أولا مشكور جزيل الشكر على مرورك وكلامك الطيب بالتقرير
الله يسلمك من كل شر يارب
ثانيا أشكر لك مساعدتي باختيار البنزين المناسب للتاهو
ثالثا صحيح كلامك انا شفت داخلية الاسكاليد القياسية
( ابو 24 الف دينار ) وليس البلاتينيوم
( أبو 32 الف دينار )
أما بخصوص الشكل الجمالي فهذا كلنا مختلفين ومتفقين فيه بنفس الوقت
كل واحد وله نظرة معينه ولون معين يحبه
انا كنت ومازلت مصر على لون الداخلية الجملي أحسه فيه هيبه أكثر من السكري الفاتح بالدينالي
وطبعا هذا رأيي الشخصي وأكيد في ناس تختلف معاي بالرأي
أما عن اسعار الاكسبدشن ، الصراحه مااااكنت متوقع هذا السعر نهائيا !!
كنت متأمل ومتأكد بعد انه سيكون سعره أقل من التاهو واليوكن
بس انصدمت لما عرفت انه أغلى من الاسكاليد حتى !!
بخصوص الترهيم ، نعم وكيل تويوتا يستخدم الترهيم والاضافات التجارية على سياراته
والمصيبه انه ما يبلغ الزبون بذلك
وانا قبل 4 سنوات كتبت موضوع مفصل عن هذا الغش وحطيت فيه صور للتأكيد والاثبات
لكن بعدها اتصل علي محامي وقالي بنرفع عليك قضية ومش عارف ايش
لذلك طلبت من المشرفين حذف التقرير ههههههه هروبا من المحامي
أما وكيل شيفرولية فمادري إذا يستخدم الترهيم أم لا ؟
لكن بخصوص المصابيح الخلفية والأمامية هذي من شركة مقرها داخل وكيل شيفرولية الغانم
يعني تخيل شركة الغانم هي وكيل شيفرولية + وكيل هذي الشركة واثنينهم يستخدمون نفس الكراج
ومنهم ايضا ركبت الحماية للسيارة والتظليل الحراري
ايضا كنت بركب من عندهم شاشات خلفية مخصصة للتاهو
وعندهم اكسسوارات من الكروم خاصة للتاهو لكنها مو مصنوعه من GM
شكرا لك مره ثانية