السلام عليكم ورحمة الله وبركاته
شخباركم يا الغالين
قررت أشتري سيارة صغيرة للدوام والبيت ..وما عندي مشكلة بالميزانية ولله الحمد.
المهم وأنزل للسوق الأسبوع الماضي..وألقى الأسعار كالتالي:
- الأكسنت 2020 الشكل الجديد بـ 51 ألف ريال كاش مع الضريبة.
- اليارس 2020 بالـ 50 ريال كاش مع الضريبة.
قلت لنفسي..بشوف المستعمل يمكن نشتري سيارة حلوة..وألقى الأسعار كالتالي:
- الأكسنت 2018 الشكل الجديد بـ 40 ألف ريال كاش.
- الكورولا 2016 بحدود الـ 45 ألف ريال وما هو صامل بالبيع.
- هذا غير سيارات الشريطية اللي شاريها تشليح ويحلف عليها أنها وكالة ( ما عدا رش تجميلي)
المهم ..قلت أجل خربت السالفة دام المستعمل صار بسعر الجديد..
أجل..اشتري الجديد وخلاص دامني دافع على أكسنت 50 ألف أو يارس..
فالأفضل تشتري كورولا أو النترا..
والآن دخلت بدوامة ..لما تحط عينك على سيارة..ثم تقارنها بالأعلى ..ثم تقرر شراء الأعلى...
وللأسف ما هو ذنبي..
شوفوا الأسعار بالترتيب:
- مستعمل أكسنت 2018 بـ 40 ألف
- جديد أكسنت 2020 بـ 50 ألف مع الضريبة.
- كورولا مستعمل مصدمة 2016 بـ 48 ألف
- كورولا جديدة 2020 بـ 70 ألف مع الضريبة.
- ألتيما جديدة 2020 بـ 84 ألف مع الضريبة.
- المازدا 6: بروح للوكالة وأسألأ عن أسعارها عشان أعرف أقارن مع أسعار المعارض وموقع حراج.
- الكامري والأكورد والأوبتيما : خارج الحسبة لأنها من 90 و 100 ألف...فالسيارات هذي طلعت من القائمة عندي.
التأرجح بين الفئات هذي..مو بسبب قراري وتفكيري لكن بسبب الضريبة اللي رفعت المستعمل إلى الجديد ..ورفعت الجديد إلى قريب من فئة أكبر منها..
ملاحظة: حاط ببالي بعد 3 سنوات أو 4 (إذا الله أحيانا) أشتري موتر فخم كـ مرسيدس أو لكزس أو بي ام ..لذلك أبغي سيارة حلوة للفترة الحالية.
أستنير بمداخلاتكم.مواضيع قد تعجبك