الاخوة الزملاء. اسعد الله مسائكم بكل خير.
مشكلتي اليةبعرضها الظاهر بييلها شيخ يقرا على سيارتي.
الموضوع كالتالي:
قبل سنتين وديت سيارتي لمركز دلتا بالرياض اسألهم اذا وصل مؤشر البنزين الى الربع يطلع لي service check بمجرد اني اعبيها فل او النص خلاص تروح العلامة وانتيهنا. الفني يقول هذه الطرمبة حقت البنزين ع وشك تخرب.
قلت اوك. بشوف. الشاهد وديتها لمركز اي سي ديلكو الجميح وفحصها فني بالكمبيوتر وقال في مشكلة بالكهرب عندك سببها الطرمبة.بكمم ياعزيزي قال يمكن توصل ١٥٠٠ ريال. قلت السيارة اوك قال اوكي لحد ماتخرب نهائيا. من سنتين هالكلام.
المهم قبل اسبوع وانا جاي بالدايري الغربي السيارة تمشي ١٠٠ مهما ضغطت بنزين ماتزود. قلت بس شكل وقتها قرب. صارت المشكلة بزيادة الان اشغلها وبعد دقيقة امشي لو امشي كيلوين السيارة مهما تضغط بنزين واقفة وهي معشقة على الدي. ريوس برضو ماتمشي.
جربت اطفيها واشغلها ضبطت مشيت دقيقتين ورجع وضعها زي اول. وقفت السيارة والمكينة شغالة.
ملاحظة: المكينة مافيها اي تفتفة بالعكس شغالة من ابدع مايكون. بس اذا دعست بنزين سواء وهي معشقة او الفاضي في صوت زي الخربشة تحت كأنه طالع من الكنداسة او القير.
فحصت زيت القير لقيته احمر وضعه طبيعي. مافي اي شي يدل احتراق وزي كذا.
قلت وش علاقة طرمبة البنزين بالقير؟؟؟
صرت اذا شفتها ماتمشي اوقف على جنب واطفيها حوالي ١٠ ثواني اشغلها واعشق وامشي مافي مشكلة. دقيقتين ترجع كأن توقف كأن القير مبوش.
رحت بالبيد واشتري طرمبة بنزين بحوالي ١٢٠٠ ريال ومع تركيب ٢٥٠ ريال.
ركبتها وقلت اجرب ان شالله ضبطت. مشيت يمكن ربع ساعة على سرعة ١٣٠ وتغييراتها طبيعية. الاول الثاني الثالث الرابع. شوي ورجع صوت الخربشة ذا الي تحت. صار ال ار بي ام عالي مرة وصل ٣ والسيارة مافيها عزم جالسه تهدي. وقفت واضطر اني اطفيها واشغلها. ومشيت ورجعت تغييرات سلسة وجميلة شوي واشوف الار بي ام علي واسمع صوت الخربشة ذي مرة ثانية.
حاولت اقرأ كثير لقيت ان حساس القير ممكن يسبب المشكلة. لاني عارف الكل بيقول توضيب.
انا متأكد قير السيارة مافي مشكلة صعبة يعني مايحتاج توضيب. من ناحيتي مقتنع ان السيارة اذا مشكلتها القير ومايمشي هذه المشكلة تكون دائمة مو اذا طفيتها وشغلتها يكون كل شي اوك.
اصحاب الكوابرس هل مر عليكم زي كذا؟؟؟
السيارة ماشية ٢٦٥ الف ومو راعي دعسات وبالعكس ما اغير قطع الا جي ام اصلي. اخر مرة غيرت زيت القير على ٢٠٠ الف. وكان نظيف بعد بس قلت اغيرة.
الي محيرني الصوت ذا الي يطلع من تحت اذا السيارة ماتمشي.مدري من الكنداسة او من طنجرة القير او من القير نفسة
تكفون ساعدوني او اذا احد يعرف فني فاهم بالصناعيةمواضيع قد تعجبك