تركيب كفرات Mastercraft Courser A/T على الكوماندر
السلام عليكم ورحمة الله وبركاتة ..
بعد ما تم ترفيع الكوماندر باليايات الإسترالية بمقدار بوصتين (5سم) جا دور الكفرات الأكبر.
وبعد بحث طويل في وكالات ومحلات الكفرات وجدت ان معظم الكفرات المتوفرة كفرات عادية لكل الأجواء (All-Weather/All-Seasons) ويقل وجود كفرات الطرق المتعددة (All-Terrain) واللتي تتميز بدعسه اخشن من الكفرات العادية وبأداء افضل في الطرق الوعرة (Off-road)
كفرات الوكالة صغيرة شوي مقاس 245/65/17 نوع Goodyear Wrangle HP All-Weather كفرات ممتاز حقيقة وتحملت طلعات البر الكثيرة على مدى سنة كاملة ومسافة 50 الف كيلو ولا قد واجهت اي مشاكل منها.
كان ودي بكفر BFGoodrich All-Terrain لكن للأسف ماوجته!
الكفرا اللي رسيت عليه كفر غير معروف ماركة Mastercraft الأمريكية وهي ماركة تصنع من قبل شركة Cooper الأمريكية وتحمل تقريبا نفس مواصفات كفرات الـCooper ومصنعة في امريكا في نفس مصانع Cooper
المقاس اللي كنت ابحث عنه كان 265/70/17 لكن ما وجدت اللا 265/65/17 وهذا المقاس اكبر من مقاس الوكالة بـ 1 بوصة في القطر و 0.78 بوصة في العرض (على حسب حاسبة مقاس الكفرات)
هذي صور الكفر الجديد مع القديم ,,,
الميزة في كفر الماستركرافت انو عرض الدعسة (Tread Width) جداً كبير وأكبر من الكفرات الاخرى بنفس المقاس وحتى اكبر من مواصفات الكفر الرسمية نفسه !! المفروض وعلى حسب موصفات الكفر الرسمية يكون عرض الدعسة 8.75 بوصة (22.2 سم) وهذا اكبر حتى من عرض دعسة كفرات اخرى بعرض 275 وبعض كفرات 285 ايضاً ,, لكن بالقياس طلع عرض الدعسة الحقيقي 9.1 بوصة (23.2سم) !!!
عرض الكفر الأصلي كان 7.2 بوصة (18.3 سم) يعني الكفر الجديد اكبر في عرض الدعسة من القديم بـ 5 سم تقريباَ !! والكفر الجديد اكبر من القديم في الإرتفاع ايضاً حيث يرفع السيارة بمقدار 1.3 سم
بعض مواصفات الكفر الجديد من نوع Mastercraft Courser A/T 265/65/17 :
Service : 112T
112 تدل على اقصى حمولة للكفر وهي 1120 كلجم (القديم كان 975 كلجم)
T تدل على اقصى سرعة للكفر وهي 190 كم/س (القديم كان H اللي هو 210 كم/س)
Treadwear: 460
Traction:A
Temperature:B
قيمة الكفر 550 ريال مع التركيب واخذته من الوكيل في الغرابي في الرياض مؤسسة إسماعيل الجمعان
أداء الكفرات: الكفرات غيرت منظر السيارة واضافت له هيبة ,,, الى الان ما جربتها في الطعوس او البر لكن صوت الكفرات عالي شياً ما في السرعات اكثر من 90 كم/س بسبب عرضها ونقشتها الخشنة
الان مع صور الكفرات على الكوماندر مع رفعة 2 بوصة ..
الرجاء عدم الرد ,, لم ينتهي الموضوع ..
رد : تركيب كفرات Mastercraft Courser A/T على الكوماندر
قارنت الكفرات الجديدة بكفرات الدنلوب اللي تجي في اللاند كروزر مقاس 275/70/16 وبالقياس وجدت ان عرض دعسة كفر الدنلوب 8 بوصة (20.3سم) مقابل 9.1 بوصة (23.2سم) في كفرات الماستركرافت مع انو عرضها 265 و الدنلوب 275 !
أيضاً قارنت الكفرات والسيارة بشكل عام بعد الترفيع والكفرات بالبرادو لأن مقاس كفراتها نفس مقاس كفرات الماستر كرافت 265/65/17 وبالقياس طلع عرض دعسة كفر البرادو (دنلوب) 7.7 بوصة (19.5سم) مقابل 9.1بوصة (23.2سم) في كفرات الماستركرافت مع انهم بنفس المقاس !
تم ,,,
تحياتي
أبو وسن
رد : تركيب كفرات Mastercraft Courser A/T على الكوماندر
الحين موترك طلع رهيب ماشاء الله ودائما تحط الاشياء المذهلة على هذا الكوماندر
وصراحة صار ارتفاعة بنفس لاند والبرادو قبل كان ووين نازل كثير
بس اكرة اشوف الكفرات اللي فيها كلام بالخط الكبير لانه لما تسوي البوليش الاسفنجة تروح عليك
والله يعطيك من خير هذي الكفرات
بس اسالك مافي طلعة جديدة للكوماندر ؟؟نبي نشوف القوة الان كيف
ولاجيب الا جيب\\يعطيك العافية
رد : تركيب كفرات Mastercraft Courser A/T على الكوماندر
مشاء الله تبارك الله ..
بالنسبة لكفرات : BFGoodrich All-Terrain فهي موجودة عند الجفالي وكيل كفرات مشيلان ..
وكفرات BFGoodrich راكبة عندي في الباث من الوكالة ( شد بلد )
تحياتي : ابن صقيه :ch9:
رد : تركيب كفرات Mastercraft Courser A/T على الكوماندر
ماشاء الله عليك . . فيه منافسه بينك وبين الخل الوفي في تعديل سياراتهم
الله يهنيكم ويبارك لكم فيه يارب . .
على فكره أحمد . . حصلت كوماندر 2007 محرك هيمي ( فل أوبشن ) مستعمل بـ 100 ألف وش رايك ؟ هو موجود في حوش الوكالة طريق الخبر الدمام
رد : تركيب كفرات Mastercraft Courser A/T على الكوماندر
ما شاء الله سويتها يالبنشري ههههههه .. اللحين يمكن يكون ارتفاع موترك اعلى من الهمر ههههه
فيه اشياء واجد ما فهمتها بس يبي لها قعدة عشان تشرح لنا على ارض الواقع
الله يعطيك خيره و يكفيك شرة
رد : تركيب كفرات Mastercraft Courser A/T على الكوماندر
ما شاء الله يابو وسن شكلها ممتاز وارتفاعها رائع، صارت سيارتك تقريباً أعلى بقليل من البرادو مع هذه التعديلات. هذا الشغل والا بلاش.
رد : تركيب كفرات Mastercraft Courser A/T على الكوماندر
ماشاء الله ...
صراحة انا يعجبني شكل الكوماندر من اول ما نزل...لكن بعد التعديلات هذي معليش..!!
طلع شكله متوحش ورهييب....الله يهنيك فيه...ويعطيك خيره ويكفيك شره
ــــــــ
تميم: جديد 2007 فل كامل 5.7 121 ألف..في الوكالة .