السلام عليكم ورحمة الله وبركاته
مرحبااااا بالجميع
عندنا اكسنت موديل 2008 قير عادي
راح السواق وخليناها تقريبا سنة كاملة واقفة
بعدها طبعا معد تشتغل .. غيرت البطارية ودقيت سلف واشتغلت بصعوبة .. المهم خليتها تشتغل شوي بعدها وديتها للمحطة وعبيتها بنزين .. لان البنزين الي فيها صار قديم .. رحت وجيت عليها كم مشوار .. بعد كم مشوار بدأت السيارة تدب فيها الحياة وتصفى .. رجعت ووقفتها .. من بكرة جيت اشغل السيارة وما اشتغلت .. وديتها ورشة قال بواجي .. غيرت البواجي ورجعت البيت .. من بكرة جيت اشغلها ونفس الشيئ ما تشتغل علطول لازم عشر دقايق من المحاولات وبعدها تشتغل .. رحت ورشة وقال صفاية البنزين .. وغيرت الصفاية وبعدها قلت إن شاء الله خلاص .. جاء من بكرة بشغل السيارة .. ونفس الشي ما اشتغلت .. ولازم اقعد وقت بس اقل من السابق .. يعني 5 دقائق وانا احاول وبعدها تشتغل .. السيارة اذا اشتغلت واروح عليها مشاوير واطفيها وارجع اشغلها .. علطول تشتغل ولا فيها مشاكل وزي الساعة .. بس اتركها نص يوم فاكثر .. لازم تتعبني .. والحين بعض الاشخاص يقول غير طرمبة البنزين يمكن هي السبب .. وبصراحة ما لقيت ميكانيكي يقول ان هذي هي المشكلة .. وش رأي الاخوان .. وهل احد ممكن يكون عنده الحل .. مع الشكرمواضيع قد تعجبك