انا فهمت ان حدك 80 الف علشان كذا وجدت لك عرض العيسى على موديل 2018 التيما الفل اوبشن 6 سرندل مقاعد جلد وتشغيل عن بعد ب75 ال والكمية محدودة هذا اذا كان باقي فيه سيارات وهي على الضمان السعودي
انا فهمت ان حدك 80 الف علشان كذا وجدت لك عرض العيسى على موديل 2018 التيما الفل اوبشن 6 سرندل مقاعد جلد وتشغيل عن بعد ب75 ال والكمية محدودة هذا اذا كان باقي فيه سيارات وهي على الضمان السعودي
يا هـلا بالمميز والمبدع أخونا ساهر
مشكور على جهودك المميزة
وأنا تعبتك معاي بالمشاركة والمشورة
بأمانة يا الغالي ..ما أميل للمكاين هذي 6 سلندر إلا على جيوب أو سيدان فارهة
وفوقها ألتيما 2018 فما أدري عن طريقة تخزينها لدى العيسى وهو أصلا الوكيل براسه ينحشك عن السيارات.
لكن لكن
لقيتها بحراج وقرأت مواصفاتها وقلبت راسي..
بإذن الله
أروح المعرض نهاية الأسبوع وأشوف السيارة عشان ما أظلمها
والله يجزاك كل خير.
هلا فيك اخوي فارس ماسوينا شي انا شفت عرضه ممتاز هذا اذا باقي عنده سيارات والسياره سعرها في الأساس فوق 100 الف فممكن تتصل عليهم رقم العيسى موجود في الأعلان وبالنسبة للضمان ممكن تسوي صيانة عند بترومين والحراج طبيعي بيكوش على السيارات اللي عند العيسى ويبيعها بمربح وانت شوف المناسب لك
شف افضل السيئين حاليا هي الصني الجديدة لو تأخذ نص فل فيها مواصفات تفيدك كار بلاي واندرويد اوتو محرك 1.6 لتر مناسب لوزن السيارة 1,200 كيلو ومساحة التخزين عالية فيها سواء الشنطة أو التوزيع الداخلي وانوارها فل LED بس سعرها مرتفع شوي مع ضريبة 15% فوق 60 الف
خذ خيار ممتاز ثاني ويعجبك وفيها مواصفات افضل من فئتها وارخص منهم MG6 أشوفها خيار مناسب شكل جميل ومواصفات جميلة ونفس الوقت المكينة اللي عليها نفس مكينتك الماليبو 1.5 لتر توربو تقريبا سعرها 70 الف وفيها كار بلاي
هذه السيارتين هي اجدد سيارتين ومناسبة مقارنة بالمنافسين
أو انتظر نهاية الشهر هذا تنزل النترا الجديدة وشفها
الجديد ما مثله
الله يحييك ويبقيك أخوي بشيـر
هوالسوق يخليك تبحث عن سيارة على كيفك ..للأسف لا..
وللأسف الشريطية لاعبين بالمعارض والمواقع لعب كبيـر ورافعين أسعار المستعمل إلى مستوى الجديد
وأبشرك حتى قسم المستعمل بالوكالات انهبلوا..
أجل..تويوتا العليا بقسم المستعمل ألاقي سيارات كورولا 2018 ماشية فو ق50 ألف ويبون فيها 62 ألف كاش
سلامات ..هذي سعر الكورولا الجديدة 2020 الشكل الجديد بدون ضريبة
مشكور على نصائحك يا الغالي
السلام عليكم
حياك الله العضو المخضرم
الاخوان ماقصرو وشخصياً افضل يارس جديد وكالة على كامري مستخدم لو سنتين
المستخدم ماعلية ضريبة والشريطية رافعين الاسعار تقول عليها ضريبة وياليت شي يستاهل
الجديد وممكن تنغش فيه فما بالك بالمستخدم او رش تجميلي
الكرولا سيارت ممتازة ومايختلف عليها 2
اقترح عليك تشوف الكيا k5 بمحرك 2.0 وكذلك الكيا سيلتوس سيارات جديدة وتصميم جميل وسعرها معقول
شوارعنا يبيلها سيارة مرتفعة ويالله تسلم
وشوف العروض بعض الوكالات تقدم عروض تخفيض لبعض القطاعات الحكومية والشركات ( حصلت على خسم 7% من كيا للكاش لما اخذت سيارتي )
بالتوفيق ومبروك مقدماً