روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


النتائج 1 إلى 5 من 5
Like Tree2اعجابات
  • 2 Post By أسرار السيارات

الموضوع: تكاليف ورشة جديدة و ادارة الموظفين

  1. #1
    عضو جديد
    تاريخ التسجيل
    15-04-2018
    المشاركات
    2
    معدل تقييم المستوى
    0

    تكاليف ورشة جديدة و ادارة الموظفين



    السلام عليكم جميعا

    عندي استفسار و يا ليت اللي عنده خبره يفيدنا


    في حال بغيت افتح ورشة سيارات "مرحلة أوليه بدون سمكره" بس صيانه/تركيب قطع و صبغ السيارة

    المساحة بحدود 500 متر و فوق

    1-كم تكلفة تجهيزها لو كانت الارض فاضيه؟ الهنقر لو انا اسويه كم يكلف

    2- كيف تتم ادارة العمال؟كم الرواتب/كم نسبة العمولة و أي عامل او موظف اللي ياخذ عموله و مين اللي ما ياخذ؟



    شكرا لكم مقدما



  2. #2
    عضو جديد
    تاريخ التسجيل
    15-04-2018
    المشاركات
    2
    معدل تقييم المستوى
    0

    رد: تكاليف ورشة جديدة و ادارة الموظفين

    احد يعبرني طيب

    كلمه ولو جبر خاطر

  3. #3
    عضو ادارة المنتدى الصورة الرمزية flatne
    تاريخ التسجيل
    20-11-2014
    المشاركات
    4,097
    معدل تقييم المستوى
    100

    رد: تكاليف ورشة جديدة و ادارة الموظفين

    عليكم السلام

    حياك الله اخوي

    اذا ماعندك خبره في هالمجال لازم تسأل ناس اشتغلوا في الورش
    عشان تعرف كل شي قبل ماتبدأ وتفشل لاسمح الله

    بالنسبه للتكاليف مااقدر افيدك ماعندي معلومات عنها

    نجي لاهم نقطه الا وهي نقطة العماله
    لازم العماله يكون شغلهم ممتاز ووتعاملهم طيب
    خبرة العماله دور أساسي في نجاح المشروع
    واشرافك المباشر على الشغل وهذه يبغى لها متابعه ووقت وجهد

    الرواتب تكون من 2000 الى 3000 حسب تخصص العامل
    العموله هذه راجعه لك اتفاق بينك وبينهم

  4. #4
    مشرف سابق
    تاريخ التسجيل
    26-05-2016
    الدولة
    ?
    المشاركات
    5,797
    معدل تقييم المستوى
    179

    رد: تكاليف ورشة جديدة و ادارة الموظفين

    تأسيس ورشة لو مساحتها 300 متر راح تكلفك فوق 400 الف ريال سعودي


    الورش تأسيسها مهب رخيصة لو تسوي عزل ارضي للزيوت بس ذا بيكلفك 40,000 ريال

    غير أدوات السلامة اللي تطلبها منك الدفاع المدني إلزامي مثل صفارات الانذار و رشاشات الموية للطوارى لو صار حريق فاسمح الله هذه تكلفتها 35 الف ريال !!!


    انا كنت بأخذ ورشة لقطة لكن ماكتبها الله بمبلغ اقل من 300 الف ريال ومساحتها مع الشارع 1200 متر فيها 10 أقسام من المتدنية ترصيص اطارات لين الصيانات المكلفة مثل سحب الشاصي الله يبارك لراعيها اللي اخذها ماشاء الله تبارك الله نظامها كراجات




    اذا سويت دراسة جدوى لمشروع ورشة جاني تاجرين والثالث كان باب رزق جميل شرحت لهم كل شى وطلبوها مني الجدوى رفضت أسلمها لأحد منهم تعبي مايستفيد منه احد مع محاولات للوعود اغلبها كاذبه حتى باب رزق جميل شافني مصر على عدم تسليمها قال ماراح ندعمك الا ب 60, الف ريال وانت دبر الباقي
    مع الاختصار وبدون ذكر التفاصيل

    اذا انت بتقعد وتهتم بالورشة اعلمك راح تكسب منها اذا بتفتح ورشة وتسلمها لأحد يديرها فهي خسارة عليك ولا تستفيد الا الشى القليل

    لكن بسالك انت تفهم بالميكانيكا او انظمه الميزان او توضيب المحركات والنواقل او معرفت خلل كهربائي مهب شرط تشتغل بيدك بس يكون عندك خلفيات لهذه الأمور وانت تجلس بالورشة تدير حلالك ...


    لكن تبي الشور افتح لك مركز متوسط الحجم يعني اشتغل بالصيانات الخفيفة وتراها مربحة ولا راح تكلفك الشى الكثير غير تأسيسها و أجارها اذا هي سنوية او ست شهور على حسب الاتفاقيات

    افتح مركز متخصص للميزان فقط يعني وزن إذاعة ترصيص اطارات تغير فحمات تغير مقصات بالاشياء هذه وكلها كم رافعة وجهاز ترصيص ومعدات و حفرة للميزان تكلفك هذه تقريبا 220-280 الف ريال غير سعر أجار المحل على حسب المكان والموقع

    رواتب العمال من بين 3000-4000 ريال مع اعطائها نسبه بسيطة علشان يشتغل لك بذمه من بين فترة لفترة هذه النسبة لتحفيزه اذا انت بالسعودية احسب تكلفة العامل الواحد من بين 400-600 ريال تدفع شهريا للدولة بسبب العمالة الأجنبية

    اذا وضعك المادي كويس وتبي تفتح ورشة انصحك بنظام الكراجات هذي تضمن سيارة اللي يصلحها عندك ويكون شغلك بالسليم مهب عشوائية مثل بعض مراكز وصناعيات اللي عندنا بالرياض مثل ام الحمام و الصناعية القديمة كلها شغل عشوائيات ولا عنده شهادة ميكانيكا والشغلة كسبها من الخبرة ولا يعرف يصلح كل السيارات أو شف لك مركز للتقبيل بسعر معقول وشكلة مقبول توفر عليك الكثير مثل ارضية عزل الزيوت وانظمة الدفاع المدني الاجبارية


    موفق ان شاء الله
    التعديل الأخير تم بواسطة أسرار السيارات ; 26-04-2018 الساعة 01:00 PM
    أبـوأسـد و SAHERR معجبون بهذا.

  5. #5
    عضو ادارة المنتدى الصورة الرمزية SAHERR
    تاريخ التسجيل
    05-09-2011
    الدولة
    السعوديه
    المشاركات
    8,845
    معدل تقييم المستوى
    100

    رد: تكاليف ورشة جديدة و ادارة الموظفين

    اخوي حاتم سبقني وماقصر هذي يبغالها دراسة جدوى اقتصاديه ولازم تحسب تكلفة المعدات بعضها يوصل 45 الف مثل الميزان وبعضها 12 الف مثل جهازي الترصيص وفك العجلات غير غير جهاز الهواء النايتروجين 10 الاف وغير الروافع هذا تبدى من 9الاف اللي يسموها روافع شوكيه وغير رافعة الميزان حوالي 12 الف هذا اذا ماتحتاجها تسوي لك حفره فقط غير جهاز خرط الهوبات حوالي 10 الاف وجهاز شفط الزيت حوالي 3 الاف وجهاز تنظيف البخاخات الفيول
    وجهاز تعبئة الفريون وفحصه حوالي 10 الاف وجهاز فحص الكتروني للاعطال المختلف 9الاف ريال غير صناديق العده الواحده حوال 3الاف وغير الروافع اليدويه
    حولي 3الاف عدد 3 غير المواد الخام من زيوت وفلاتر متنوعه زيت ووقود وهواء واطارات وقطع غيار استهلاكيه مثل فحمات الفرامل والبواجي والسيور ومساحات وبطاريات انا سويت دراسة جدوى اقتصاديه وحضرت ورش عمل ادارة مشاريع في الغرفه التجاريه كانت بدون رسوم مجانيه لتشجيع اصحاب المشاريع المتوسطه والصغيره بالتعاون مع البنوك واحد البرامج المتخصصه بحكم دراستي للميكانيكا السيارات ودراستي لدبلوم التجاره فالمسأله ماهي سهله
    اذا عندك الاشيا هذي توكل على الله ولاتنسى لازم يكون في سعودين لايقلون عن 2 لانهم يحسبون وزارة العمل 1 سعودي عن كل 9 اجانب هذا اذا انت في السعوديه

المواضيع المتشابهه

  1. افضل ورشة
    بواسطة فاضل زكي العلي في المنتدى ورشة السيارات
    مشاركات: 2
    آخر مشاركة: 26-02-2018, 06:32 PM
  2. مشاركات: 0
    آخر مشاركة: 25-02-2018, 10:18 AM
  3. بلشان بالسيارة ابي ورشة ثقة
    بواسطة aboufahad22 في المنتدى ورشة السيارات
    مشاركات: 3
    آخر مشاركة: 01-02-2018, 04:32 PM
  4. محتاج ورشة كهربائية
    بواسطة الراثي في المنتدى ورشة السيارات
    مشاركات: 1
    آخر مشاركة: 09-09-2017, 11:53 PM
  5. ورشة للرانجلر
    بواسطة علي 1 في المنتدى ورشة السيارات
    مشاركات: 1
    آخر مشاركة: 06-02-2017, 07:00 PM
X