بسم الله الرحمن الرحيم
وبه نستعيــــــــــــــــــــــن
السلام عليكم ورحمة الله وبركاته
اسعد الله أوقاتكم بكل خير .. بشارككم اليوم بتجربتي المختصرة لـ هيونداي سوناتا 2020 محرك 4 سلندر 2.5 لتر
بتكلم فقط عيوب و سلبيات السيارة بحكم ان كثير تكلموا عن ميزاتها ومواصفاتها
السيارة استأجرتها - شبه جديدة - قبل عدة ايام وسافرت فيها لمسافة تتجاوز الف كيلو
وللاسف كانت اقل من التوقعات واتعبتني في عدة نقاط بوضحها في ثنايا هذا الموضوع
1- النور الامامي ضعيف جدا .. واضطريت اني اشغل العالي رغم انه يزعج السيارات الثانية
بالصورتين التالية نلاحظ ان الشبك قدامي مباشرة بيني وبينه امتار قليلة ، وما يبين الا اذا شغلت النور العالي :
2- المراية العلوية مافيها تعتيم تلقائي ، اذا فيه سيارة وراك نورها قوي الله يعينك
3- عزل الهواء ضعيف وكذلك العزل الارضي .. طبيعي ماراح اطلب يكون عزلها مثل المرسيدس
لكن ماتوقعت يكون بالسوء هذا الي يخليك تضطر تشغل المسجل عشان مايزعجك صوت الهواء حتى على سرعات منخفضة 80 او 90 كم/س
4- التحكم بدرجة حرارة المكيف ( فرار ) يعني ما تقدر تختار درجة الحرارة بالضبط
5- السيارة تتوفر بايرباقين فقط وهذي شي صادم من سيارة موديل 2020 وبسعر يتجاوز 80 الف ريال
6- مافيه درج علوي للنظارة الشمسية
سعر اقل فئة من سوناتا 2020 في بحر الـ85 الف ريال يزيد او ينقص حسب المعرض او الوكيل ، والواحد يتوقع منها اكثر حتى ولو كانت اقل فئة
اخيرا ، دائما ننصح اي شخص مقبل على شراء اي سيارة يستأجرها عدة ايام ويجربها بنفسه عشان يكون عنده تصور كامل عنها
بالتوفيق للجميعمواضيع قد تعجبك