نتعة التبديلات و ثقل القير - كروز 2012

السلام عليكم ورحمة الله
اخوكم عضو جديد وان شاء الله افيد واستفيد
اخواني عندي كروز ويشهد الله ماندمت في حياتي قد ماندمت اني امتلكتها والحمدلله على كل حال الموديل 2012 فل كامل فيها علة القير وما أدراك مالقير :a1120(82): .. قبل فتره غيرت زيت القير في مركز صيانة اسي ديلكو في جدة فرع الستين وكانت ماشيه السيارة وقتها 70000 كيلو والحمدلله امورها فالسليم ومشيت عليها تقريبا الفين كيلو وفجأه وفي موقف ومكان وزمان لا احسد عليه تعطل القير بدون اي مقدمات احطه على d ويلقم نمره واحده فقط اللي هي النمره 3 يادوب تمشي السياره ولا ترضى تبدل واختفى مؤشر القير من الطبلون وطلعي الكود ماني متذكره والله بالضبط بس اعتقد 60 واشتغلت لمبة فالطبلون على شكل سياره كذا وعليها زي مفك حاولت امشيها مسافه لين مالقيت لها موقف كويس وقفتها واخذت لموزين ورحت البيت قلت الصباح رباح كلمت صاحب سطحه واتفقت معاه يقابلني في موقع السياره الصبح الساعه 6 واروح البيت وعينك ماتشوف النوم ولا عرفته من التفكير لين صارت الساعه 5 الفجر واخذت سيارة اخوي ورحت لموقع السيارة افك الباب واركب واتعوذ من الشيطان وأدق سلف وتشتغل طبيعي ويرجع القير يبدل والنمر تظهر على الطبلون وكل شي تمام ولا كأن شي صار والله ماتتصورون قد ايش فرحت وفي نفس الوقت قمت اوسوس لا تتعطل علي مره ثانيه يعني فرحه ماتمت اخذتها ومشيت وكلمت صاحب السطحه قلت لاتجي خلاص والحمد لله اسبوعين وسافرت عليها ولا فيها اي شي امس واللي كنت خايف منه يصير للأسف صار بدأت السياره تنتع نتعه مع الغيار الثاني والثالث اوقات في حال السرعات البطيئه مابين السرعه 40 الى 60 واحس بثقل فالدعسه خايف ان القير يصير له شي او يصلح فيني زي ماصار في اول مره وفي مكان قطعه مافيه احد او تتفاقم المشكله أكثر ويكون حلها أساسآ بسيط .. ودي اخواني اللي صارله هالمشكله ولقى حل يفيدنا او على الاقل يوصف لنا ورشه في جدة ممتازين عندهم فحص كمبيوتر زي الوكاله ويفسر الاخطاء ويعرف الخلل مريت اغلب مراكز الصناعيه شبك المطار وكلهم يقولون الكروز مالها برنامج عندنا تحسهم مايبون يفحصونها ومتخوفين منها حسيت فيني جرب انا وسيارتي :c0214: سامحوني ع الاطاله ولكن والله تبهذلت وطفشت من هالسيارة واخاف اوديها الوكاله وعاد تعرفون الوكاله ونصبهم ماعندهم غير بدل القطعه وبس او توضيب او قير جديد فياليت تدلوني على ورشه متخصصه وكويسه تحل لي المشكله وشاكر ومقدر لكم وصدقوني لو القى حل ارجع اقوله لكم حتى تستفيدون .. الله يجزاه و والديه جنات النعيم اللي يساعدني :xyxwave:

اتوقع عندك خلل في احد حساسات القير واذا انت من الشرقية اعطيك اسم ورشة تفحص وعندها مثل اجهزة الوكالة

فديتك اخوي mahdi sa والله يسمع منك يارب اتمنى تكون شغلة حساسات وحلها بسيط لكن وين المركز اللي أروحله ويفتيني وللأسف وانا اخوك انا من جدة ياليتني فالشرقيه .. اشكر لك ردك ومشاركتك لا عدمتك ..

اذا صلحتها بيعها اليوم القير بكره المكينه
هذي هي الشفروليه باختصار

و عليكم السلام و رحمة الله و بركاته

وصف المشكلة يشير إلى خراب الحساسات. النتعات عند نقل النمر منها , أيضًا التثبيت على نمرة واحدة (الثالث) و حصول الحل بإعادة تشغيل السيارة .. أيضًا مشكلة حساسات. إن شاء الله بس تنباع لحالها و ليس بلف بدي كامل. لأان بعض الوكلاء ما يوفرن إلا بلف بدي كامل!! علشان الواحد بدل ما يدفع 200 أو 300 يقوم يدفع 3000 ريال ! واضحة الشغلة ليش.

يجب فحص الكبيوتر بالجهاز المختص بشفروليه فقط , من أجل معرفة الحساسات التاللفة.
اسمه الجهاز Tech2


حتى تختصر وقت. فإما تروح للوكالة أو تسأل الورشات مين عنده هذا النوع. هذا رأيي لك.

و تغيير زيت القير لا يسبب مشكلة كهذك للمعلومية. فربما صادفتها لا أكثر
أيضًا أنبهك على أن تغيير زيت القير يكون كل 100 ألف كم للسيارات الحديثة. الزيت المستخدم لقير سيارتك هو Dexron4 و هذا يعيش زي ما قلت لك 100 ألف , و قد تزيد في حالة هدوء القيادة.

أتمنى أن نكون في جدة و نعرف أحد فيها. الله يعينك و إن شاء الله ننتظر خبر طيب منك.

اقتباس:

---

المشاركة الأصلية كتبت بواسطة abutaleb

اذا صلحتها بيعها اليوم القير بكره المكينه
هذي هي الشفروليه باختصار

---

شاكر لك ردك اخوي اتمنى تنحل مشكلتها والله الموتر جديد وحريص عليه لكن نصيب مانقول إلآ الحمدلله على كل حال والله يكتب مافيه الخير

اقتباس:

---

المشاركة الأصلية كتبت بواسطة super_safari

و عليكم السلام و رحمة الله و بركاته

وصف المشكلة يشير إلى خراب الحساسات. النتعات عند نقل النمر منها , أيضًا التثبيت على نمرة واحدة (الثالث) و حصول الحل بإعادة تشغيل السيارة .. أيضًا مشكلة حساسات. إن شاء الله بس تنباع لحالها و ليس بلف بدي كامل. لأان بعض الوكلاء ما يوفرن إلا بلف بدي كامل!! علشان الواحد بدل ما يدفع 200 أو 300 يقوم يدفع 3000 ريال ! واضحة الشغلة ليش.

يجب فحص الكبيوتر بالجهاز المختص بشفروليه فقط , من أجل معرفة الحساسات التاللفة.
اسمه الجهاز Tech2


حتى تختصر وقت. فإما تروح للوكالة أو تسأل الورشات مين عنده هذا النوع. هذا رأيي لك.

و تغيير زيت القير لا يسبب مشكلة كهذك للمعلومية. فربما صادفتها لا أكثر
أيضًا أنبهك على أن تغيير زيت القير يكون كل 100 ألف كم للسيارات الحديثة. الزيت المستخدم لقير سيارتك هو Dexron4 و هذا يعيش زي ما قلت لك 100 ألف , و قد تزيد في حالة هدوء القيادة.

أتمنى أن نكون في جدة و نعرف أحد فيها. الله يعينك و إن شاء الله ننتظر خبر طيب منك.

---

فديت قلبك على ردك وكلامك طمني شوي عسى ربي يطمنك بالخير اخوي
المشكله فالمراكز اللي عندها الجهاز وين القاها لفيت وسألت مالقيت أحد عنده برنامج الكروز وزي ماتفضلت وانا اخوك والله اني تارك الوكاله آخر الحلول ادري لو وديتها ماراح يقصرون ينهبون ولو المشكله بسيطه كبروها كلامك واقتراحك فالحسبان وبسوي اللي قلت عليه بإذن واحد أحد ..
وبإذن الله شباب جدة يفيدونا بمركز صيانه نروحله .. شاكر مرورك وردك عسى ربي يرزقك وجميع من رد و والديه جنات النعيم

اخوي super_safari نسيت اسألك بالنسبه للمشي ألحين على الموتر مسافه بسيطه يوميآ 3 كيلو من دون ضغط على الموتر يعني من الدوام للبيت علمآ انه مايمديني اعدي سرعة 40 مع الزحمه والإشارات تتوقع ماراح يأثر ع القير او تتفاقم المشكله لين ألقى حل لأن ماعندي موتر بديل ..

لا تقلق , لا يوجد تأثير إن شاء الله.

عليك بالوكاله باالنسبه للكرور
لابرامج ولا فحص يفيد معها من تجربه
خليك من كل من يفتي وهو لايعرف شي خاصه الورش
حاول ان تدخلها على الضمان ولو بشكوى للشركه الام
وفقك الله ويسر امرك

اقتباس:

---

المشاركة الأصلية كتبت بواسطة super_safari

لا تقلق , لا يوجد تأثير إن شاء الله.

---

لاهنت اخوي سوبر سفاري وشاكر لك اهتمامك لا عدمتك

اقتباس:

---

المشاركة الأصلية كتبت بواسطة مركز جوانا

عليك بالوكاله باالنسبه للكرور
لابرامج ولا فحص يفيد معها من تجربه
خليك من كل من يفتي وهو لايعرف شي خاصه الورش
حاول ان تدخلها على الضمان ولو بشكوى للشركه الام
وفقك الله ويسر امرك

---

حياك الله اخوي مركز جوانا والله وانا اخوك السيارة منتهي ظمانها لأن الضمان 60000 فقط
ولآ لو ضمانها ساري كان والله ما أرحمهم لكن الشكوى لله سبحانه .. سبق و ذكرولي بعض الشباب حصل معاهم نفس المشكله و ودوها للوكاله وطلبو منهم توضيب في حدود 12000 مبلغ ماهو بسيط وبعضهم ذكر انه طلع عطل في حساس الـ tps بعد الفحص وغيره وصارت أموره تمام وأشخاص كان الزيت ناقص وانحلت المشكله أنا لو ألقى بس متخصص جيربوكس في جدة رحتله أو أحد يفيدني بورشه سبق له أن حصل عنده نفس المشكله وحلها لأني متعين جديد في جدة ولا عندي إلمام بالورش والمراكز ..
عمومآ الف شكر يالغالي وتمنيت مركزكم في جدة والله كان مريت عليك قرأت بعض ردود الأخوان عن مركزكم وانطباعهم ورضاهم عنكم أسأل الله لكم التوفيق وأن يرزقك من حيث لا تحتسب وشكرآ لك اهتمامك وردك اخوي الفاضل
وان شاء الله يجي أحد من جدة يرد علينا ..

أخ mahdi sa أنا من الشرقية وعندي مشكلة شبيه ممكن تعطيني اسم ورشة