صحيح الامريكي مشكلة الكبرى بالكهرباء على مستوى العالم تشتكي منه حتى سوق الصيني ذكر هذا الشى
لكن اذا تبي سيارة عملية مثل اول صعب تحصلها لجميع الشركات مهما كانت العلامة التجارية اللي بيحافظ على عمر السيارة اهتمامك بالصيانة الدورية مهما كانت طريقة قيادتك للسيارة ...
بخصوص الحنه محرك 5.6 لتر قوي جدا ولا فيه اي حنه مشكلة هذا المحرك هو اختلف بالنسخة العالمية مقارنة بالنسخة الامريكية بسبب نوع الوقود وبرضوا صوت النسخ الامريكية يكون افضل الكل يعرف الامريكيين يحبون أصوات 8 سلندر لكن النسخة العالمية نيسان مقفلة صوت الأقزوزت و تقنية الحقن المباشر هو يكون خارج غرفه الاحتراق مختلفة عن المنافسين بطريقة احتراق الوقود علشان يعطي اداء افضل وهذا معلومات المحرك
https://www.engine-specs.net/nissan/vk56vd.html
وهذا نوع الناقل الخاص فيه
http://www.motospecs.com.au/assets/f...01A_JR710E.pdf
الناقل 7 سرعات نسب التروس قصيرة جدا يعني يغير النمر اللي بعدها بشكل سريع المحرك مرتاح هذا اللي يميزه يقبل التسارع بشكل قوي او بشكل قيادة عادية
هذا تجربة لواحد كويتي لنسخة التيتانيوم وماشاء الله عليه فاهم بالسيارات شف المقطع كامل بيعجبك
عيوب الباترول :
1- انت جيت في اواخر حياة الباترول وقرب نهاية هذا الجيل بمعنى انه عمر سيارات SUV اليابانية من بين 9 سنوات الى 11 سنة ويتغير بعكس الامريكي كل 5-6 سنوات يتغير
2- عرض السيارة بالقيادة ماراح تحس بالعرض السيارة لكن بيتعبك في المواقف العامة
3- التابلوه و انظمة الترفيه تعتبر استهلكت مع انه من أوائل الشركات اللي تقدم لك مزايا من 2009 ماطلعت عند المنافسين الا في موديلات 2015- في الامريكي و لاندكروزر 2016 يعني الباترول سابق عصره لكن التابلوه قديم
4- الإضاءات ضعيفة مقارنة باللاندكروز في الليل عدسته الإضاءات صغيره
5- أوكتان البنزين للمحرك جدا عالية ماراح تقبل الا 95 الى 98 لايعطيك اداء 400 حصان ولا يقبل أوكتان 91
اذا تبي باترول انا اقول شيل من رأسك محرك 6 سلندر لان الجير 7 سرعات استجابته افضل يكون لمحرك نيسان 6 سلندر القوية مثل 3.7 لتر في Z ولا محركات نيسان 8 سلندر اما باترول 6 سلندر تحس ان الجير كسول بسبب تواضع المحرك
دام الباترول في اخر أجياله انا اقول تشوف لك مستخدم نظيف افضل لك وتوفر فلوسك خلال 3 سنوات بيعجبك وماتحس انك دفعت كثير وتتحسف مستقبلا
تقدر تشتري باترول مثلا من السعودية او الإمارات من اي مكان ضمان نيسان الشرق الاوسط موحد لهذه الدول وتحديدا دول الخليج يعني تشتري سيارة من الكويت تقدر تزين صيانتها في السعودية وضمان ماشي بس شف لك مستخدم نظيف نسخة تيتانيوم
اذا تفكر في باترول 6 سلندر انا اقول لك خذ لاندكروزر 8 سلندر افضل بك حتى وان كان محركه متواضع 4.6 لتر وغيار الجير 6 سرعات لكن عبير لاندكروزر GX-R داخليته متواضعة مقارنة في VX-R و VX-S
اذا اخترت وحدة من السيارتين لا تشتريهم جديد شف لك مستخدم نظيف لان نهايتهم قربت كل من الباترول و الاندكروزو بيتغيرون خلال 3 سنوات الجاية
كلامي طويل لكن حبيت أوضح أمور كثير علشان ماتضيع فلوسك على الفاضي