عرض للطباعة
كيثرا ما نجد مواضيع يسأل اصحابها السؤال التقليدي:
محتار بين سيارتين او بين عدة سيارات؟
وفي غضون عدة ساعات او حتى دقائق تتوالى الاجابات والردود والمقارنات وقد يصل الامر الى نزاعات وقد يتطور الى ماهو ابعد من ذلك.
وفي النهاية يختفي صاحب الموضوع او يكتفي بالرد بكلمة شكرا
ولكن في النهاية هل تتوقع ان مجموعة الاراء هذه تؤثر في اتخاذ قرار الشراء
أعتقد لو أن الشخص مايهمه رأي الأعضاء ما كان كتب الموضوع أساسا.
وأعتقد بالتأكيد راح يؤثر في أتخاذ القرار وجهة نظر
وعن نفسي تغيرات نظراتي لسيارات كثيرة والسبب ما أقراءة في هذا المنتدى الرائع
مشكور عزيزي على طرح هذا الموضوع|1|
ahn7799 أشاركك الرأي
*
ومراقبة آراء الأعضاء أحيانا محيرة بس تكون عندي قاعدة بيانات ... يعني إذاجت قدامي سيارة أكون ملم بالعيوب والمزايا اللي على أساسها أسوي مفاضلة بعدها إذا وفقني ربي واشتريت أكون مقتنع تماما باللي شريته
وتم التصويت بنعم
تؤثر بنسب مختلفه من شخص الى اخر
وزى ما قال ahn
لو أن الشخص مايهمه رأي الأعضاء ما كان كتب الموضوع أساسا
على العموم انا ساعدتنى الاراء المتعدده انى اشوف الموضوع او السياره باكثر من جهه
وبوجهات نظر مختلفه
وبصراحه نشكر كل الاشخاص الى بيحاولوو انه يحركواا المنتدى دا بتجاربهم الممتازه للسيارات الجديده وعمل تقارير رائعه عنها
والشكر لجميع الاعضاء على ارائهم
السلام عليكم
اولا :: موضوع رائع اخوي ابوهاني ويعطيك العافية
ثانيا :: من وجهة نظري ولاحد يزعل مني ياشباب : هناك قسمين من الاستبيانات اومواضيع طلب الرأي
القسم الاول :: اللي صاحبه يكتب موضوع ارجوكم افيدوني بكل شيء عن السيارة حتى سعرها وكم تجيب لي اذا بعتها بعد 3 سنين ووش مواصفاتها من داخل وخارج ويمين ويسار وكم سعر الفئة الفل منها وكم لو تكون بفتحة و و و الخ .... وهذا برأي اتكالية واعتمادية سلبية جدا ورأيي ان صاحب الموضوع بكل بساطة مايبي يتعب نفسه ويروح يشوف السيارة ويسئل عنها بالشركة او المعارض ولذلك هذا القسم من الاستبيانات اراه عقيم الا للكسالى فقط .... مثال بسيط ... موضوع قرأته عن الاندكروزر الجديد وصاحب الموضوع يسئل كم استبنه تجي فيه(يدل انه مايعرف عن السيارة شيء ابد ولاراح شافها او حتى مر على المعرض ) واحد الردود على الموضوع كانت :: لاتاخذ vx3 خذ vx1 طيب السبب ؟ لانه عملي اكثر ومايخرب !!!!!!!!!!!!!!!!!!!!!!!!!!!!!!!!!!|3|
القسم الثاني من الاستبيانات :: وهو السؤال عن من جرب سيارة معينة وماهي العيوب والميزات
واعتقد هذا الاستبيان الرائع اللذي نحتاجه او القراءة الرائعة اللتي نحتاجها لصقل خبراتنا جميعا صاحب الموضوع وغيره من الاعضاء ,, لان اللي مجرب السيارة راح يفيدك بكل شيء مو بس عدد الاستنبة الموجودة بالسيارة !! وراح يعطيك ميزات وعيوب
وقد تختلف العيوب والميزات من شخص لاخر فتعرف من ذلك ان احتياجاتك وجدتها في سيارة معينة ولو صاحب التجربة ابدا عيب عليها هو بالنسبة لك ميزة
لذلك التجارب من هذا النوع اروع مايميز منتدانا الراااااااائع
واما عن التأثر بالرأي اعتقد من التجارب الصادقة نعم اتاثر,, ولكن تعلمت ان لاخذها كلها ولارمي بها كلها بمعنى : قد تكون تجربة سيئة لشخص واحد والاخرين تجاربهم ناجحة وقد يكون العكس ....
في الاخير معذرة على الاطالة ولكن الموضوع هيج القلم(الكيبورد)
لك جزيل الشكر اخي ابو هاني
السلام عليكم
مشكور على الموضوع الجميل ابو هاني
كلام جميل جدا أخوي ابو عوف
واهم كلامك
((واما عن التأثر بالرأي اعتقد من التجارب الصادقة نعم اتاثر,, ولكن تعلمت ان لاخذها كلها ولارمي بها كلها بمعنى : قد تكون تجربة سيئة لشخص واحد والاخرين تجاربهم ناجحة وقد يكون العكس ....))
اهم شي الأغلبيه وش تقول في السياره اما بنسبه للشكل والكماليات والشكل الداخلي اهم شي ذوق المشتري نفسه ومن هذه الناحيه لا اتأثر لو براي أخوي لأني اعرف واحد بأحتياجاتي وكل واحد له ذوق اما لقوه تحمل السياره وقوه المكينه واسعار قطع الغيار وتوفرها زي ماقلت حسب الأغلبيه وش تقول...
اكيد اخوي يؤثر وبقوووووووووووووة.............
يعني انا باسال ناس فاهمين واثق انهم راح يعطوني المعلومات الصحيحه بدون كذب (احسن من سؤال الشريطيه النصابين)
تحياتي..
شكرا على الموضوع
صوت بلا
طبيعي لن اتأثر برأي شخص مجهول يحدثني من خلف الكيبورد
لكن ممكن اتاثر برأي شخص اعرفه واثق فيه