السلام عليكم
اخواني الاحبة ابي اعرف اهم عيوب الفكتوريا للموديلات الجديدة اعني 2000 وطالع ولكم الشكر .
السلام عليكم
اخواني الاحبة ابي اعرف اهم عيوب الفكتوريا للموديلات الجديدة اعني 2000 وطالع ولكم الشكر .
أخي الكريم الفورد(فكتوريا) من أفضل السيارات الأمريكية الآن أنت ما تلاحظ كثرتها في الشوارع وخاصة أنها أمريكية %%%%%%100% مثلا الكابرس كان أفضل سابقا لكن الآن لا ولا لأنه استرالي تجميع ولايعمر طويلا يقولون اللي قبلنا(الذيابه ما تهرول عبث) وشكرا لك وللقراء
فيه ناس يقولون انه يهربد بسرعة
وما يمسك سعرة
وقطع غيار الديكورات الداخلية والخارجية غالية
اما القطع الميكانيكية رخيصة
وفيه ميزة حلوة صرفية البنزين مثل الكرسيدا
السيارة تتفكك زي السلام عليكم + جودة المواد الداخلية سيئة جدا واغلبها بلاستيك تعبان
اذكر اخوي كانت معه وحده 2006 جديدة وكان مبسوط فيها, بس مع ذلك ماقدر يحتمل اصوات الطقطقة واصوات ماتدري من فين تطلع, بعد 3 شهور بدأ الجلد اللي بالداخل يتقطع مع الحر , الرساوة فيها ضعيفة وتسمع ازعاج الهواء بعد 120 واضح, بس الشهادة لله انك اذا ركبت ماتبغى تنزل منها , المهم اخوي باعها والان معه ماكسيما ومبسوط مرة
التعديل الأخير تم بواسطة فيصل بن محمد ; 11-08-2006 الساعة 06:20 AM سبب آخر: الخط صغير جدا وتم تكبيره
والله اني استغرب من بعض الكلام اللي يقال في بعض ردود اخواني الاعضاء
فكتوريا موديل 2006 والجلد تقطع ؟ وسيارتي اقرب مثل 2005 ويوميا في الشمس والمراتب جديدة مافيها اي شي
لاتغيرفي اللون ولاتشققات .
والسيارة تتفكك زي سلام عليكم ارجع واقول سيارة 2006 متى يمديها تتفكك وهي ماكملت سنه يعني صارت
اسوء سيارة بالعالم اللي تتفكك من اول سنه ..
ومع ذلك سيارتي لها معي سنه و7 شهور ولا تفككت وصحيح ان الديكور فيه صوت طقطقة خفيفه اذا كانت السيارة واقفة فترة طويلة وجيت وشغلت السيارة وشغلت المكيف ومشيت تسمع الديكور يطقطق ثلاث مرات تقريبا وبعدها يختفي الصوت وهذ من التخشيبه الطويلة اللي بالطبلون لانها كلبسات كبس مع البرودة والحرارة تتأثر وتطلع صوت
وهذا معروف من طلع الفكتوريا موديلات التسعينات .
الرساوة ضعيفة .... حتى بعد تعديل نظام التعليق الى الافضل واخي الكريم يقول: ضعيفة اذاً ماذا
اقول عن رساوة الفكتوريا القديمة من 2002 ونازل هل هي ضعيفة جدا جدا
صوت الهواء تسمعه من 120 واضح ... اكيد الجو كان عواصف اجل لو تركب الكامري والكابرس واللومينا والددسن
والهايلكس وش تقول عن الهواء اللي تسمعه ..
عموما اخي الكريم هذا رايك وانت حر فيه ولكن انا حبيت اوضح وجهة نظري وتجربتي مع السيارة الى هذه اللحظة
الرساوة الممتازة غير موجودة في الفكتوريا المخصصة للاستعمال الشخصي وهي تميل للراحة اكثر
لإنها سيارة خصصت للراحة اكثر منها للرياضية
ولكن يوجد نظام تعليق معدل رياضي اكثر وهو الموجود على فئة الاسبورت اذا كنت من هواة الذين يبحثون عن
القيادة الرياضية دون فقدان الراحة المعهودة بالفكتوريا
وكذلك يوجد مساعدات تباع بالسوق تختلف عن الاصلي الذي موجود بالسيارة وهو افضل من ناحية التماسك
على الطريق واقسى من الاصلي وهو جيد ومجرب ولكن بشرط تركيب المساعدات في الامام والخلف حتى يكون
فيه توازن بعمل المساعدات ويوجد كذلك يايات سيارات البوليس والاسبورت موديل 2002 فهي تختلف عن العادي
فهي اقوى واقسى على الطريق وتعطي تماسك افضل
هذا ماحبيت اضيفه من ناحية الرساوة والتماسك ولا ننسى وزن السيارة البالغ 1882 كيلو فهو يؤثر من ناحية
الرساوة التي يطلبها اغلب الشباب المستهوين للسرعة والدخول في المنعطفات بقوة وسرعة
والله الموفق
2006 وتفكك كيف حكمت عليها بهذا السرعة ... من 2003 وطالع إتغيرت أشياء في السيارة أيالمشاركة الأصلية كتبت بواسطة air
بنسبة 90% من الديكورات الداخلية إلى نظام التعليق
وحتى الموديلات القديمة تحتاج تربيط من الداخل كل سنة ولاتسمع أي صوت
وأيضاً الرساوة في الموديلات القديمة حل محلها الراحة لاكن غير المساعدات وركب أقسى شوي
وتشوف الفرق وعموماُ الفوردفكتوريا أو ماركيز من أنجح السيارات
اخوي فيصل, انا ماقلت السيارة تفككت, بس تسمع اصوات طقطقة اذا مشيت على طريق ازفلته تعبان او قديم شوي
واهم شي انك مرتاح مع سيارتك وما اقول الا ربي يهنيك فيها ويعطيك خيرها ويكفيك شرها, وبالنسبة للصوت فانت تعرف وانا اخوك ان تصميم الفورد ماهو انسيابي بالحيل وهذا يعني مقاومة الهواء تكون شديدة بعد 120, وهذا اغلب الامريكي وانا لا انكر انه موجود في الجمس والبليزر والكابرس وحتى الدودج
تحياتي لك ولايهونون الباقين
التعديل الأخير تم بواسطة فيصل بن محمد ; 11-08-2006 الساعة 02:26 PM سبب آخر: الخط صغير جدا