السلام عليكم
يا اخوان مشكلتي شوية صعبة واتمني اي احد يعرف اي معلومة يفيدني
سيارتي تويوتا بريفيا 2005 والفرامل عندي لازم اضغط للاخر عشان السيارة تتوقف. واذا ضغطت الفرامل السيارة تحذف جهة اليمين. لما شيكت عليها لقيت نفس الاقمشة الامامية جهة اليسار ما تمسك في الهوبات.
غيرت اقمشة اصلية وخرط هوبات
وديتها ورشة سيارات قالي علبة الفرامل هي المشكلة وغيرتها والمشكلة ما زالت مستمرة
وديتها مايز قالوا مشكلة من نظام ABS ونصحوني اروح للشركة اكشف عليها فقط بدون اصلاح عشان اشوف التقرير من عندهم.
وديتها الشركة عبداللطيف جميل وفحصتها طلعولي المشاكل التالية
توضيف كليبرات
تغيير علبة الفرامل
تغيير نظام ABS
تغيير مواسير الفرامل كاملة
والاصلاح عندهم فوق 8000 ريال
اخذت الورقة ووديتها مايز وقالولي تكاليفها للتصليح كمان غالية عندهم ونصحوني اروح التشليح اشتري ABS
فأنا محتار صراحة هل اشتري النظام من التشليح واخاف ما يطلع منه المشكلة. هل اغير المواسير لانه الزيت ما ينزل جهة اليسار عشان كذا السيارة تحذف جهة اليمين لانه فرامل في اليسار مافي.
بصراحة ماني عارف ايش اسوي وابغي نصيحتكم وخبرتكم جزاكم الله خير
شكرا لكم