المقصد من 93% مجدد بين محرك 4.0 لتر القديم والمحرك الجديد 3.8 لتر الفرق بينهم 200 ملي بس والقطع الداخلية تختلف عن السابق السابق اللهم تتشارك 7% بس في الانتيك والثلاجة مثل ماهو موضح
محرك 3.8 لتر حق gt-r حجمه مختلف وحجمه اكبر من حجم المحرك الجديد المكشوف
كلامك هذا اللي قلته كل سيارات نيسان الجديدة اللي انكشفت والمحركات الجديدة اللي انكشفت مثل 2.5 لتر و 3.8 لتر ومحرك مرسيدس ورينو ونيسان 1.3 لتر يتشاركون من gt-r اللي هو رش البنزين اللي يطير الشرارة بسلك معدني
فقط اما كحجم لا اختلف معك فرق بينهم كبير
ليه هو كروس اوفر ولا هو اكس تريل علشان يربحون منه
ولا هو XC60 كروس اوفر بعد تكسب منه فولفو
طيب الكلام هذا وجه للباترول و لاندكروزر والبرادو اللي لهم اكثر من 10 سنوات ماتغيروا
معروف سيارات الدفع الرباعي الحقيقية تكلفة تصنيعها غير مربحة وخاصة اليابانية
طلعوا ارباحه من 2009 وانتهى
لكن االان ينتج لدول معينة يعني خسارة اكثر من انه ربح
تكلفة شاصيه غالي مع انه قديم
محرك انلاين 4.8 لتر قديم ومكلف عليهم تصنيعه الان
وصل لي انهم بيخفضون تكاليفه وتحديثات بسيطة عليه شاصي مجدد واحتمال المحرك الجديد بينزل عليه بيخفض التكاليف عليهم
دامه يصنع قطع قديمه الى الان فهي مكلفة عليهم من ناحية تفرغ العمال وصنع لسيارة دفع رباعي حقيقي
تحياتي
شكرا لك نيساني على الخبر الذي يهم عشاق نيسان
الإختلاف في وجهات النظر طبيعي
لكنه يظهر لنا مخزون الخبرة عند الأعزاء الأعضاء
(:
مالها علاقة فئة السيارة في الأرباح
أي سيارة في العالم تصميمها وتطويرها يكلف مبلغ معين وهو الجزء الأكبر من التكلفة
الشركة تعوض هذي التكاليف خلال سنوات الانتاج اللي عادة تمتد من 4 الى 8 سنوات
بعد ما تعوض تكاليف التطوير هذي تبقى تكلفة الانتاج من قطع وأجزاء السيارة الملموسة وهذي تكلفتها تنخفض أيضا مع تقدم عمر السيارة
بعد 6 - 8 سنوات من الانتاج يزيد هامش الربح بشكل كبير وهالشي ينطبق على كثير من السيارات غير الباترول اللي استمرت فترة طويلة دون تغييرات كبيرة:
لاندكروزر/لكزس LX
برادو/لكزس GX
كراون فيكتويا/قراند ماركيز/تاون كار
الربع/الشاص
لاندروفر ديفندر الجيل السابق
G كلاس الجيل السابق
كلها ربحت منها الشركات مبالغ خيالية
مافي شركة تنتج سيارة بخسارة الا في نطاق ضيق لا ينطبق على الباتروللكن االان ينتج لدول معينة يعني خسارة اكثر من انه ربح
تكلفة شاصيه غالي مع انه قديم
محرك انلاين 4.8 لتر قديم ومكلف عليهم تصنيعه الان
لو كلامك صحيح فهذا غباء من نيسان وكلام غير منطقي انها تستمر
كل القطع مع زيادة انتاجها تنخفض تكلفتها سواء مكاين او شاصي او ازرار شبابيك الوضع هو نفسه
هالكلام يشمل كل السيارات من أغلى رولزرويس الى أرخص ميتسوبيشي
قاعدة اقتصادية بسيطة: انتاج أكبر = تكلفة أقل
وهذا سبب ان الشركات تتعاون فيما بينها احيانا وتتشارك في الشاصي او المكاين مب حبا في بعض لكن لهدف خفض التكلفة
أتمنى وضحت الفكرة
^
^
كلامي كان واضح جدا ارباحها طلعت من 2009 وانتهت السيارة وانتهاجها الان خسارة عليهم وانت تشعبت
خذ مثال مهب دفع رباعي
سيارة مثل لينكولن كونتيننتال كلفهم تطويرها اكثر من مليار دولار حسب تصريحهم وراح يوقفونها لانها ما انباعت السيارة حسب كلامهم ولا جابت اقل من ربع التكاليف !!!
سيارة حديثة طالعة من 2017 سيدان مهب دفع رباعي
سيارات الدفع الرباعي كم شخص يشتريها بشكل سنوي السيارات اليابانية اقصد وأسعارها كم حتى هي أغلى من السيارات الامريكية واقل مبيعات منها !!!
أرباح تويوتا لاندكروزر ماتشكل 1٪ مقارنة تويوتا تبيع الكورولا اللي اكثر سيارة تباع في أسطولهم تحقق أرباح أضعاف لاندكروزر والكلام ينطبق على نيسان
الفتك ياعزيزي كان يباع اكثر من 90 دولة في العالم لين عام 2008
الان الفتك مايتعدى 6 دول اللي ينباع لهم واللي يشترونه فعليا 3 دول ربح ولا خسارة على كلامك السابق انها تربح 80 % ؟؟؟؟
لاندكروزر نزل له نسخين فيس لفت
لكزس LX و GX نزل لهم نسختين فيس لفت
باترول Y62 نزل له نسختين فيس لفت
علشان اختم كلامي ولا ابي اطول واتشعب بالكلام
1-الفتك استمر على وقت غصن وله ناس تحب السيارة وخلى انتاج السيارة
2-الشى الثاني نيسان من زمان وحتى الان ماتبي تقدم تقنيات علشان تأخذها رينو وحتى تصريحهم الأخير لنيسان لاستمرار التحالف كل شركة تكون مستقلة تقنيا
3-الشركات تتحالف لتخفيض التكاليف طيب باترول Y61 من حليفه او من الشركات اللي تنتج نفسه وتتشارك معه بالشاصي مثل رينو او ميتسوبيشي
الفقرة الثالثة ماكنت موفق فيها
على العموم نيسان أرسلت وفد على متطلبات الفتك ومنها تخفض التكاليف
يكون الشاصي مجدد و محرك مجدد والوزن اقل وتكون صرفية البنزين معقولة
لو نيسان حاليا استخدمت محرك 3.8 لتر في الفتك اوفر عليها من انها تستخدم محرك 4.8 لتر
والسبب لان محرك 3.8 لتر راح يتشعب في اكثر من سيارة عكس 4.8 لتر راح ينتج بسيارة واحدة مثل الفتك و الربع و الشاص حقهم فقط
الكلام هذا المفروض ما أقوله لين يطلع في وقته لكن أطربت أقوله
ومكن الكلام صحيح حق الفتك ويمكن لا
نيسان حاليا تخفض التكاليف عليها بسبب اخطاء سابقة
تحياتي
التعديل الأخير تم بواسطة أسرار السيارات ; 10-02-2020 الساعة 10:31 PM
.كيف خسارة عليهم؟وهي سيارة من ٢٠٠٣ماتغيرت شاصي ومكينة
وعلاوة على ذلك ٢٠١٠وفوق نقصت مواصفاتها وزاد سعرها
وصارلها فيس ليغت ٢٠١٦
ف بعتقادي سيارة مثل الفتك والسيارات اللي ماتغيرت يطلعون ارباح ارباحها وضعف ومازال الطلب عليها بالجهات العسكرية وقليل من الافراد
نعم اتفق معك لو انها جيل جديد ومالها مبيعات ف هذا الكلام صحيح فيه خسارة لهم
أعيد وأكرر للمرة الثالثة
المعدات اللي شغلتها اللي تجمع السيارة بالمصنع مهب مكلفة ؟؟؟
العمال اللي يشتغلون لتجميع السيارة برضوا مهب مكلفين على الشركة ويطالبون اوفر تايم
والشركة ماعندها مطورين تدفع لهم بمبالغ بعد !!!
دام اني شغلت المعدات لإنتاج القديمة من جديد وأنتجها لدول معينة فقط فهي مكلفة علي كشركة دامي فتحت خط انتاج لها من جديد !!!
الدعوى مهب مثل ماتتصورون خلاص سيارة قديمه طلعوا ارباحها في وقتها والان بس إنتاجها كذا يربحون 80%
والفتك اللي نزل في 2017 مهب فيس لفت كان لشخص معين طلبها وصارت تنتج لعامة الناس
لو مربح مثل ماتتصورون كان للحين انتجوا الددسن مع النافارا مهب الناس عندنا يبون الددسن اكثر من النافارا
ليه مالبوا الطلب وأنتجته لنا دام يحقق أرباح لهم مثل الفتك !!!
على العموم الباترول Y61 او الفتك عندي قناعة ان زمانه انتهى من 2009 والسيارة ماتحقق انبعاثات اقل ولا صرفية ممتازة مثل باقي السيارات وانتاجها خسارة وقل الطلب عليها حاليا
حسب ماوصل لي في تطوير على السيارة ممكن يكون صادق و ممكن يكون لا ان الشاصي مجدد او جديد
دامه دخل المرحلة هذه لخط الإنتاج وحقق المطلوب كسيارة مجددة من الصفر راح تحقق أرباح لهم وتحقق مبيعات
بخصوص شاصي Y61 طلع عام 1997 كموديل 1998 ومحرك الفتك طلع عام 2001 كموديل السيارة 2002 اللي استمر الى الان