بشتري نيسان سنترا 1.6 نصف فل - شرايكم
بشتري نيسان سنترا 1.6 نصف فل - شرايكم
حصلتها بسعر 48000 عند عماد الدين بالنسيم 2014
من جربها وماهو مستواها بالمقارنة مع كورولا 1.6 والنترا 1.6 نفس الفئة
وهل سعرها مناسب مع العلم انة ممكن يكون اقل اذا نزل 2015 يعني ممكن تكون ب 45 الف
سعر الكورولا 61 الف والالنترا 53
رد: بشتري نيسان سنترا 1.6 نصف فل - شرايكم
انا اشوف يالغالي تنتظر شويه رمضان على الابواب وتصير فيه عروض على السيارات وممكن توصل كمان مازدا 3
وهيا تعتبر منافس جيد بهاذي الفئه وان شاء الله كل تأخيره فيها خيره لك بس حاول تحدد اقصى حد كمبلغ عشان باقي الشباب
يساعدونك بالخيارات
رد: بشتري نيسان سنترا 1.6 نصف فل - شرايكم
انا مجربها اطلق من الالنترا ومن غيرها وسياره بالفعل محترمه وسعرها رخيص لآن وكالتها خايسه ماتوفر قطع غيار ولا صيانه والناس ماتبغى وجع راس الواحد بيشتري سياره عشان يرتاح مو عشان يركنها ويستأجر سياره الى ان يتحنن عليه العيسى ويجيب له قطعة الغيار
رد: بشتري نيسان سنترا 1.6 نصف فل - شرايكم
السياره حلوه ماسمعت عنها بالمشاكل فيها
لكن مشكلتها بالوكيل عدم توفر قطع الغيار واعتقد هذي مهمه جدا اذا ماوفر الوكيل قطع الغيار ايش الفايده من شراء السياره غير وجع الراس
اذا بتغير خياراتك لا يغرك سعر الكوري الرخيص لانه بالامان صفر ونصيحه لا تاخذ كوري الا بمواصفات امان لا تقل عن ايرباقين و ABS
غير كذا ماانصحك فيه ابدا وانت بكيفك
موفق ان شاء الله
رد: بشتري نيسان سنترا 1.6 نصف فل - شرايكم
ما اعرف احد امتلكها لكن اخوي استأجرها كم يوم
ويمدحها كثيير ويبصم بالعشرة انها الافضل في فئتها
والصراحة السعر حلو
رد: بشتري نيسان سنترا 1.6 نصف فل - شرايكم
السيارة ممتازه واذا خايف من الصيانة وقطع الغيار تقدر تمدد الضمان 5 سنوات مفتوح الكيلو1900 ريال والحين عن العيسى عرض لرمضان صيانة مجانية 3 سنوات او 60 الف
رد: بشتري نيسان سنترا 1.6 نصف فل - شرايكم
أنا جربتها
ممتازة من ناحية الرساوة والسعة وراحة المقعد والتكييف
بالنسبة للعزم ، ياخي ما تعرف لها :D
قيرها من نوع CVT وهالقير من النوع اللي يغير مرة وحدة بس يعني تحس الموتر ما يطيح عزمه بسبب عدم التغيير وأحيانا تسمع له حنة .... مدري عجزت احكم عليها مضبوط من هالناحية :bigggrin:
نصيحتي لك ، تلقى عند محل بيست لتأجير السيارات على الدائري الشرقي كم حبة عندهم ، استاجرها وجربها بنفسك .. سعرها باليوم 120 ريال تقريباً ... فإما تعزم عليها او تصرف النظر عنها نهائياً
كلام الأخوة فوق مأخوذ بالاعتبار لكن تظل لك وجهة نظر مستقلة تظهر بعد تجربتها
رد: بشتري نيسان سنترا 1.6 نصف فل - شرايكم
سعرها جدا منافس
وشكلها الخارجي حلو
وبخصوص القطع مر الوكالة وأستفسر عن قطع الغيار ثم أسألة موجودة أو لا
سواء الاستهلاكية او الغير استهلاكية وعلشان بنفس الوقت يكون عندك فكرة عن اسعارها واهم شيء من هذا كله جربها هي افضل طريقة لمعرفتها قبل لا تشتريها والاقتناع من عدمه