شكرا لك على الرد بس الباث اللي عندك اي موديل لان اسمع ان الموديلات الجديده حلوا موضوع القير وصار افضل وبالنسبه للتأجير هذا اللي ابي اسويه ان شاء الله
وانت بما انك مجرب الباث .... بصراحه ما ادري ليش احس الباثفيندر الشكل الجديد بناتي وما يصلح لرجال ابو عيال !! ... واتوقع هذا رأي الكثير ... وانا يهمني رأي الناس ... السياره من اولها الى اخرها هي مظهر امام الناس
شكرا لك على الرد ... انا اشوف البرادو ماله علاقه بالبر ... انت اللحين تشوف بنات ما يعرفون البر وين صاير وراكبين برادو ... البرادو اصبح كشخه ووجاهه امام الناس ... ومين قال يمكن اصير راعي بر في المستقبل
وبعدين في شغله انا اكثر استخدامي للسياره راح يكون لوحدي مراجعات او سوق او زيارات ... فهل البرادو افضل او الباثفيندر لي كاستخدام شخصي ... انا اتوقع البرادو يصلح شباب ويصلح عوايل ... اما الباثفيندر عوايل فقط
ليش المازدا بشنو افضل من الباثفيندر ... اذا على الميزانيه انا موفارقه معاي ... اذا في سبب ثاني تفضل ... بالعكس انا النيسان اشوفه افضل من المازدا كجوده وطول اجل
حياك وشكرا على الرد ... لكن للاسف الرابط ما فتح معاي ممكن تذكر اسم السياره ؟؟ .... وبالنسبه للسعر موفارقه معاي لان الحمدلله عندي قدره عليهم
شاكر لك ردك ... عزيزي الميزانيه مقدور عليها وعندي قدره لله الحمد على اللاند والباترول ... بس بصراحه ليه اشتري باترول سعره 17 الف دينار ... وين رايح فيه وعلى منو مسير ؟؟ السياره اخرها حديد وهذا نوع من التبذير فقلت برادو وفرق السعر ابني فيه مسجد ( اللهم آمين ) ينفعني دنيا واخره
وبالنسبه للامريكي ... حنا عايله يابانيه ( وبالاخص تويوتا ) الامريكي ما طب بيتنا خير شر ... واعتقد خراباته كثير ومايستمر 15 سنه الا وهو مخسرك تصليحات مبلغ وقدره ... فخلني على الياباني اعرف له ويعرف لي ههههه
وبالنسبه للباجيرو شكله مو عاجبني ... طرازه قديم حده
بالنسبه للبنزين كلامك صحيح ... بس اتوقع الفرق بينهم مش كبير وخاصه البرادو والباثفيندير 6 سلندر مش 8 سلندر وخير الامور اوسطها لا 4 ولا 8 خلينا على 6 يكون جيد
.
شكرا لكل عضو رد على الموضوع