اخواني حرف ( ظ ) ما حصلته في الشاشه عند ادخال اسم في النافجيشن ؟
ممكن تساعدوني
سيارة ممتازة
جيدة جدا
ليست بالمستوى المطلوب
اخواني حرف ( ظ ) ما حصلته في الشاشه عند ادخال اسم في النافجيشن ؟
ممكن تساعدوني
والله انا أشوف الأفضل لو تحجز من الدفعه الجديده..
زي ما أنت عارف كل دفعه تكون أفضل من اللي قبلها..
الدفعه الجديده بتكون آخر دفعه لموديل 2015 الدفعات اللي بعدها بتجي بعد شهرين موديلات 2016
أنا موتري من الدفعه الجديده أخترتها رمادي من برا و موهافي من داخل..توصل تاريخ 20 الشهر هذا
أخذتها بـ 131 ألف عرض أرامكو وفوق البيعه قسايم من هوم سنتر و سنتر بوينت قيمه 3500 ريال..
انا مستغرب ليش أخذوا عليك ألف زياده ! !
مع أن السياره تعتبر مخزنه عندهم و دفعه قديمه..
هلا والله بالنسبة للسيارة فهي تصنيع سنة 2015 انا مشيك الاستيكر الي بالباب والسعر تقدر تقول شبه نهائي ولكنه اغلى بسبب اللون لانه بريميوم (احمر كريستال) وعليه الفين ريال زيادة والقسيمة راح يعطوني اياها
بالنسبة للدفعة الجديدة سألت عنها وما بتوصل الا على العيد او بعده واحتمال ماتشملها العروض وغيره انا ماعندي سيارة بديلة!
السلام عليكم ورحمة الله وبركاته
صباح الخير / مساء الخير .
كيفكم يا أعضاء الرابطة أتمنى تكونوا بالف خير وعافية , واسال الله ان يبلغنا واياكم رمضان وانتم بالف خير وان يعيننا على صيامه وقيامه . ( اللهم امين )
اولا شكرا على انشاء هذه الرابطه الرائعه المهتمه بكل ما يخص الغزالة شيفرولية امبالا . وانا ما سجلت في هذه الرابطة الا لعشقي في السياره ولكي أستفيد و أفيد .
معليش عالاطاله ونبدأ بالمهم :
السياره : شيفروليه امبالا
النوع : LTZ
الموديل : 2015
اللون : رمادي بترولي
ايجابيات السياره اللي عرفتها الى الان :
1) السياره وسيعة ما شاء الله تبارك الله , المساحه للسائق والركاب جدا ممتازه
2) وضعيات المراتب الكهربائيه ممتازه ( خصوصا رفع وخفض المرتبة ), وهاذي ميزه جدا مهمه بسبب كبر حجم السياره.
3) التكييف ما شاء الله لا قوه الا بالله ثلااااجه . وتسخين وتبريد المراتب رائع.
4) عزم السياره وتسارعها ممتاز .
5) نظاام الخرائط ( GPS ) سهل استخدامه وسريع في الاستجابة
6) العزل الهوائي للسياره جيد جدا اعطيه 8 من 10 .
7) اضاءه السياره من الداخل مريحه للعين والوانها متناسقه , واضاءه الزينون الخارجيه جدا ممتازه
8) أنواع الجلود والبلاستيك المستخمه ممتازه .
9) مثبت السرعه جميل جدا في الاستخدام وسهل في تشغيله واغلاقه
10) امكانيه التحكم بثبات تسارع المركبة في المنحدرات الطويلة , والشي هذا يتم بكل سهوله بالدوس على الفرامل حتى تنقل السياره لنمره اقل وبالتالي السياره تمسك نفسها وما تتسارع كثير في المنحدرات ( الميزه هاذي جربتها بنزول الهدا في منطقه الطائف وكانت اكثر من رائعه وميزه الخاصيه هاذي تحافظ على فرامل السياره وحمايتها من الحراره العاليه )
11) شاشه السياره ممتازه وسريعه الاستجابه سواءا عند اللمس او عند اقترانها بالجوال عن طريق البلوتوث .
12) السياره فيها ( 3 مداخل USB ) مدخلين ( 12V ) مدخل ( AUX ) مدخل ( 220V ) ومداخل جدا كافيه للتخزين
13) نظام التنبيه عند التصادم استجابته سريعه وممتازه
14) زجاج الابواب مدبل مما يزيد ويحسن من العزل الصوتي
15) امكانيه تشغيل السياره عن بعد عن طريق الريموت , مع امكانيه تشغيل المكيف وتبريد الكراسي عند التشغيل ( عند تشغيل السياره عن بعد السياره بتجلس شغاله 10 دقائق بعدين تطفي من حالها او بامكانك ايضا اطفاء السياره ايضا عن طريق الريموت )
16) ميزه الخروج السهل , وهاذي الميزة تتم عند اطفاء السياره فتقوم مرتبة السائق بالرجوع الى الخلف واماله الظهر للامام حتى يخرج السائق بكل سهولة , وعند فتح الابواب لركوب السياره ترجع المرتبة لنفس الوضعيه اللي خزنها السائق سابقا
17) وجود شاشه صغيره في طبلون السياره تبين لك معلومات مهمه مثل : ( عداد السرعه الكتروني - نسبة صلاحية الزيت - ضغط الاطارات - ممشى السياره - حراره سائل التبريد - الوقود المتبقي في السياره وكم يمشيك - عرض مصغر للخرائط - اذا جاك اتصال يطلع لك اسم المتصل - وغيرها كثيييير )
18) امكانيه قراءه الرسائل النصيه الوارده لجوالك سواء باللغه العربيه او الانقليزيه
19) سماعات السياره حدث ولا حرج قويه وصاقية ما شاء الله
20) شنطه السياره وااااااااااااسعه.
21) النقاط العمياء في المرايا الجانبيه , نزول المرايا الجانبيه عند الرجوع للخلف مع امكانيه التحكم بهذه الخاصيه سواءا بايقافها او تشغليها ا
وفي غيرها كثييير لكن ما ودي اطول عليكم
بالنسبه لسلبيات السياره :
1) العزل الارض ماهو ذاك الزود بحكم حجم الجنوط 20 , تقييمي للعزل الارضي 6 من 10 .
2) الجلد لونه فاتح ( برتقالي ) ويحتاج عنايه وتنظيف كل فتره
3) السياره استهلاكها للبنزين داخل المدينه مرتفع شويه , لكن على الخطوط الطويله ممتاز
4) السياره احيانا ترتفع درجه حرارتها وهاذي تحصل اذا كنت في عز الظهر وواقف في زحمه والمكيف شغال . والارتفاع يكون في قراءه الحساس الالكتروني الموجود بالشاشه الصغيره اما عداد الحراره العادي ما يبين الارتفاع , مع العلم ان الشي هذا مذكور بكاتالوج السياره ومذكور ان الارتفاع البسيط في الحراره شي طبيعي .
5) شمعات السياره الاماميه عباره عن شمعه زينون واحده ( خط واحد ماهو خطين ) , فاذا جيت تشغل النور العالي العدسه نفسها ترتفع يعني العدسه في ماطور يحركها وهذا الشي ممكن يكون سلبي مستقبلا لانه اذا خرب الماطور لاقدر الله يصير ما تقدر تشغل النور العالي . وهذي وجهة نظري في الخاصيه هاذي . ويمكنك سماع صوت ارتفاع العدسه اذا ( كشحت ) بالنور العالي
6) ميزه الاوامر الصوتية وجودها زي عدمها الصراحه , لانها ماهي مفعله بشكل كامل عندنا بالشرق الاوسط
هذا رأيي في السياره واسف جدا على الاطاله مع العلم ان عندي كلام كثييير ودي اقوله بس تعبت وانا اكتب ههههههههههه . لكن لي رجعه باذن الله بمميزات وشروحات ثانيه باذن الله .
وأي استفسار او سؤال انا حاضر بجاوب باللي اقدر عليه .
ملاحظه اخيره : ياليت لو فيه قروب واتس اب للامبالا تضيفوني فيه . واتمنى مراسلتي عالخاص عشان الرقم
شكرا لكم جميعا
السلام عليكم ورحمة الله
سجلت هنا بس عشان الامبالا
حجزت السيارة قبل أسبوع ونص من التوكيلات فل كامل اسود برا وموهافي داخل وكانت اخر سيارة اسود ع كلامهم
سعر السيارة كامل 129.550 ومعه قسيمة ٣٥٠٠مدري ليه كل واحد معطينه سعر معين .. علما بان اول سعر عطوني إياه 135500 بس بعد خصم سابك وبعد المكاسر والصملة نزلته 6000 ريال تقريبا
وشكرا
الله يعطيك العافيه على هالتقرير..
أفضل تقرير قريته..
و أفادني كثير خصوصا إني حاجز إمبالا LTZ .. و نفس لونك بعد..خارجي رمادي غامق..داخلي موهافي ..
أخوي العزيز..أنا دفعت العربون قبل إسبوعين ..
وعلى كلامهم نهايه هالاسبوع راح توصل دفعه جديده من السيارات آخر دفعه بـ 2015 ومن ظمنها سيارتي..وبروح أعاين السياره..
وقبل ما أعطيهم باقي المبلغ عشان يبدون إستخراج اللوحات...ودي أسألك
وش الأشياء اللي تجي مع السياره ولازم أشيك عليها .. ؟؟
لأن مثلك عارف لازم أنشب لهم إذا فيه شي ناقص قبل ما دفع الفلوووووس