قناة السيارات
سيارتي أفالون ٢٠١٣ ، كانت مسرع ، ويوم وصلت مطب هديت وغيرت القير منول وطفيت السيارة وهي تمشي. الكمبيوتر يقول ما فيه check charging system ، كأن فيها كهرباء بس أشغلها تشتغل وتطفى على طول حتى لو حاولت أدوس بنزين ما فيه إستجابة.
قرأت موضوع في النت أنه فيه كم شغلة السبب ، وحاليا الورشات في الخبر مقفلة ومو عارف كيف أسويها !مواضيع قد تعجبك
حياك الله أخوي وياهلا وسهلا فيك
بطارية السيارة كم سنه صار لها ؟؟؟؟؟ وايش نوع البطارية اللي راكبه على الموتر الآن ؟؟؟
عموما هالمشكلة وهالرسالة بالتحديد لها سببين رئيسين في ظهورها وهي 1- البطارية منتهية أو فقدت شحنتها وقبل كل شئ لازم تتأكد من شد أصابع البطارية وماتكون راخيه أو عليها تأكسد أملاح
2- ضعف في الشاحن "الدينمو " وهذا بالنسبة لي ماعتقد هو السبب في موترك لأنه في سيارات التويوتا بحكم تجربتي الدينمو خصوصا الأصلي راح يعمر ويعيش كثير واذا بعد الاستخدام والاستهلاك الطويل بعد عدة سنوات اذا خرب راح يخرب فقط فحمات الدينمو ولكن ضروري التأكد من قوة شحن الدينمو بعد تشغيل السيارة بواسطة جهاز ال Battert Tester الموجود عند الكهربائي بحيث مايقل معدل الشحن عن 12.5 فولت - 13 فولت وقت تشغيل الأحمال الاضافية كالمكيف وأنوار ومراوح التبريد وغيرها ومايزيد عن 14.5 فولت بدون تشغيل أي أحمال اضافيه
">
بارك الله فيك ..
المشكلة كانت في هذا الكيبل : بالضبط المقبس كأنه مع سرعة السيارة العالية فصل أو خش فيه غبار ( كانت السيارة مليئة بالأتربة بعد عاصفة رملية )
تم تنظيف المقبس وأشتغلت أوكي : رحت شيكت على البطارية كان الشحن 13.5 فولت .. وقلت شوف كهرب السيارة والدينمو قال شوف جهاز الكمبيوتر !!
حقيقة متخوف أسرع وأشد عليها ( 6-7 ألف دورة بالدقيقة ) لأنه مافيه ورشات للصيانة ..
يعني حليت المشكلة؟؟
موضوع ال 6 و7 دورة فالدقيقة تاكد منه انا ماقد شفت افالون يوصل ضغطه 7000
أهلا أخي العزيز ..المشاركة الأصلية كتبت بواسطة fawazalshamsi
أشتغلت السيارة لكن مو متأكد لو المشكلة إنحلت وما بتكرر..
مو فاهم قصدك بأنه مافيه أفالون توصل 7 ألف دورة بالدقيقة ؟
إلا أقصده أن عداد ( RPM ( Revolutions per minute يوصل على رقم 7-8 لو كانت على وضعية المنول ( S ) ..
لذلك قلت 7 ألف بالدقيقة أي الإمبير يشير على رقم 7 ثم أعشق النمرة الأخرى..
موضوعي هل السياقة بهذه الطريقة المتعجلة ( بالقير العادي ) يؤثر على كهرباء السيارة وخصوصا لو المكيف شغال ..؟؟
تعودت أسافر عليها وغالبا أستخدم المنول وما كان تخرب !!
.
بشكل عام مبين انه سواقتك قاسيه جدا هههه
طيب جرب الحين هل المشكله بتتكرر معاك او لا
ونت ماتحتاج المنول يخوي ليش تهلك السيارة وترفع ضغط المكينه للاخر وتعشق خلها براحتها تبدل بدال ماتطلعلك مشاكل
لكن مساله المكيف انه السياقه بالمنول تاثر ماتاثر ولكن انت عندك مشكلة مثل مافهمنا ف بالتالي في امور مرتبطه افبعضها الحين لازم توصل للمشكلة الرئيسية
برجع اعيد وياليت من الاخوة التاكيد على ذلك هل الافالون توصل 7 و8 و9 دورة بالدقيقة؟ انا مب مقتنع فيها في شي غلط ميوصل ضغط السيارة لهدرجة الا في سيارات السباقات والسوبر كار
انا سويت بحث عن السيارة واللي عرفته انه عداد الضغط يوصل حتى 6100 الى 6200 فقط
.
بارك الله فيك ..
المشكلة كانت في هذا الكيبل : بالضبط المقبس كأنه مع سرعة السيارة العالية فصل أو خش فيه غبار ( كانت السيارة مليئة بالأتربة بعد عاصفة رملية )
تم تنظيف المقبس وأشتغلت أوكي : رحت شيكت على البطارية كان الشحن 13.5 فولت .. وقلت شوف كهرب السيارة والدينمو قال شوف جهاز الكمبيوتر !!
حقيقة متخوف أسرع وأشد عليها ( 6-7 ألف دورة بالدقيقة ) لأنه مافيه ورشات للصيانة ..
شكرا لك أخوي على الرد والافادة والحمدلله أنه السبب كان شئ بسيط وهذا يذكرني بمشكلة كانت لدى أحد اصحاب واحد من اخواني في سيارته من نوع هيونداي فان H1 وكانت المشكلة تفتفه أو نفضه تجي وتروح ويوم فحصناها له بالكمبيوتر طلعت المشكلة صمام أو كونترول الزيت الخاص بصمام vvt-i ولكن حتى بعد التغيير استمرت المشكلة وبعدها في أحد الورش الميكانيكي اللي اشرف على اصلاح السيارة اكتشف أحد الوايرات المهم فيها قطع والحمدلله بعد الاصلاح انتهت المشكلة
2اعجابات
رد مع اقتباس