استفسار عن بلف حراره الماركيز

السلام عليكم

اخواني طرا على بالي موضوع الي هو اختلاف انبير حراره الفرود والماركيزات رغم انهم نفس الموديل وكل شي

يعني على سبيل المثال سيارتي انبير حرارتها على النص تماما بينما سياره صديقي على الربع والحمد لله كلهم ما فيهم الا العافيه

وانا حسب خبرتي المتواضعه جدا :bigggrin: اعرف ان السبب من البلف لانه هو الي ينظم دخول الماء وخروجه حسب درجه الحراره

فالسؤال هو هل فيه انواع من البلوف ؟ وما هي ؟

وعلى الطاري ناوي اغسل المكينه والرديتر هل فيه محل تعرفونه بالرياض زين للغسيل غير راعين المكاين الصفرا المصديه :bigggrin:

وهل فيه مويه رديتر تعرفونها مضبوطه ؟ مع اني مجرب مويه موتر كرفت الخضرا وما شفت منها شي

وسامحونا على الاطاله :xyxwave:

انا جربت موية ميستوبيشي علبتها سودة كثافته عالية تنزل الحرارة بشرط عدم وجود بلف الحرارة لأن البلف بيسوي ضغط ولابيخلي الماي يمشي بشكل مستمر

سيارتك موديل 99 متى آخر مرة سيخت الرديتر او غيرته؟

بلف الحرارة :قريت لشباب ركبوا بلف حرارة الكابريس موديل 90 وتحت
وهو يفتح على 85 وظبط معهم ويمحدونه.
اذا ما ركب فسوي ثقب بسيط في البلف بريشه دريل 6 ملم
مكان تنفيس البلف وراح تلاحظ نزول للحرارة بشكل عجيب

اذا موترك مروحه مكينه ركب بلف حراره حق كابرس 90 اذا مروحه كهرب مالك امل لان حتى لو غيرت البلف تبقى الحراره ثابته لان المروحه حساسها مابيشتغل الا على النص
تحياتي...

اقتباس:

---

المشاركة الأصلية كتبت بواسطة mahdi sa

انا جربت موية ميستوبيشي علبتها سودة كثافته عالية تنزل الحرارة بشرط عدم وجود بلف الحرارة لأن البلف بيسوي ضغط ولابيخلي الماي يمشي بشكل مستمر

---

مشكور على الافاده بس اتوقع ان المصنع ما حط البلف الا لانه ضروري ولا وش رايك :c0214:

اقتباس:

---

المشاركة الأصلية كتبت بواسطة عبدالعزيز 8

سيارتك موديل 99 متى آخر مرة سيخت الرديتر او غيرته؟

بلف الحرارة :قريت لشباب ركبوا بلف حرارة الكابريس موديل 90 وتحت
وهو يفتح على 85 وظبط معهم ويمحدونه.
اذا ما ركب فسوي ثقب بسيط في البلف بريشه دريل 6 ملم
مكان تنفيس البلف وراح تلاحظ نزول للحرارة بشكل عجيب

---

اخر مره غسلت الرديتر والمكينه بدون تصييخ قبل سنه او سنه ونص وللمعلوميه السياره ما فيها مشكله حراره
ومعلومتك حلوه بس وين اسوي الثقب

اقتباس:

---

المشاركة الأصلية كتبت بواسطة مجرد زائر2

اذا موترك مروحه مكينه ركب بلف حراره حق كابرس 90 اذا مروحه كهرب مالك امل لان حتى لو غيرت البلف تبقى الحراره ثابته لان المروحه حساسها مابيشتغل الا على النص
تحياتي...

---

والله مادري ما شيكت بس الظاهر انها كهرب يعني ما فيه امل :c0214:

وعليكم السلام ورحمة الله

بالفعل مثل ماذكرت اختلاف رقم البلف هو سبب الفرق في الحرارة , طبعا بخصوص البلف لازم يكون موافق لقطر ماكن البلف

وايضاً الطول لأن بعض البلوف مثل بلف الكابريس 94 - 96 نفس القطر ولكنه اطول من بلف الفورد ومايركب عليه

بلف الكابريس 90 اقصر من بلف الفورد ويفتح اسرع ولكن عيبه انه نفس قطر مدخل المويه اصغر من الفورد بشئ واضح

طبعا الحل البديل فيه محلات التزويد تبيع بلوف رياضية ممكن تركب على سيارتك

أخوكـ