----------------------------------------------------------------
----------------
السلام عليكم ورحمة الله وبركاته
كشفت هيونداي معلومات عن قيرها الجديد أبو 6 سرعات والي بيركب على
الأزيرا شهر 1 ميلادي 2009 يعني الشهر الجاي .
وبهذا صارت ثالث شركه في العالم وعلى مدى تاريخ السيارات تصنع قيرها الخاص بال 6 سرعات بنفسها .
-- مميزات القير الجديد --
بالمقارنه مع القير الأول 5 سرعات
1 - أقل صرفيه للبنزين بمعدل 12%
3 - أصغر حجم من الأول بحيث أقصر ب 41 ملم وهذا مهم لسيارات الدفع الأمامي
3 - أخف وزن ب 12 كيلو وهذا أيضاً مهم لسيارات الدفع الأمامي
وهو مايجعله أخف قير 6 سرعات موجود على أي سياره حالياً
4 - أقل ب 62 قطعه ولهذا السبب هو أبسط وسجل أعلى جوده وإعتماديه .
نأخذ المثال المذكور من الشركه على القير الجديد واللي بيكون على الأزيرا المصنوعه من شهر 1 / 2009 , وبمكينة 3.3 , بعدها بيركب على باقي المكاين
الصرفيه فيها ( الأزيرا ) بيصير
يمشيها كل لتر 10.1 كيلو بالمقارنه مع 9 للقديمه ب 5 سرعات
التسارع من 0 - 100 بيكون 7.75 بالمقارنه مع 8 للقديمه
التسارع من 60 - 100 بيكون في 4 ثواني بالمقارنه مع 4.5 للقديمه
القير الجديد جودته مختبره وعاليه بحيث مايحتاج لصيانه ولا لتغيير الزيت على مدى عمر السياره , معيار الزيت له ملغى .
-------------------------------------------
من بعض خصائصه الداخليه
- فيه ثلاث تروس كوكبيه مايعطيه بساطه في التصميم
( أعتقد أنه يختلف عن الشكل التقليدي وهذا اللي مخليه أخف قير 6 سرعات موجود )
- محول عزم مميز جاي بشكل مسطح وهذا جعل وحدته أقصر ب 12 ملم
- أربع دفرنسات مجنحه تزيد من الإعتماديه وتصغر الحجم .
--------------------------------------------------
ومن الأمثله في تصميمه الفريد الإبداع الهندسي في تصميم وحدة منضم الضغط الهيدروليكي
والمعروف أسمها في صناعيتنا با ( الخريطه ) ,
فدائماً يكون فيه إختلاف بسيط في القيور من أحد بلوفها عن الثاني وهذا اللي يسوي رجه بسيطه عند التعشيق بين التروس فيأثر على نعومتها وجودة تعشيقها , لاكن من مميزات هذا القير أستخدمت حركه ذكيه وهي تثبيت مسامير معايره في البلوف الثمان تبعها بحيث تكون معايره بدقه ومثبته من المصنع بشكل دائم .
هذي الميزه فيه تعطي بشكل أكيد ضغط هيدروليكي ثابت عند أي نقطة تعشيق واللي تسهل على القير أنه يقدم درجه عاليه من الدقه والتحكم اللازمه لإعطاء سرعه عاليه وناعمه ودقيقه لتنقيلات القير عند أي سرعه للمكينه rpm .
----------------------------------------
سيتم إنتاج 5 أنواع مختلفه من قيرال 6 سرعات هذا لتركب على 16 موديل لسيارات وجيوب ال suv وعلى أنواع من مكائن البنزين والديزل
منها السنتافي واللي بيعدل في نهاية عام 2009 كموديل ل 2010
وأخيراً بعد تطوير الشركه للقير لأكثر من 4 سنوات وتجربته فإنه يحوي من التطور والتفرد ماجعل الشركه تسجل مايقرب من 300براءة إختراع في هذا القير الجديد ذو ال 6 سرعات .
