السلام عليكم ورحمة الله وبركاته
كيفكم ان شاء الله تمام زمان عن المواضيع اللي كذا ههههههه
اليوم حبيت انزل تجربتي مع مازدا6 بعد مرور اكثر من 6 سنوات على امتلاكها وقطع اكثر من 238.000 كم باختصر عليكم احاول اني ماراح اطول سبق اني نزلت كم تجربه عنها أشياء ما أعجبتني في مازدا 6 بعد
الاستخدام:
القساوه ، بصراحه قاسيه جدا خصوصا مع الحفر مركب بيرجستون مع انه معروف انه قاسي لكن قساوتها لاتُطاق
العزل سيء ارضي وهوائي مع انه مايهمني ماركز عليه لكن هذه من ضمن عيوبها وحبيت اذكرها
الهوبات كل فتره لازم تخرطها لما تغير اقمشه ولا راح ترج معك
أشياء أعجبتني:-
التصميم نعم التصميم ، جميل لازلت احس ان سيارتي جديده حتى وهي نازله من 2013 لازالت محتفظه برونقها بسبب تصميمها القوي (رأيي الشخصي)
المواصفات التقنيه :
من اجمل الأشياء الموجوده بالسياره وللعلم لازالت تعمل مثل اول يوم شريتها
وافضل مافيها مواصفات الأمان مثل نظام ايقاف السياره اوتوماتيكيا بدون اي تدخل مني وانقذني من حوادث كثير بسبب اني اكون ساهي ع الجوال اومشغول بشي يكون فيه سياره قدامي حتى بدون استخدام المثبت تنبهني وتوقف من نفسها
المكيف من اجمل مايمكن حتى بعد هذه السنوات لم يتغير تبريده حتى في الصيف وعز الظهر ماشاء الله بارد و يبرد حتى والسياره واقفه وللعلم حتى الان ماغيرت الفريون من بلدها زي ماهي
المكينه لازالت محافظه على قوتها ماشاء الله وصرفية البنزين لازالت اعبيها كل 10 ايام تقريبا مع العلم اني مانظفت لها بخاخات الا مرتين من اشتريتها
الجيربوكس لاتوجد به اي مشاكل ولازال محافظ على سلاسته وماغيرت لها زيت القير الا مره وحده قبل 3 سنين
القياده :
المازدا6 على انها قاسيه لكن قيادتها ممتعه لها نكهه من ميزاتها انك تحس السياره ثقيله ومتماسكه وبنفس الوقت دركسونها صغير ويعطي تحكم جميل
الرساوه :
السياره ماشاء الله ثابته على الخطوط وهذه من مزاياها وحتى على اللفات جيده جدا
قطع الغيار: اشوف انها من متوسطه الا رخيصه
باختصار اقدر اقول ان مازدا6 سياره عمليه بامتياز سافرت عليها كثير ومو اي سفر امشي مسافات تصل الى 1600 كم متواصله ، و مهملها صراحه مرات الزيت يوصل 6000 وفوق ماغيرته ومااسوي لها صيانه فقط اغير لها فلاتر من فتره لفتره واطلع فيها للبر حتىالسياره سيارة شغل وامش بامتياز ، اكلت فيها حفر ومطبات واجد لدرجة اني اقول بس المساعد انفقع من قوة الضربه ولكن ماشاء الله الى اليوم المساعدات والعضلات شد بلد ماغيرتهاالأعطال لايوجد اغير لها قطع استهلاكيه فقط
وماسويت لها اي صيانه عند الوكيل مازدا ماخيبت ظني ابد ماندمت ابد اني شريتها،
وبالنسبة لي مازدا6 جمعت كل شي
الإعتماديه
الجوده
اقتصاد الوقود (15.9)
التصميم الجميل
التكنولوجيا
السعر المعقول مقابل المواصفات (98000)
قلة اسعار قطع الغيار وتوفرها
ولو رجع فيني الزمن راح اشتريها 10 مرات يمكن البعض يستغرب ليش كل هالمدح لأن اغلب اللي حولي كانو يقولون ان مازدا ليست اعتماديه ليش ماشريت هوندا اوتويوتا ولكنها اثبتت عكس ماكنت اتخيل تماماتاريخ شرائي للسياره كان في 10-12-2013 يعني كملت 6 سنوات وزياده واليوم ستكمل شركة مازدا 100 عام على تأسيسها واقول لهم شكرا على هذه الجميله
العدادتحياتي | KOERU