رد: استفسارات بخصوص نافارا
وعليكم السلام
موضوع التأجير ماراح احد يفيدك اكثر من المؤجر نفسه انت اتصل على الى تريد تستأجر منه واستفسر عن الى تبي
اما انواع النافارا فهي اربع انواع
LE وهذي الفل كامل ومواصفاتها مراتب فصل وداخليه بيج وسيدي ومعتم على المرايه وحساسات وجنوط كروم مقاس 16 واشارات على المرايات الخارجيه قيبر وجناح للصندوق ومثبت سرعه واكباس وتجي عادي وتماتيك
SE 2 وهذي هي الي دارجه مع الناس وتفرق عن الفل انها داخليها عنابي ومراتب مشبوكه مثل مراتب الهاي لوكس بدون سيدي ومثبت ومعتم بالمرايه وحساسات فقط اما الباقي فهي نفس الفل
SE1 وهذي مواصفاتها جنط حديد مقاس 15 وبدون اشارات على المرايا وبدون اكباس وبدون فيبر وجناح على الصندوق مكبفه واقفال مركزيه ودركسون بور وريموت
S وهذي مثل الى قبلها لكن بدون اقفال مركزيه والقزاز مو كهرب وبدون ريموت وبدون اكباس
اما سعر الفل مديل 2010 كان حول الثمانين
وتقبل تحياتي
رد: استفسارات بخصوص نافارا
والله ما اقدر افيدك في السيارة....بس نصيحتي لك ابعد عن الايجار المنتهي بالتمليك لأن فيه شبهه....الله يوفقنا واياك...
رد: استفسارات بخصوص نافارا
الله يجزاكم خير
رحت لوكالة نيسان يقول موديل 2010 مخلصه و2011 تنزل بعد الحج
وسألته عن الاقساط
قال ما اقدر افيدك الا اذا نزلت لان اسعارها ممكن تزود
رد: استفسارات بخصوص نافارا
هـــب الـــريـــح
عندي سؤال لاهنت
الشماسات فيها مرايات ونور
وهل يوجد فيها ثلاجه
رد: استفسارات بخصوص نافارا
اقتباس:
المشاركة الأصلية كتبت بواسطة كرويف
هـــب الـــريـــح
عندي سؤال لاهنت
الشماسات فيها مرايات ونور
وهل يوجد فيها ثلاجه
الفل الظاهر انه فيه مرايات بشماسات مضائه لكن الباقيات مافيه الا مرايه للراكب صغيره وغير مضائه اما الثلاجه فلا يوجد فيها
مواضيع مفيده عن النافارا ولاتنسى الدعاء لاصحاب هذه المواضيع
http://www.nissan-arabia.com/vb/show...t=35804&page=1
http://cars-club.maktoob.com/vb/showthread.php?t=35743
http://cars-club.maktoob.com/vb/showthread.php?t=33928
رد: استفسارات بخصوص نافارا
الله يجزاك خير هب الريح
لان موقع النيسان فاشل ما يفيدك بأي شي
رد: استفسارات بخصوص نافارا
اخوي هب الريح
اسف كثرت عليك
هل يوجد في النافارا مقياس لدرجات الحراره ؟