السـلام عليكم ورحمة اللهـ وبركاتهـ ,,
أشكر في البداية القائمين على الرابطة ,,
وبما أني من ملاك الأبيكا ,, أتمنى تقبلوني عضو معكم ,,
وسأطلعكم على تجربتي مع الأبيكا ,,
أنا عندي أبيكا موديل 2007 ,, لها عندي تقريباً سنة ونص ,,
شريتها بشهر 1 من سنة 2007 ,,
ماشيهـ لحظة كتابة الموضوع 95 ألف وشوي ,, قولوا ماشاء اللهـ ,,
أولاً السعر:
كاش بـ 57 ألف ,,
لكن أنا شريتها بنظام التأجير ,,
دفعة أولى 10,000 ريال ,,
قسط شهري 1439 ريال ,,
على مدى أربع سنين,,
وبدون دفعة أخيرهـ ,,
من فرع التوكيلات العالمية بالقطيف ,, (( أقرب وحدهـ لرأس تنورة ))
عطوني السيارة ماشيهـ 19 كلم (( هاوشتهم ,, قلت وين رحتوا بسيارتي ,, ))
أول 1000 كيلو وديتها الوكالة ,,
بعدين وديتها بعد 5000 كم ,, وهنا بديت أغير بالنظام ,, لأني حسيت أنهم ما يسوون شيء بالسيارة ,, والله أعلم ,,
لأنهم كاتبين أنهم يعكسون الكفرات بعد 10 ألآف وأنا حطيت علامة على الكفر ,,
ولحظة تسليم السيارة الكفر نفس مكانهـ ,,
تغييرت الزيت الثانية كانت على 12 ألف كلم ,,
وبعدها وديتها على 20 ألف كلم ,, لأن واجهتني مشكلهـ إذا شغلت المكيف وهو صوت المروحة قوي ,,
بالعادهـ يرتفع صوتها وينخفض بعد فترة بسيطة لكن أنا علقت معي وصارت طول الوقت صوتها قوي ,,
كله من جو الرياض
بعدين وديتها على 30 ألف كلم ,,
بعد الـ 30 ألف ما صرت أوديها الوكالة ,,
وصرت أغير الزيت كل 10 ألآف ,, لحد ما وصل العداد تقريبا الـ 75 ألف ,, وصرت أغير كل 5000 ,,
تعرفون جا الحر ,,
طبعاً القطع الإستهلاكية زي الفلاتر والبواجي ,, ما غيرتها من آخر تشييكهـ ,,
ماعدا فلتر الزيت غيرتهـ مرتين ,,
سويت ترصيص للسيارة مع تغيير الكفرات بعد ما مر على السيارة سنة ,,
تعرفون كفرات الوكالة لكم عليها ,,
وغيرت القماشات مرتين ,,
بالنسبة للإستخدامي للسيارة ,,
بالعادهـ أنا أطلع مشواير من راس تنورة للدمام أو الخبر ,,
سرعتي دائما 150 - 160 كلم ,,
بس لازم سدحة طبلون كل مشوار ,,
قوة السيارة مش بطالة بس ما تصف جنب أكورد ولا كامري ,,
سواء خط أو قومة ,,
السبب أن مكينتها 2.0 والاكورد والكامري 2.4 على ما أعتقد ,,
وطبلون السيارتين 240 ,,
والأبيكا 220 ,,
لكن سمعت أن القير العادي لهـ كلمتهـ واللهـ أعلم ,,
وحتى الآن وللهـ الحمد ما وجهت أي مشاكل للسيارة ,,
وفي النهاية أهدي لكم هالمقطعين ,,
محاولة لبلوغ أعلى سرعة ,, بس كسفتني سيارتي ,,
جابت 210 ,, تصنيفات يوم تنزل عن 220 ويوم تتدلع ,,
نراكم لاحقاً ,,