مواصفات حلوة فيها خاصية اول سيارة بفئتها تقدم وترجع بالريموت لكن الجوال وغيره موجودة عند المنافسين
لكن فيه ملاحظه !!!
نظام القوة اللي قالوها هيونداي هو الحصان PS اوروبي مهب نظام الحصان HP !!!
وهذه من حساب حسن كتبي. يعني القوة الفعلية للسيارة تنقص 3 احصنة
يعني قوة المحرك 2.0 لتر 148 حصان
المحرك الثاني 2.5 لتر 177 حصان
المحرك الثالث 2.5 لتر 191 حصان
الملاحظة الثانية ليش بامريكا واعتقد استراليا ينزل لهم 2.5 الحقن المباشر GDI عكس سوقنا !!!
ينزل لنا محرك 2.0 لتر علشان يكون سعرها 68 الف
وينزل لنا محرك 2.5 لتر حقن نقاط وقير 6 سرعات قديم علشان بس يكون سعرها اقل من المنافسين
وتحصر فئة فل كامل فقط بمحرك GDI والقير 8 سرعات
نزل كل الفئات حقن مباشر 2.5 لتر وش يضرك حتى لو سعرك وصل مثل اسعار المنافسين وادري الحقن المباشر و القير 8 سرعات بيرفع سعر السوناتا
كل المنافسين حاليا محركاتهم حقن مباشر او محركات موحدة الا هيونداي وبعض سيارات كيا فقط بالفل كامل مثل ازيرا و سوناتا تكون حقن مباشر
التعديل الأخير تم بواسطة أسرار السيارات ; 23-06-2019 الساعة 12:15 AM
قرابة عشرين سنة وأنا مراقب وأعمل في سوق السيارات السعودي .. وأعرف طريقة تفكير زباين هذا السوق ..
ماراح تفرق مع زباين السوناتا المحركات .. حتى لو استمرت المحركات القديمة !
لو تسأل الآن معظم أصحابها عن قيور مواترهم ما عرفوا يجاوبون .. والإقبال اللي حصل عليها في السنوات الأخيرة لا علاقة له بالمحركات !
الكامري الجديدة نزلت بقير 8 سرعات واشتكى منه عدد من ملاكاها وأنا جربتها وفعلاً فيه علة بتبديلاته .. ومع ذلك تسحب من السوق سحب بشكل قوي !
اصحاب السوناتا الجيل الحالي يشتكون من ضعف المحركات مقارنة بالاجيال السابقة كانت قوية
قير 6 سرعات ومحرك MPI هي موفرة على الشركة وعلى الوكيل وتطلع سرع السيارة ارخص بكثير من المنافسين ومعها سقف بانورامي
لو نزلت بمحرك GDI بيكون سعر الاستاندر مرتفع وهذا الشى ماتبيه هيونداي تفقد شعبيتها بالسوق السعودي والمنافسين بياخذون الحصة
موقع caradvice جرب قبل فترة محرك 2.5 لتر GDI و محرك 1.6 لتر توربو GDI على السوناتا بالقير 8 سرعات وقال الاداء بمحرك التوربو افضل و محرك 2.5 لتر فيه بطى في الاستجابة بس على الاقل الصرفية افضل
السوق السعودي فقد بريقه المعروف بالمحركات والقيور
عندك تويوتا افالون الى الان غير متوفرة فل كامل الا بالمعارض وباسعار فلكية بقيمة لكزس تباع
عندك الكورولا فقط الفل كامل 2.0 لتر محركها حقن مباشر D-4S وصرفيتها أحسن من محرك 1.6 لتر القديم
عندك الالتيما الى الان مانزلت التوربو بسبب السوق الامريكي وانفينتي QX50
والسييرا الغمارة 2019 قيرها 6 سرعات عندنا وفي امريكا تحدثت ونزلت 10 سرعات
بصراحة دج السوق السعودي
حتى في كوريا تنزل لهم قير 6 سرعات ومحرك 2.0 لتر مثل سوقنا علشان تطلع لهم رخيصة السيارة