المشاركة الأصلية كتبت بواسطة stpa.2011
بسم الله الرحمن الرحيم
إخواني الغالين كما تعلمون أن المكينة لفئة التيربو في هذه السيارة من صنع شركة مرسيدس فقطع غيارها صناعة ألمانية، فنأتي لزيت الجيربكس فهو ليس زيت النيسان Matic العادي بل أيضاً لها زيت خاص.
فطلبته من الوكالة وهذه صورته ( للأسف طلبية ولها قصة طويلة لأنه ما كان متوفر بالوكالة حتى إضطريت لشكوى وزارة التجارة 😐 ):
فذهبت للوكالة لكي آخذ الزيت فكان سعر اللتر مررررة مبالغ فيه فتخيلوا اللتر ب 589 ريال 😱 ! كذا صارت قطعة غيار مو زيت 😶 ؟؟ وهذا من غير شغل أيدي العاملة اللي ب 600 ريال !
فتواصلت معهم بالهاتف و قلت لهم مو معقول هالسعر قالوا لي ممكن الموظف اللي أعطاك إياها غلطان بالتسعيرة وبعدين تغير السعر إلى 140 ريال تقريباً وبرضه غاالي، وآخر مرة قال لي وصل إلى 75 ريال اللتر ( قبل 4 أيام كنت في وكالة إنفينيتي وسألت عنه )
فالمهم ذهبت لوكالة مرسيدس وحصلت اللتر ب 60 ريال تخيلوا وهذا قبل الخصم ونفسه تماااماً 😉 !! وهذه الفاتورة وبعد الخصم صار ب 40 ريال:
واللي يبغى يغير الزيت الأفضل يشتري الفلتر حق الجيربوكس مرة واحدة وعليه شعار شركة المرسيدس كما في الصورة ( نسييت أشتريه ما جاء على بالي ):
وبصراحة غيرته في ورشة بمكة عند المهندس المعروف/ شيخ سيس كان يعمل لدى الحمراني ما شاء الله عليه 👍👍 بمجرد ما شاف زيت الجيربوكس وشيك على السيارة ( طبعاً قبل ما أغيره ) قال لي هذا الزيت خاص بمرسيدس إشتريه وتعال أغيره لك والحمد لله تمام 👌
والزيت اللي بالسيارة قبل ما يتغير يكون لونه أخضر، واللي تشتريه يكون لونه أحمر بس أهم شئ درجة لزوجته ونوعه نفس اللي في الصورة واللون أتوقع والله أعلم ممكن وضعوه للتفريق إن كان شخص يبغى يتأكد هل قام بتغيير الزيت من قبل أو لا 🤓.
وتحياتي لكم وأتمنى تستفيدوا يالغالين
قناة السيارات
6اعجابات
رد مع اقتباس