ماشاء الله تبارك الرحمن على التقرير الرائع ..
كأني انا اللي شريت سياره ماهو انت
الله يبارك لك فيها و يعطيك خيرها و يكفيك شرها
سياره رائعه ماشاء الله ....و الوكيل و الصيانه ....ماودك تطلع منهم ماشاء الله هذا الشغل الصح
اما انا
انا قبل اسبوع بعت التاهو حقي الله يبارك للي شراه و جالس إلى الان اتصارع مع نفسي ...مع انه بهذل ام امي بالبنزين و الزيت بحكم انه ماشي نص مليون لكن عز الله اني فقدت شخص عزيز علي !
اجمل الاوقات و اجمل السفرات كانت معه..
لفينا فيه كل دول الخليج
و كنت كل اسبوع لمده ثلاث سنين احمل حوالي 25 كيس سماد و 3 اكياس دقيق وزن الكيس الواحد 50 كيلو للمزرعه تقريبا طن و نص اجمالي الحموله الاستبنه كانت تحك اذا اكلت مطب
و فوق هذا كنت مهمل الصيانه اي زيت قدامي كنت احطه و في اي ورشه
و ما كلفني الا جلد بلوف و تكايات فقط المكينه زي الورده ماشاء الله .
..ما عمره وقف علي في طريق ولا عمره خرب علي شي و ضيع وقتي و عطلني تخرب اشياء لكن متى ما بغيت اسويها صلحتها
تكايات المكينه كملت سنتين عليها ما صلحتها ...
وقف علي مره بس التانكي مافيه بنزين في راس جبل في خارج المدينة ما ادري وش مقردني له طلعت في راس جبل كنت اصور بسبب الجو كان جميل و امطار ماشاء الله و ما دريت الا وهو طافي علي الاشهب قلت افاا ...
و اضربها مشي لين ما وصلت للطريق السريع و انتظر احد يوقف و لا حس ولا خبر كلها تريلات .. جاتني فكره اني اتعلق باحد التريلات لكن بنفس الوقت وقف لي سوداني الله يجزاه خير و كملت دربي و رجعت و عبيته لين ما قال آمين
و انتهت مسيره رفيق الدرب ببيعه لاغراض الدراسة و عسى الله يعوضني باللي احسن منه ان شاء الله
و النيه اطلع واحد جديد ان شاء الله و العين على اليوكن و السلفرادو
و شكرا لك اخي ابو سعود على طلتك الرائعه اللي اشتقنا لها و اتمنى انك ما تحرمنا منها هالمواضيع