حصرياً بالصور والأسعار .. تقرير وصول فورد اكسبديشن 2018 الشكل الجديد للمملكة ..

[أبو سعود Q8]

صحيح ان السيارة جميلة من الداخل والخارج
لكن السعر جنوني !!

317,835 ريال سعودي = 25,400 دينار كويتي

المصيبة أن سعر التاهو فل اوبشن = 18 الف دينار كويتي

يعني الفرق بين الاكسبدشن أعلى فئة وبين التاهو أعلى فئة = أكثر من 7 آلاف دينار كويتي !!
يعني أكثر من 87 الف ريال سعودي !!




طيب شنو الاختلافات بين السيارتين ؟

1- وجود فتحة بانوراما بالاكسبدشن
2- وجود 4 كاميرات بالاكسبدشن
3- وجود ( Drive Mode ) بالاكسبدشن حيث يمكنك اختيارة وضعية القيادة
4- لا شيئ !!

طبعا أكيد بتقولون المكينة والقير يختلفون ، نعم صحيح
لكن هذا مو معناته ان مكينة الفورد السته سلندر ( التوين تيربو ) أفضل من مكينة الشيفرولية الثمانية سلندر ( تنفس طبيعي )
خصوصا وأن معدل استهلاك الوقود للسيارتين متقارب جدا جدا

الاكسبدشن 10.7 كم/ لتر
التاهو 10.3 كم/ لتر

لذلك هل الاختلافات الثلاثة السابقة تستاهل 7 آلاف دينار ( 87 ألف ريال ) ؟؟؟

بما أم سعر تريل بليزر = 7 آلاف دينار




إذا من الممكن نكتب هذي المعادلة :

1 تاهو + 1 تريل بليزر = 1 فورد اكسبدشن




هذي كانت المصيبة

أما الكارثة فهي أن سعر كاديلاك اسكاليد بعد الخصم = 22,500 دينار كويتي !
يعني أرخص من الاكسبدشن ب 2900 دينار كويتي !! ( 36 الف ريال سعودي )




كاديلاك اسكاليد أرخص من فورد اكسبدشن !!
هذي المعادله عمرها ما صارت

مادري شلون شركة فورد حطوا هذي الاسعار الخيالية ؟؟؟

طيب على هذا الوضع كم بيكون سعر اللنكولن النافيقيتور الفل اوبشن ؟؟؟؟

يمكن يمكن هذي المعادله راح تصير
1 فورد نافيقيتور = 2 يوكون دينالي

هههههههههههه



إن شاء الله يوم السبت بروح وكالة فورد عندنا بالكويت وأشوف كم سعره عندنا

شكرا لصاحب الموضوع والصور

[xda ll]

السعر غالي لكن اتوقع على نهاية العام بتكون الاسعار شبه معقوله
اهم شئ عندنا اللحين



على قوة المحرك استهلاك جيد لسيارة بهذا الحجم وتنتج هاذي القوة

[xda ll]

راح تنزل مبيعات توكيلات الجزيره على الاسعار هذي وما ينعرف هل الاسعار من الوكيل ام من الشركه الام الايام الجايه يتضح كل شي شكرا لك اخوي عبدالله

من هاذي الناحية لاتخاف على توكيلات الجزيرة
مبيعات ارامكو لحالها تغنيهم وعلى فكرة اغلب الشركات تهتم وتركز على مبيعات الشركات والحكومة ولا طقو للافراد خبر شف اذا رحت للشرقيه شوف الوانيتات مثل f150 او سلفرادو او غيرها بالمئات مع الشركات الكبيرة من غير ارامكو من غير مبيعات الوزارات والامن العام والجيش
الوكلاء عندنا لاتخاف عليهم
غالبا اللي يتاثرون بقلة المبيعات صغار الموزعين اصحاب المعارض
موديل 2015 اول مانزل بالمحرك الجديد ارتفع سعره والناس تخوفت من المحرك على طول اول ماشفته منتشر في الشرقية على الباب لوقو ارامكو وقتها تشوفه كثر الاكسنت
.

[اوتشيها مادارا]

مستغرب من السعر وباين القيمة المضافة تضيف فلفل على سعر السيارة

[SAHERR]

من هاذي الناحية لاتخاف على توكيلات الجزيرة
مبيعات ارامكو لحالها تغنيهم وعلى فكرة اغلب الشركات تهتم وتركز على مبيعات الشركات والحكومة ولا طقو للافراد خبر شف اذا رحت للشرقيه شوف الوانيتات مثل f150 او سلفرادو او غيرها بالمئات مع الشركات الكبيرة من غير ارامكو من غير مبيعات الوزارات والامن العام والجيش
الوكلاء عندنا لاتخاف عليهم
غالبا اللي يتاثرون بقلة المبيعات صغار الموزعين اصحاب المعارض
موديل 2015 اول مانزل بالمحرك الجديد ارتفع سعره والناس تخوفت من المحرك على طول اول ماشفته منتشر في الشرقية على الباب لوقو ارامكو وقتها تشوفه كثر الاكسنت
.

المبيعات قلت وبدليل مبيعات وزارة الداخليه ووزارة الصحه وانسحاب احد الشركاء في توكيلات الجزيره ودخول الناغي حسب الاخبار المتواتره

[تـــMـــيـــM]

طيب على هذا الوضع كم بيكون سعر اللنكولن النافيقيتور الفل اوبشن ؟؟؟؟

قالوا سعره راح يكون بـ 410 ألف ريال

[عشقي حزن]

مبيعات الجموس والسيارات الكبيره عموما خفت وراح تختفي تقريبا السنه القادمه واللي بعدها بعد مايرفع الدعم النهائي عن البانزين اذا نزل تاهو كهرب بالكامل او اكسبديشن على الكهرب ويمشيك 500 كيلو ذيك الساعه راح تنتعش المبيعات يعني بالعقل اعبي اكسبيدشن 250 كل اسبوع والسنه القدامه 500 ريال افلله ؟؟

[أكسجين]

السعر مبالغ فيه بشكل كبير ...

صحيح أن عادتهم يرفعوا السعر بداية كل سنة وينخفض تدريجيا

لكن عمرها ما صارت كذا ....

هزلت ....