نزول النافارازكان في اواخر 2016 ولم تحدد التواريخ الا في فترة البيع هل تكون موديلات 2016 او 2017
الديزل جابوه وكان بعدد محدود من فئة استاندر وخلصت من بترومين و العيسى انباعت في الوكالة واغلب اللي اشتروها شركات المقاولات SE استاندر
اما تكدس النافارا بالمعارض لفيت معارض الرياض كلها مالقيت الا ثلاث او اربع معارض جايب النافارا وكلها كانت فئة الاستاندر دبل و بدون دبل
المكدس بالمعارض هي سيارات تويوتا وهيونداي بس تلف وتتعب ماتحصل الا تويوتا ولا هيونداي ونادر جدا تحصل معرض عنده تنوع بالسيارات مافيه الا معرض صالح وهذا دعس باليوتيوب و الانستجرام والمعرض الثاني علاء الدين مدري عماد الدين نفس قصة صالح
كل سيارات النافارا راح الفئات العليا للافراض و الفئات الأقل للشركات وبأكثر ما أشوفها في شركات المقاولات
بخصوص الارباقات هذه سيارة فاخرة وصار عليه حادث قفز حواجز هذه شفتها بعين وانا رايح الدوام التخصصي تقاطع الامير محمد بن عبدالعزيز بتجاه الشرق اللي يسمونه شارع التحلية ولا طلعت ارباقاتها !!! وش تفسيرك
.هي نزلت باخر ٢٠١٦ موديل ٢٠١٦ ولا توفرت اي حبه ٢٠١٧ كل الموجود ٢٠١٦
ولا سحبت ابد من السوق الا بعروض قوية جدا
الغمارتين استاندر بيعت ب ٤٣ الف والدبل ب ٥١ الف ارخص من الددسن
كل الموجود بالسوق ٢٠١٦ ولا زال الوكيل يعرض ٢٠١٦ واذا هي مخلصة ليش ماوفره الوكيل ٢٠١٧ او ٢٠١٨ والباترول لم ينزل ٢٠١٨
بالنسبة للارباق مايخرج بدون حزام لانه بالحالة هذي يكون مميت حتى لو تأثرت حساساته
وسبق صار لوحد من الشباب بسييرا حادث ولا طلع الارباق واشتكا الجميح وقالو ماربطت الحزام
3 من أخوياي بسيارات مختلفة طلعت ارباقاتها بدون مايريطون الحزام بحوادث شبه خطيرة ماكسيما و جمس و بورش كايين كلهم ماربطوا الحزام
والربع يقرب لي الله يرحمه توفى العام بسيارة اجار قفل عليه الدركسون وانقلب ولا كان رابط حزام نجى خويه وهو توفى وسألناه وشون صار الحادث بس طلعت الارباقات الامامية لانها استاندر كامري 2017
كل اللي بالسوق موجود 2016 و 2017 ماجت سيارات 2018 الا عدد قليل من وكالات السيارة حتى عبداللطيف جميل عنده سيارات 2017 مكدسة بوكالة. وجالس يسوي عروض ترويجية على وجاب حسن كتبي يسوق للكامري وخلاه يذكر ان الخليجي تجي 6 عيارات الجير و حقنه تجي 8 غيارات قبل لا ينزل الخليجي للسوق مسوي اعلان يسوق البريوس
الحين حركات الوكالات كلهم بدون استثناء وعرض الان طلعت علشان يروّجون لسواقة الحريم شف عروضهم كلها سيارات 2016-2017 وألصقوها باسم عروض رمضان !!!!
مع ان المعلومة هذي غير منطقية والايرباق ماراح يكون أسوأ من انه يطير ويصدم
اما في الزجاج أو الدركسون وأكيد بيكون أشد من الايرباق لكن تذكرت مرة شفت حادث قدامي "سوناتا" صادم تريلة ويوم نزلت لقيت الإيرباق ماطلع والرجال خبط راسه في الزجاج وتوفى الله يرحمه بس ماكان رابط الحزام!
فسرتها انه عشان التريلة مرتفعة والصدمة أعلى مقدمة السيارة وبالتالي ما لمس الحساسات! الله أعلم.
السلام عليكم ورحمه الله وبركاته
وكل عام والجميع بخير بمناسبة حلول شهر رمضان المبارك ...
الموضوع شائك وترددت بالرد لكن عندي كلمتين وحبيت أقولها
السيارة شريناها لأصغر أخواني قبل شهرين ولأنه مش موجود أيام الأسبوع
السيارة عندي واستخدمها بدل سيارتي الكبيرة 4 ايام في الاسبوع...
المراد:
السيارة جميلة ومحركها قوي ومواصفاتها مقارنة بالاجيال الماضية أفضل
والسعر تقريبا ما فرق كثير ...
معظم المشاكل اللي يتداولها البعض ويضخمها أصلا غير موجودة او موجودة في بعض السيارات
وهذا امر طبيعي ...لابد من عيوب في بعض السيارات فما بالك بجيل جديد
لاطقة غير ولا مشاكل ديكور ومزايط
فقط ستاند الستارة مع بعض المطبات يهتز..
عزل الهواء مثل الموديلات السابقة ما تغير ...
الخلوص الأرضي ماتغير عن الموديلات السابقة حسب شيتة المواصفات ....
والحمد لله ما حك عندي ولا مطب للكن حد صاجة الحماية منزل على تحت هو اللي حك في رصيف المواقف وبدون تاثير يذكر....
العيب الشرعي بنظري في السيارة عدم وجود نقطة عمياء .... المرايا صغيرة والروية مش ولابد
ويمكن لأني متعود على الأمريكي والمرايات الكبيرة...
عموما والكلام مش موجه لأحد ... اللي موعاجبته السيارة بلاش يحطم فيها... ويسفه غيره
مو عاجبك الكامري وتحب المازدا عليك بألف عافية
ماتبي ترمي مية ألف في كامري ... ودك ترميها في هوندا .. إنت حر
موعاجبك الدفع الامامي الرخيص وودك في هاي كلاس .. شي راجع إلك
بس خلي الناس في حالها
في النهاية حديدة لا راحت ولاجات
ماله داعي الحزازات على شي ما سوى
عموما طولت عليكم .... فالسموحة منكم
واختلاف الرأي لا يفسد للود قضية