عرض البنك الأهلي التأجيري للسيارات
بسم الله الرحمن الرحيم
السلام عليكم ورحمة الله وبركاته
وكل عام والجميع بألف خير وصحه وسعاده ..
جالس افكر هالايام بسيارة نظام تأجير .. وجلست الف وادور على مواقع البنوك والشركات
ولقيت عرض من البنك الأهلي بهامش ربح للبنك 3.99 حتى للي ماهو محول راتبه عليهم ..
طبعآ هالمعلومة مو مذكورة بموقعهم لكن أكدها لي موظف الرقم المجاني 8002441005
وقال لي ان بإمكان العملاء الراغبين في نظام التأجير الدخول في السحب على جائزة الحصول
على التأجير ( مجانآ ) اي يقوم البنك بسداد الاقساط عنك وتحصل على السيارة ببلاش ..
وحتى لو افترضنا ان نسبة حصول العميل على الجائزة 0.1 % فيكفي هامش الربح التنافسي
المميز .. بالمناسبة انا ماني موظف بالبنك .. انا موظف بقطاع الاتصالات لكن حبيت احط لكم
هالعرض .. وخاصة للي حابين يقدمون على نظام تأجير هالفترة .. علمآ ان بنك الرياض ايضآ
يقدم هامش ربح رائع 2.99 لكن لعملاءه فقط .. ويعلى هامش الربح للي ماهو محول راتبه عليهم ..
رابط عرض البنك الأهلي .. وبالتوفيق للجميع
http://www.alahli.com/ar-SA/Personal...Autolease.aspx
رد: عرض البنك الأهلي التأجيري للسيارات
طيب لاتنسى نسبة التأمين الشامل حوالي 3 % بعد اتوقع مو متأكد
رد: عرض البنك الأهلي التأجيري للسيارات
^^^^^^
صحيح كلامك نسبة التأمين في هالحدود من 3 الى 4 %
ومع ذلك تبقى نسبة جيدة جدآ .. الله يرحم اول .. كانوا ياخذون اكثر
من 10 الى 12% .. يعني الفارق اصبح كبير ومشجع ..
اشكر لك مرورك
رد: عرض البنك الأهلي التأجيري للسيارات
انا حسابي على بنك الاهلي عندي موعد يوم السبت مع بنك الرياض ايهم افضل الرياض ولا الاهلي وشكرا
رد: عرض البنك الأهلي التأجيري للسيارات
^^^^^^^^^^
حاليآ الأهلي خاصة انك محول راتبك عليهم يعني اكيد بيكون لك امتيازات افضل ..
بس مايمنع انك تقارن بين الاهلي والرياض يمكن يكون فيه شيء مخفي ماندري عنه ..
وبالتوفيق لك ان شاء الله
رد: عرض البنك الأهلي التأجيري للسيارات
المعلومات هذي ممتازة للي مقدم على شراء سيارة جديدة بنظام التأجير...!!
تقبل مروري :smile:..!!
رد: عرض البنك الأهلي التأجيري للسيارات
لو اضفنا لها 3 % تامين يعني تطلع تقريبا 6 % لكل عام
ويعني نسبة الفائدة خلال 5 سنوات تطلع عليك 30 %
صوما مقبولا أن شاء الله
رد: عرض البنك الأهلي التأجيري للسيارات
روح للبنك العربي نسبة الربح 2% و التأمين 3.25% يعني المجموع 5.25%. رح اسحب سيارة عن طريقهم اليوم ان شاء الله من كيا.
ادعولي ....... رمضان مبارك عليكم