السلام عليكم,
الله يسعد يومكم بالخير والبركة.
انا عندي قراند ماركيز 2011 ماشي 135000 الف كيلو.
كان عندي تفتفة من فترة مايقارب سنة. والتفتفة تجي والسيارة واقفة فقط(او انها ضعيفة لدرجة اني ما احس فيها الا وانا واقف),
والتفتفة غير منتظمة لكن طنشتها.
والآن قبل فترة بيوم وليلة السيارة فقدت عزم كبييير فجأة. وصار البنزين ما يمشي معي اسبوع الا وهو على الأقل خلص الثلثين. صرت عشان امشي في الخط بشكل طبيعي لازم الدوران على 2000 وهذا شيء غير طبيعي في الفورد. كنت على 2000 اطير. عشان اتأكد من كلامي قلت خلني اجرب 0-100 بكم اجيبها. جبتها ب12 ثانية ونص. وانا كنت اجيبها ب9 ثواني واقل بشوي.
الميكانيكيين اكلوني اكل. غيرت بواجي, نظفت بوابة, غيرت 2 كويل كانت عطلانة, نظفت بخاخات و عندي جهاز فحص كمبيوتر يوضح ان مافيه فيه مشكلة (مافي تشك انجن).
طرمبة البنزين ماهي خربانة(اقدر اسمعها).
كل مارحت لميكانيكي يقلي انت موسوس والمكينة صافية وانا متأكد من ضعف العزم وكلامي اكيد نظرا للتسارع. والله اني قلبي ياكلني وانا امشي على 2000 دورة بالدقيقة. انا ابغا احافظ على المكينة وهذي المشكلة تغصبني اعذب المكينة.
ملاحظة: انا غيرت الزيت الجربوكس قبل 10000 كيلو عند بترومين وما ادري وش الزيت اللي حطوه لكن انا اقول ممكن هو السبب, لأني بعض الاحيان وانا واقف واعشق من P اليين D مع كل تعشيقة اسمع صوت حديد يحك او شيء كذا.
ومشكلة دبة التلوث انا شفت حساسات الاكسجين شغلها تمام ومافي مشاكل.
والفلاتر جديدة سواء البنزين ولا الهواء.
سامحوني على الاطالة لكن ماحبيت اني اترك نقطة غير واضحة.
خارجوني من المشكلة ذي الله يجزاكم ووالديكم الجنة.