وقد صارت معي بالالتيما تفصل الشاشة ثواني وتشتغل
واشغل السيارة عادي اكتشفت ان البطارية قربت تخلص فهي تأثر أوضح لك اكثر
اولا سيارتك ماشاء الله فل كامل فيها نواقص عن 8 سلندر مثل نقاط العمياء بس ماتضر
سيارتك فيها شاشة رقمية الكترونية لعداد حق الكيلوات السرعة و عندك شاشة خرائط وسطية ومعلومات وباب الشنطة الخلفية كهرباء تفتحها وتسكرها من عندك بضغطة زر ومقاعد كهرباء
كل هذه الأشياء تأثر على البطارية
رح شيك عليها عند اَي واحد وشف هل هي ضعيفة البطارية او الدينمو هو اللي ضعيف
سيارتك اذا ماكملت سنة وطلعت مشكلة البطارية يغيرها الوكيل على الضمان ولا تدفع ريال واحد وإذا أنفس اشتكه في وزارة التجارة
اذا طلعت في مشكلة في الدينمو هذه على الضمان يصلحونها الوكالة الشاشة على شرحك مافيها شى بس تفصل وتشتغل
الله يوفقك ويسهل امرك
وياك يارب
على العموم ودها فرعهم اللي بخريص بس يمكن يسرن معك مشكلة يقولون خذ موعد وتعال لمنا هذه حركات الوكالات بشكل عام
أنت رح عن اَي واحد حق بطاريات قبل لا تروح الوكالة خله يفحص البطارية مثل ماقلت لك مكانه تحت الكرسي الأمامي يمين ويفحص الدينمو بعدها ودها الوكالة اليوم سبت ولا فيه دوامات ماراح تحصل زحمة
موفق ان شاء الله
وإذا قال خلها فله عطني سيارة بديلة ولا استأجروا لي سيارة بديلة هذه شروط وزارة التجارة اذا عابطوا اتصل على الوزارة عاد الوزارة يحبون المتحدة يوميا معهم
.
وياك يارب وكل المسلمين
سيارتك ان شاء الله مابها الا الخير و العافية لو كهرباء او بطارية تعتبر بسيطة ، وسيارات كرايسلر وهي تشكل المجموعة ككل بشكل عام من أمتع السيارات بالقيادة والمواصفات واسعار سياراتهم جميلة يحتاجون حبتين شوي في الجودة بيطلعون افضل شركة أمريكية
قبل كم يوم احتلوا مبيعاتهم المركز الاول بالسوق الامريكي من 11 سنة ماوصلوا لها وهذا دافع لهم على حسب الاخبار انهم بدوا يحسنون الجودة
شكلك ساكن حل مخرج 6 طريق ابو بكر اعتقد اقرب واحد جنب 50 فاكهة طريق الملك عبدالعزيز
وبشرنا وش صار معك
.
السلام عليكم جميعاً
حياك اخوي / السكوت آرحم
ابشرك ان شالله الامور طيبه ولله الحمد
اعتذر عن التأخر بالرد لانشغالي الايام الي راحت
مالكم بالطويله رحت للوكالة وصراحه انصدمت من الناس الي نصهم جاي يشتكي من السياره الي معه حتى انه فيه واحد سألني سيارتك جديدة اجتبه نعم قالي وش قردك فيهم والسيارات كذا وكذا عندكم وجلس يعطيني باك قراوند الله لايوريكم انا بيني وبينكم ارتابني خوف هههههه
وانتظرت دوري
جلست عند المهندس وماقصروا قاموا بالواجب وزيادة دخلوه حاولوا في البرمجه ما ضبطت وبعدين طلبو لي شاشة جديدة واخذت اقل من اسبوع
ووصلت يوم السبت الي راح ورحت ركبتها الاحد وطلعت فيها مشكلة ثانيه هههههههه مافيها عربي وبعد البحث في اعدادات الشاشة طلعت الشاشة حقة رانجلر !! لان صورت السيارة الي بالخريطة جيب رانجلر
رجوا طلبو لي شاشة ثالثه والان انا في انتظار الفرج والله ييسرها يارب
لاكن استغرابي وتعجبي هذا الامر الي فوق شكاوي بعض الناس كنت جالس اسمعه وانا في صالة الانتظار
لاكن نقول ربما ان تجربتهم وقيادتهم للمركبة تختلف عني وعن غيري ورجل( قدم) اعزكم الله كل واحد تختلف من سائق لأخر
الله يسهل امري وامر كل مسلم وجميع من يشاهد هذا الموضوع
وشكراً للجميع ولمن اهتم لموضوعي
مع التحية والتقدير لكم ,,,