أخواني صرت منكم أن شاء الله وأبغى المساعده في المواصفات (( سوناتا ))
بسم الله الرحمن الرحيم
السلام عليكم ورحمة الله وبركاته
خلاص أستخرت الله ورسيت على السوناتا أن شاء الله ولؤلؤي بأذنه تعالى .
لكن عندي أستفسارات ياليت والله تساعدوني لأني أباخذها أيجار منتهى بالتملك .
أولا- هل السوناتا يوجد منها سياحي قزاز كهرباء وقير أتوماتيك ؟
ثانياً - فرضاً أخترت نصف الفل هل القير ( عادي + أتوماتيك ) مع بعض ؟
ثالثاً - النص فل يجي بفتحه وجنوط ؟
رابعاً - هل تتوقعون أن دفعه أولى 10000 ريال والقسط يالله مايتعدى 1200 ريال شهرياً ؟ أم أكثر ؟
خامساً - كيف صرفية البنزين في السوناتا ؟
سادساً - هل هي مريحه مثل الكامري أم أقل في الراحه ؟
سابعاً - هل السوناتا نظام التعليق زي الاكورد ( تفرش ) ؟
شاكر ومقدر لكم تعاونكم مع الجميع .
الى اللقاء
أخوكم ابو محمد
رد : أخواني صرت منكم أن شاء الله وأبغى المساعده في المواصفات (( سوناتا ))
*/*
أولا ألف مبروك على الخيار الصحيح والله يععطيك خيرها ويكفيك شرهَا ,
ولو سمحت لي لديّ إجابات على بعض اسئلتك وليست كلهَا والشباب هنا حيفيدوك اكتر ,
- صرفيّة البنزين جدا رائعة , توفر أكثر ,, مثل الأكورد 4 سلندر ,,
- الراحَة والرساوة لا تُقارن بالكامري بل تفوقت وبجدارة والتجربة خير دليل عزيزي ,
- اللون كان راقي جدا الذي اخترته وأتوقع بأن السيارة ستكون مرضية وأكثر ,,
ودي
1 مرفق
رد : أخواني صرت منكم أن شاء الله وأبغى المساعده في المواصفات (( سوناتا ))
يسعدني أني أول من يبارك لك مقدماً
ويرحب بك في منتداك .. منتدى السيارات
>> ما شاء الله سبقني بها عكاشة .. :D
سأرد بالترتيب حسب علمي عن السوناتا
---------------------------------
السلام عليكم ورحمة الله وبركاته
وعليكم السلام ورحمة الله وبركاته
خلاص أستخرت الله ورسيت على السوناتا أن شاء الله ولؤلؤي بأذنه تعالى .
أروع لون لأحسن سيارة ... |1|
لكن عندي أستفسارات ياليت والله تساعدوني لأني أباخذها أيجار منتهى بالتملك .
سم ... تفضل << يعني قـُل ما بدالك .. :D
أولا- هل السوناتا يوجد منها سياحي قزاز كهرباء وقير أتوماتيك ؟
إلي أعرفه أن السياحي من السوناتا يجي قير عادي قزاز كهرب جنوط حديد
ثانياً - فرضاً أخترت نصف الفل هل القير ( عادي + أتوماتيك ) مع بعض ؟
سيارات هونداي كلها من السوناتا وطالع القير الأوتوماتيك فيها تبترونك يعني عادي+أتوماتيك
ثالثاً - النص فل يجي بفتحه وجنوط ؟
جنوط أكيد لكن إحتمال يكون فتحة.!
رابعاً - هل تتوقعون أن دفعه أولى 10000 ريال والقسط يالله مايتعدى 1200 ريال شهرياً ؟ أم أكثر ؟
بخصوص الأقساط .. ستجد برنامج في المرفقات مجاني يحسب الأقساط
ولا تنسى تخصم إجمالي القرض المطلوب بالـ10,000 .. :)
خامساً - كيف صرفية البنزين في السوناتا ؟
كان معي سوناتا V6 فل كامل راحت الله يعوضنا خيرً منها
كنت أستخدم نظامين في القيادة والتحويل بينهم سهل جداً
عند القيادة بالأتوماتيك بهدوء = إقتصادي جداً
عند الحاجة للسرعة أحول لتوبترونك = رياضي وسريع جداً
طبعاً بالنسبة للأوتوماتيك تحتاج لوقت لكي تتم برمجة قيادتك الهادئة
بعدها ستلاحظ أنواع الإقتصاد في البنزين وللعلم هونداي كلها بنزين 91
سادساً - هل هي مريحه مثل الكامري أم أقل في الراحه ؟
كمراتب مثل الكامري تقريباً لكن ستلاحظ قساوة في نظام التعليق
تلاحظه في الحفر والمطبات والطرق الغير مستوية
والقساوة هذه لتكون أكثر ثبات في القيادة .. |1|
سابعاً - هل السوناتا نظام التعليق زي الاكورد ( تفرش ) ؟
السوناتا والإلنترا الجديدة كلهم نفس الأكورد (2007) ونازل
مع العلم .. أني أعتقد أن كلهم ما تفرش.! ، عموماً النظام واحد
شاكر ومقدر لكم تعاونكم مع الجميع .
حياك الله بين أخوانك .. و ما سوينا شيء
:cool:
أخوك المٌحب .. سوفت
رد : أخواني صرت منكم أن شاء الله وأبغى المساعده في المواصفات (( سوناتا ))
أول شي حياك الله في منتداك أخوي مايكرو كفى ووفى وبجاوبك من خلال تجربة
أولا أقل نوع في الالنترا والسوناتا يجي قزاز كهرب وتقدر تاخذ اوتو
ثانيا حتى السياحي عادي واوتو (تيبترونيك)
ثالثا النص فل في 6 سلندر يجي فتحة وجنوط ويجي في 4 سلندر بس الفرق بينهم مو كبير في السعر
رابعا بالنسبة للقسط اللي حاطه في بالك يجيبلك نص فل 4 سلندر جنوط 16 ومثبت سرعه وكشافات ضباب وقير تيبترونيك بس فتحة يمكن تلقاها معارض لأن أظن مع فتحة يكلفك زياده 4000 ريال
خامسا صرفية البنزين فيه موضوع كامل عن الصرفية وبالنسبة لها صرفية حلوه
سادسا بالنسبة لي اريح من الكامري
سابعا أكثر سيارة منافسة للأكورد في العزل الصوتي والرساوة هي السوناتا لكن في الراحه السوناتا أريح
وأخيرا تقبل تحياتي
رد : أخواني صرت منكم أن شاء الله وأبغى المساعده في المواصفات (( سوناتا ))
هلا والله ومرحباابك اخوي ابو ريناد
اولا بالتوفيق والنجاح ان شاء الله ويعطيك خيرها ويكفيك شرها
وعسى اتكون السياره الي تريح بالك ...
ثانيا بالنسبة للمواصفات انا ما عندي اي خلفية او فكره عن مواصفات الوكلاء فالسعودية
بس طبعا الشباب احب ومايكرو كفوو ووفوو صراحة .. وكلامهم مقنع ماشاء الله عليهم
والله لو يتكلمون عن التاتا الهنديه جان شتريتها اليوم ههههههههههههههههه :D
المهم مرحبابك اخوي والله يحفظ الجميع
رد : أخواني صرت منكم أن شاء الله وأبغى المساعده في المواصفات (( سوناتا ))
أولا- هل السوناتا يوجد منها سياحي قزاز كهرباء وقير أتوماتيك ؟
حتى اقل فئه من السوناتا قزاز كهرباء.. لكن عن التوماتيك ماتأكدت ..
ثانياً - فرضاً أخترت نصف الفل هل القير ( عادي + أتوماتيك ) مع بعض ؟
ايه نعم القير يجي تيبترونيك .. عادي + توماتيك
ثالثاً - النص فل يجي بفتحه وجنوط ؟
يوم اشتري سيارتي كان عندهم عرض على وحده فل كامل فتحه وجنوط وسيدي بإستثناء الجلد..
على العموم العروض هذي غير ثابته فأفضل حل انك تتأكد بنفسك من الوكيل
رابعاً - هل تتوقعون أن دفعه أولى 10000 ريال والقسط يالله مايتعدى 1200 ريال شهرياً ؟ أم أكثر ؟
ماعندي خلفيه عن الاقساط
خامساً - كيف صرفية البنزين في السوناتا ؟
صرفيه اكثر من معتدله واقتصاديه جداا.. في حال انك ماتداعس وتكرش لها فهي اقتصاديه
سادساً - هل هي مريحه مثل الكامري أم أقل في الراحه ؟
جربتها وجربت الكامري .. السوناتا اريح من الكامري .. لكن الكامري ربما اوسع شوي
سابعاً - هل السوناتا نظام التعليق زي الاكورد ( تفرش ) ؟
مافهمت قصدك !!
:) وحياك ربي
رد : أخواني صرت منكم أن شاء الله وأبغى المساعده في المواصفات (( سوناتا ))
اقتباس:
المشاركة الأصلية كتبت بواسطة DaBDoB
هلا والله ومرحباابك اخوي ابو ريناد
اولا بالتوفيق والنجاح ان شاء الله ويعطيك خيرها ويكفيك شرها
وعسى اتكون السياره الي تريح بالك ...
ثانيا بالنسبة للمواصفات انا ما عندي اي خلفية او فكره عن مواصفات الوكلاء فالسعودية
بس طبعا الشباب احب ومايكرو كفوو ووفوو صراحة .. وكلامهم مقنع ماشاء الله عليهم
والله لو يتكلمون عن التاتا الهنديه جان شتريتها اليوم ههههههههههههههههه :D
المهم مرحبابك اخوي والله يحفظ الجميع
دبدوب ترى تشيري حلوه وروعه ومواصفات ولاتنسى تنزل تجربه <<<< مصدق
وش دعوه يمكن مايكرو مقنع لأنه مشرف اما أنا وسع صدرك مثلي مثلك مجرب بس
رد : أخواني صرت منكم أن شاء الله وأبغى المساعده في المواصفات (( سوناتا ))
اقتباس:
المشاركة الأصلية كتبت بواسطة أحب الكوري
وش دعوه يمكن مايكرو مقنع لأنه مشرف اما أنا وسع صدرك مثلي مثلك مجرب بس
ليش المُشرف على راسه ريش
حالنا حالكم
:cool: