شراء مفتاح كامري2007 فما فوق او كورولا 2008 فما فوق من ebay

السلام عليكم و رحمة الله وبركاته

احتجت أقص مفتاح لسيارتي الكورولا 2010 و رحت المحلات
و أسعار قص المفتاح مع البرمجة يتراوح سعره من 150 ريال الى 300 ريال على حسب المحل
المهم الكورولا من 2008 و طالع
و الكامري 2007 و طالع
و اليارس 2007 و طالع
المفتاح الي يشغل السيارة نوعه 4D Chip

المهم و عزمت أدور في موقع ebay و بعد بحث و دوران لقيت بائع يبيع مفاتيح من هونق كونق و شفت الشحن مجاني للسعودية و تراسلت مع البائع و قلت له وش شركه الشحن الي ترسل عليها قالي China Post
المهم قلت ما في إلا واصل
و رحت و فتحت واصل مجاني من البريد السعودي و شفت سعر المفتاح الواحد ب 12 $
و المفتاحين ب 19.50 $ قلت بطلب ثنين و طلبتهم و طبعًا الشحن ياخذ شهر


هذا رابط السلعة
http://www.ebay.com/itm/171034272693...84.m1423.l2649

وصلت الشحنة أمس و أخذتها اليوم و هذي صورة الشحنة



المفاتيح بعد فتح الكيس



و هذ المفتاح بعد القص
طبعا ما برمجته في المحل
نلاحظ النقطة في المفتاح هذا


المفتاح هذا يقبل للكامري من 2007 و طالع و للكورولا 2008 و طالع و لليارس 2007 و طالع

طريقة البرمجة الي نفعت معي فقط كالتالي. غيرها جربت ما نفع:

اولا لازم معك المفتاح الأسود واسمه الماستر
المفتاح الرصاصي ما ينفع لازم الاسود
اول شي تسويه تقفل الباب و الشباببيك كلهم
دخل المفتاح الماستر بدون ما تدور سويش التشغيل , دخله و طلع خمس مرات ثم خلي المفتاح لا تشيله
ثاني شي افتح الباب و قفله ست مرات سريعة
ثالث شي شيل المفتاح القديم و حط الجديد برضو لا تدور السوتش خليه و انتظر 60 ثانية أو اقل لين لمبة السكيورتي تطفي , لو طفت شغل السيارة.

و مبروك عليك المفتاح الجديد

ماشاء الله عليك تفكير سليـــم
غريبة السلعة اختفت من الموقع؟

و كيف المفتاح معك؟

اقتباس:

---

المشاركة الأصلية كتبت بواسطة المخلب الناري

ماشاء الله عليك تفكير سليـــم
غريبة السلعة اختفت من الموقع؟

و كيف المفتاح معك؟

---

الرابط شغال
تفضل هذا رابط اخر
http://r.ebay.com/NG08XK

والله المفتاحين برمجتمهم وشغالين ولله الحمد

يعطيك العافيه معلومات قيمه كتب الله اجرك

و عليكم السلام و رحمة الله و بركاته
تسلم يداك
تقييم ممتاز

اقتباس:

---

المشاركة الأصلية كتبت بواسطة مركز جوانا

يعطيك العافيه معلومات قيمه كتب الله اجرك

---

آللّــہ ♡ يعافيك وياجرنا معاك

وعليكم السلام ورحمة الله وبركاته

الله يعطيك العافية على الموضوع المميز.. تجربة موفقة

وعليكم السلام ورحمة الله وبركاته

جزاك الله عنا خير الجزاء لحرصك وتفانيك لفائدة اخوتك
دمت في رعاية الله وحفظه
تحياتي