المشاركة الأصلية كتبت بواسطة masker
اسمع ياخوي سالم السياره هذي انا كنت متخوف منها بس ولله الحمد
طلعنا وحده في ثاني اسبوع من رمضان موديل 2007 فل اوبشن مشغل سي دي جنوط و غطاء استبنه بلاستيك وجير اوتو ماتيك ودفع رباعي مستمر
وقبل يومين كملنا 1000 كم وودينها الصيانه والحين ماشيه 1327 كم وحولها
والحمدلله الى الان زي الحلاوه و ياباني 100%
ويعجبك فيهاانها صغيره وتنفع في الزحمه ولفاتها صغيره واحسن شي فيها تماسكها وصراحه ماطلعنا بها بر
بس فيه ناس يقولوا انها ممتازه وخفيفه فوق الرمال والعزل بداخلها ممتاز والمكيف بارد ومتوسط ماقولك زي الكورلا بس يجي منه
و ماهي حقت دعس بتحسها بطيئه شوي بس سرعتها كافيه و الماكينه تبدا تطلع صوت لمن تدعس فوق 120
و ماشاء الله واضح انها تتحمل الكرف اخوي دايما طالع بها الجامعه والليل الوالد يخرج بها يعني ماشاء الله عمليه
عيوبها:
1_ بتلاحظ حرارة الماكينه لاكن قليلا ماتحتر
2_ ضيق السياره قليلا
3_ عدم وجود مقياس لحرارة الماكينه(عداد) انما لمبه تضيء عدما تبدا تحتر لكن ولله الحمد ماحترت علينا وماولعت اللمبه حتى الان
4_ السي دي لمن تطلعه يطلع حار يمكن عشان السياره واقفه في الشمس دايما والسي دي داخل المشغل
واذا فيه اي سؤال ثاني تراني حاضر
واذا تبي النصيحه خذها وانت مغمض عينك وصدقني بتنتشر زي الكورلا بعد فتره قليله