المشاركة الأصلية كتبت بواسطة ضيف def
القصة الخلفية جميلة وروعة، لكن لما تشوف من الامام تنصدم😩
مع المحرك العرضي يخرب شكل مقدمة السيارة من الجنب لأن الكبوت بيجي قصير، والكفر يكون أقرب للباب، بعكس المحرك الطولي يجيك الكبوت طويل وفتحة الكفر أقرب للصدام الأمامي يعطي شكل وهيبة رياضية وهذا اللي كان يميز الfx السابق الكوبيه الحقيقي.
ولعل هذي الصورة توضح قصدي، الفرق بين شكل الكروسوفر كوبيه بالمحرك الطولي وبالمحرك العرض، الجاكور f-pace كوبيه، وشقيقه الأصغر e-pace كوبيه
تلاحظ السيارتين من الخلف كلاهما كوبيه ونفس القصة تقريباً، ومتقاربة في الشكل من الجنب بس فرق الحجم
لكن الفرق الحقيقي يبدأ بعد الباب الأمامي، تلاحظ في الf الكفر متقدم للصدام الامامي والكبوت طويل، وشكل السيارة جميل جداً ووحش بمعنى الكلمة.
لكن في الe الكفر قريب من الباب والكبوت أقصر ونازل على تحت، هذا مستحيل تغيره، حتى لوكبرت مقصورة الe-pace وخليتها بنفس حجم الf-pace تماماً ونسخت شكل الخلفية بالملي وصارو متطابقين في الحجم من الخلف، من الامام بيحكمك المحرك ومستحيل تقدر تتحكم في شكل المقدمة بسهولة.
ومستحيل حتى أصلاً تقاربه في الأداء والرساوة ومتعة القيادة ولو حطيت فيه كل أنواع التقنيات والفخامة.
فهي تحصيل حاصل هذي فئة وهذي فئة مختلفة تماماً، وبيتضح لكم اكثر عند الكشف، بس تشبيهه بfx تسويقي، مثل قولتهم للماكسيما كوبيه بأربعة أبواب😂😂 وكلنا نعرف ان السيارة cvt محرك عرضي، ماهي بكوبيه أصلاً بس تشبه الكوبيه بالشكل، وفي الشكل السابق للماكسيما حطوا داخليتها نفس داخلة الz، بس كذا عشان تعيش شعور نفسي ان معاك كوبيه اربعة ابواب، لكن تجي للواقع واستخدام السيارة شيء مختلف تماماً.
هذي الفكرة باختصار، السيارة نعم بتكون جميلة ومميزة فتقنياتها، لكن لاتقولي بديلة او خليفة fx .