حل مشكلة النفضة في السيارة و الكتمة
كثير من السيارات و خصوصا الامريكية يجي فيها كتمة و نفضة أو رجة في السيارة طبعا الاسباب كثييييرة و لاكن أهمها هو بخاخات السيارة ليسة نظيفة و لحلها تكلفة 250 ريال فقط لا غير
طبعا الكثير مستغرب ولاكن لأني دفعة أكثر من 2000 ريال و غيرت قطع في السيارة و أن شاء الله ما هي خسارة
و تعلمت درس لن انساه من الورش .
المهم بقولكم الحل و سالفتي بعدين الحل هو :
1- تنظيف بخاخات السيارة عند محطات بترومين أكسبريس و هي منتشرة بتكلفة 250 ريال فقط لا غير .
لابد من أن تنظف بخاخات السيارة كل فترة كل سنة أو سنتين على حسب رجلك على الموتر .
2- تنظيف بوابة الهواء أو الثروتل التكلفة 15 ريال و شغل يدك أنت أبحث في الشيخ قوقل و يعطيك الطريقة
3- لازم تغير صفاية البنزين بتكلة شغل اليد 50 ريال في أي ورشة .
4- تغيير بواجي عند اللزوم يعني كل سنة أو سنتين تقل أو تزيد .
5- أبدا لا تغير الكويل حتى لو كان خربان إلى إذا كان كويل سيارتك رخيص انت حر ولاكن دائمن الكويلات يكون الخراب في السستة إلي داخل الكويل او الربل يعني إذا قالك غير الكويل قل عطني الكويل رح لأي محل قطع غيار أشتر سستة و ربل و خله يركبها لك و انت تشوفه . .
رحت للورش بنظف الثروتل طلب مني 300 ريال ؟؟؟؟ و عند باب البيت 25دقيقة و انا خالص ب 15 ريال .
المهم هالاشياء هي اهم مسببات الرجة و الكتمة في السيارة اعملها بالترتيب وراح تدعيلي .
عاد سالفتي :
السيارة كابريس 2005 6 سلندر
عندي رجة في سيارتي أول مرة صكني جيركو 1000ريال شغل يد فقط و تنظيف الثلاجة و تغيير بواجي و تغيير وجه ثلاجة راحت الرجة المهم بعد سنه رجعت الرجة و قلت الله يعين ماني برايح لهم خلني أشوف وشهي منه العلة .
صرت كل شوي اغير قطع شاك فيه مثل غيرة البواجي مع وجه الثلاجة مع صفاية البنزن عند واحد سعودي يوم حس اني فاهم ما عاد أستقبلني مره ثاني صار يصرفني يقول زحمة و هو فاضي المهم كلف شغل يد 250ريال و فحص كمبيتور عنده 100 ريال .
خفت و ماراحت الرجه و لا الكتمة .
غيرة كراسي المكينة القطع 800 ريال شغل اليد 200 شغل اليد بغية أبوس راسة من ألي شفتة من أسعار مبالغ فيها أرخص واحد سوري 450 ريال يالله طحت على هاليماني 200 ريال .
خفت و ماراحت
رحت لورشة في صناعية النسيم سوى تصفية للمكينة ( مدري وشي ) بحكم عملي في هذه الفترة صرت بسويها بالي هيبه بخلص عشان سفريات العمل و خلافة
المهم تصفيه مكينة و لاراحت غيرة حساس vvt و لا راحت شيك على الكويلات سليمة المهم بحلوبها آخر شي قالي الكمبروسر خربان لا زم تغييرة و هم آخذين شغل يد 500 ريال المهم بعد هواااش خليتهم يرجعون لي 270 ريال لأنهم ما عرفو يحلون المشكلة المهم .
مريت بالصدفة بغير الزيت عند برومين أكسبريس إلي على خريص عند معارض النسيم وشوف تنظيف البخاخات 250 ريال قلت يالله نظف المهم نظفت و راحت المشكلة و لا رجة و لا هم يحزنون .
قلت ألي في الورش هذولي سباكين و يتعلمون علينا و حنى الضحية .
نصيحة للكل لا تخلي سيارتك فأر تجارب للسباكين هذولي
إذا ما صلحت الشغلة رجع فلوسك منهم لو بالقوه .
رد: حل مشكلة النفضة في السيارة و الكتمة
السلام عليكم ورحمة الله وبركاته
vipbvip
الله يجزاك خير الجزاء وربي يسعدك ووالديك دينا وآخرة..
مشكور على نقل التجربة المفيدة .
رد: حل مشكلة النفضة في السيارة و الكتمة
بارك الله فيك وجزاك الله خير
عندي مشكله مقاربه وحبيت اسألك
كانت السياره تمام وما عندي مشكله
لكن ذ اك اليوم مستعجل و رجلي حاره شوي والطريق زحمة ادوس بشكل عنيف اذا لقيت فرصه وارجع اهدي مع الزحمه لدرجة السيارات توقف احياناً
ثم طلعت لي مشكله
مثل التفتفه او تنتيع كأن السياره بتطفي من البنزين اذا كنت معشق القير
واذا رجعته في الدي تهدي الرجه وتكون ع خفيف لكن لما اكون ماشي خط سريع ما الاحظ شيئ واحياناً تختفي وثاني يوم ترجع ...
انا متوقع الكويلات او كهرباء وابي رايك
السياره ماركيز
رد: حل مشكلة النفضة في السيارة و الكتمة
يسعدني مرورك أوخوي يوسف 20 و امنى أني اكون قد قدمت ما يفيد
أخوي أبو هادي
أحتمال كبير تكون البخاخات
ولاكن انت أعمل الصيانة الدورية إذا كانك ما سويتهامن زمان
مثل تغيير صفاية بنزين و البواجي اتوقع ما عندك فيها مشكلة
و اهم شي سو تنضيف بخاخات عند بترومين 250 ريال فقط لا غير
وأمنى انك ما تروح لورشة وحده لف على 20 ورشه تراهم كلهم زي بعض يعني يتعلمون فينى
يعني لازم تفهم الشغله زين على شان يحسك فاهم و لا يلعب في سيارتك و لا يقصك بالسعر
رد: حل مشكلة النفضة في السيارة و الكتمة
vipbvip
الله يجزاك خير والله ماقصرت كفيت و وفيت
انا عندي مشكله الي هي زر الباور ماعاد اشتغل معي ولا عاد فرقت بالسيارة ان ضغطته ولا ماضغطته مع اني قبل بيوم مستخدمه لآول مرة واشتغل اللحين اضغطه ولا كآني مسوي شي تكفون احد يساعدني
رد: حل مشكلة النفضة في السيارة و الكتمة
vipbvip الله يعطيك العافية على نصايحك و حبيت أسألك في نفس الشيء:
1-وش قصدك ببوابة الهواء هل هو الفلتر؟و الثروتل هل هو منظم الهواء؟ و وين مكانه؟
2-كراسي الماكينة و الشكمان (عندي فيح فتحات كثيرة) هل تؤثر على العزم؟
3-أخوي غير الجيربوكس(السيارة معي) بداية 1427 وكان عزم السيارة مرة تعباااااان لإن الجيربوكس صغير ما كمل سنة و خرب غيره و ركب 700 و الحمدلله العزم و لا أحلى لكن كانت فيه طقطة و طلع غطاء الحذاف رجعت للورشة و لحوه لكن العزم قل و ما أقدر احرق للسيارة يعني إذا دعست للأخير تسرع بو مو بنفس السرعة إذا رجعت السياراة نمرة و شدت رجعت لهم المرة الثانية و صلحوها لكن فيه فرق ملحوظ بين العزم قبل ما يصلح غطاء الحذاف و بعد ما صلح السيارة المرة الأخيرة بعد سنة و نص النقل ما بين نمرة والثانية يتأخر غيرت الفلتر مع الزيت و الزيت كان ينقص باستمرار بعد الغيار (و من غبائي كملت و ما إن الجيربوكس يهرب إلا بعد 11 شهر و كل أسبوع أزيده علبه ) المهم بعد غيار الفلتر بسنة و 4 شهور خرب الجربوكس و وظبته رمضان قبل الماضي و السيارة الحمد لله ماشية لكن أحس العزم يقل ما بين فترة و فترة البواجي و فلتر البنزين لي تقريبا 3 سنين كل 7-9 شهور أغيرها و زيت الماكينة أغيره بعد 3000 و المستخد سوبر شل بعد القصة الطويلة وش هو الحذاف و وين مكانه و هل يؤثر على العزم؟
4-الكويل بعد ما أخذت السيارة من أخوي (لها معي 5 سنين) ما نظفت الكويل وين مكانه؟ و ودي أنظفه بنفسي
ويا ليت تشوف الموضوع هذا و تفيدني
http://www.assayyarat.com/forums/thread266116.html
السيارة كابرس 1993