السلام عليكم
اخواني حبيت استفسر منكم اذا كان احد عنده نفس مشكلتي او لا
سيارتي ماليبو 2014 LTZ
4 سلندر
من فتره بدا يجي تاخير فالقير ملحوظ وقوي صراحه
واحيان توصل لدرجه اني احتاج احط القير على المانول عشان اعشق
والمشكله الثانيه اذا جيت اطفي السياره احطها ف P واطفيها بعد كذا تطفى المكينه لكن يقول حط السياره ف P عشان تطفى السياره بالكامل واذا خليتها كذا مايطفى المسجل ولا الانوار لا تبقى شغاله ل ساعات
احد واجهته الشاكل هاذي خصوصا اخر مشكله ف ياليت يفيدني
والسلام عليكم
.
عليكم السلام
احتمال تكون المشكلة بسيطة وهي الربط بين ذراع التبديل وبين القير يحتاج الي وزن وهذي ان شاء الله امرها سهل
المشكلة الثانية تكون من محول الطاقة (الطنجرة ) وهي مشكلة اكبر
الاخيرة وان شاء الله ماتكون هي وهي نفس القير
الافضل توديها وشركة مختصة بالقير وخلية يفحص الوصلة بين عصى القير والقير نفسة
عليكم السلام
اول شي خذ الكلام من مجرب ولا تفحص ولا تخلي احد من ذا الورش يلعب ف سيارتك ويتعلم عليها
تاخر القير بسبب حرارته بالذات اذا انت ٤ سلندر حرارتها اعلى بكثير من ٦ سلندر
والمفروض انك اول مالاحضت المشكله ذي ماتحاول تشغل السياره كثير
تاكد ان الرديتر حق المكيف الامامي مقابل الشبك ماهو مشهب
لانه لو مشهب بيرفع الحراره ومنها الحراره بتنتقل لرديتر المكينه وراه على طول واول شي يتاثر القير
ثاني شي لازم تركب مبرد قير اضافي خارجي نظام شرايح حجم ٤٠ الف وحده من نوعية ترو كولر
اذا تبيه يعيش معاك للابد والحراره ماترتفع شوي مع الصيف
بعدها غير زيت القير
اما اذا انك غيرت الزيت قبل ماتركب مبرد ف احتمال كبير مسننات القير تأكلت وصار ثقيل مايبدل ماله الا توضيب ولاتوضب ابد.
اول شي تسويه تشيك على موضوع الحراره والرديتر
ثاني شي تبرمج القير Readaptation او Learning من ورشة كبيره بجهاز GM MDI فقط
اذا زبط القير امورك طيبه
لازم تفحص
ثاني شي رسالة تحويل القير لل P
هذي عندك الزر فيه وسخ الفضي الي ف راس القير
اضغطه مره ثانيه وشل يدك بتلقاه زبط والسياره قرت انه بدل
بس نظف الكروم الفضي حق الزر وامورك طيبه
لاتفحص ولا تودي ولاتجيب ولاتخلي احد يلعب فالسياره من ذا السباكين الورش
وحياك الله فالقروب الحساب فالتوقيع والانستغرام
Gm_malibu_group
.
اخوي الوكاله جايها رد من جنرال موتورز بعدم تغيير زيت القير ف الشرق الاوسط
وانا قاريه بنفسي
والسبب ان الحراره عندنا عاليه والاستخدام ثقيل من اغلب االناس
ودايم انا انصح بتركيب مبرد نظامةشرايح خارجي بحجم ٤٠ الف وحده واعادة برمجة قيم القير للمصنع كل ١٠٠ الف بجهاز GM MDI
عشان حتى بعد تغيير الزيت الضغط مايتغير ويضل بارد
والمسننات بحالة المصنع وللابد ابشرك
عكس لمن تروح تغيره وبس ويتغير الضغط ومع سوء الاستخدام تبدى برادة الحديد تاكل القير ويطيح بالزيت الجديد
وصارت للوكاله كثير قبل مايجي الرد من الشركه الام
ف صار الي يغيره يوقع ورقة اخلاء مسؤوليه
اذا عرف السبب بطل العجب والحين عرفتو مايحتاج احد يقول غيرولي ويتهربون لان ماعمرهم تهربو الا بسبب
وماقلت هالكلام الا فايده لكم وتجربتي وخبرتي فالسياره
خذو لفة ف حسابي وبتلقون فوايد كثير للسياره
موجود على طول فقروب الواتساب
ومن الناس القديمه بالمنتدى بس تركته فتره لانشغالي
انستغرام ملاك ماليبو GM_MALIBU_GROUP
وسلامتكم
السلام عليكم
السيارة 2012 - 6 سلندر الشكل القديم
بخصوص زيت القير
ماهي تجاربكم السابقة ونصائحكم لتغيير زيت القير (ماليبو) 6 سلندر
خصوص للشكل القديم علما إني أول مره، أغير زيت القير لوجود مالك سابق .؟
طبعا سيارتي قليل أمشى عليها يعني خلال 3 سنوات مشيت 5000 الاف كيلومتر فقط
و (زيت القير) لازم يتغيير بعد 25 الف وهالكلام قبل 3 سنوات
وأحس الان لازم أغير (زيت القير) مع إن ماكملت باقي الكيلوات الباقية اللى هي 20 الف
،
إستفسارات:
1-الان هل فيه مشكلة بهذا الوضع ممشى قليل وسنوات كثيره هل يلزمني أغيره أو أفحصه وأكمل باقي الكيلوات المتبقية؟
2-هل يوجد فلتر لقير الماليو أم لا ؟
3-هل وكالة الجميح تغير زيت القير ولا ترفض؟
4-هل للزيت القير تاريخ إنتهاء صلاحية؟
5-كم سعر الزيت بالوكالة (الجميح) + سعر شغل اليد وأيهم أفضل الوكالة أو بترومين أو أي سي ديلكو من ناحية الضمان والشغل النظيف؟
لماذا المنتدى ميييييت أين أعضاء وملاك الماليبو ؟؟