سنة كاملة من غير تغيير ،
لكن أحرص على تنظيف فلتر الهوا بشكل دوري بسبب الغبار
رد: هل فيه احد جرب زيت 5w30 ؟
20/50 هو افضل زيت لآجواء المملكه الباقي مصاريف زايده على الفاضي لزوجة الزيت مهمه لما تكون في دول اجوائها ثلجيه لكن عندنا نركب السياره نصير نحنا لزجين
رد: هل فيه احد جرب زيت 5w30 ؟
انا اول مرة استخدم 5w-30 لسيارتي GX460
وماشي علية 6الف كيلو والى الان لم اقم باتشيك على مستوى الزيت
الي طبعا هو كاسترول
رد: هل فيه احد جرب زيت 5w30 ؟
اقتباس:
المشاركة الأصلية كتبت بواسطة لايف ستايل
20/50 هو افضل زيت لآجواء المملكه الباقي مصاريف زايده على الفاضي لزوجة الزيت مهمه لما تكون في دول اجوائها ثلجيه لكن عندنا نركب السياره نصير نحنا لزجين
ماتقوله غير صحيح
افتح كاتالوج السيارات الحديثة ستجد ان اللزوجة التي تقولها لاينصح بها لانها ثقيلة
مكينة السيارة لاتعترف بالجو الخارجي والدليل امبير الحرارة
رديتر السيارة مسؤول عن ثبات حرارة المكينة على درجة حرارة معينة سواء كانت الدرجة الخارجية باردة او حارة
رد: هل فيه احد جرب زيت 5w30 ؟
انا استخدمة
5w30
5w40
10w30
10w40
20w50
طبعا الزيوت الي استخدمتها
بداية 20w50 وكان الحمراني يوصي فيه فوكس سوبر جي تي
سبب تغيره لانه كان جدا ثقيل على طرمبة الزيت
بعدها جربة كاسترول 10w30
كان جيييد نوعا ما
لاكن بعد تغييره بنوع
فوكس 10w30 صار افضل
وعزم السياره كمان افضل
طبعا 20w50
فيه فرق عزم غير طبيعي والموتر اشبه انه مكتوم
بعدها بداية في الزيوت التخليقية
كاسترول ماجنتيك 10w40
كنت اغير الزيت مابين 8000-10000
طبعا مع اول التجارب كان بطل
واستخدمته لفترة تقارب سنة ونص
واخر مرتين اغير فيها
كان سيء جدا افك الزيت على 5000 كأني ماشي 10000
الزيت حالته يرثى عليها
بعدها جربة توتال 5w40
وكان صراحة بطل وسعر العلبة من المستودع 30 ريال
لاكن بعدها حولنا على افضل زيت جربته
موتر كرفت جربة 5w30 وكان بطل جدا جدا واغيره على 7000
طبعا بعدها غيرت 10w30 لان ماحصلت ويوصل اليوم الي بعده
وانا لازم اغير الزيت لان يومها فترة الاختبارات على ابوابها وما راح يمديني
اغير زيت
سعر كرتون موتر كرفت 5w30 مايزيد عن 210 ريال وفي البناشر العلبة 30
فرق اكثر من 12 ريال في العلبة
اخذت كرتونين موتر كرفت 10w30 وكان نفس الشي ابداع
ومستوى السياره بطل جدا جدا
واغيره كل 5000
نصيحتي للكل يبعد عن كاسترول
خصوصا ماجنتك لان مادري ينزل مغشوش او ايش حكايته
وافضل وارخص زيت الى الان يعتبر موتر كرفت