سلام عليكم مساء الخير للجميع
اليوم وديت الموتر الورشه وكشف عليه وشاف دخان الشكمان الابيض وقال عندك الراس او الوجيه
اذا راس نروح نخرطه واذا وجيه نغيرها لكن اللي يحكم المخرطه
السؤال هنا كم ملي اخليهم يخرطونه وهل فيه فرق بين الخرط والمسح والصنفره ؟
صراحه قالي ف البدايه شغل يده الف ريال
لكن يوم شاف السياره قال لازم تنفك المكينه ومواسير المكيف وتغيير جميع الصوف وتنظيف البخاخات والثروتل وتعبيه الفريون وتنظيف رديتر المكيف والتلاجه
وبعد رفع السعر 1500 ريال
"اهون من سعر ورشه تركي خليفه لان الباكستاني قالي 2500 ريال وبس فك مكينه وتركيب راس!!!!"
صراحه مدري هل لازم يفك الشغلات هذي كلها او لا لان الكوري معفن راسين ومكان الراس اللي فوق ضيق جدا
لكن الشغله اللي مطمنتني ان شغله نظيف جدا جدا ومعطيني ضمان "مادامت الورشه مفتوحه" على الحراره والتفتفه وكل مايصيب المحرك وكله على الفاتوره وبالختم التوقيع طبعا المهندس مصري "اهون من ابو بكس مع ان ماخس من قديد الا عسفان"
سؤال خارج النص: هل يحتاج اغير طرمبه الزيت؟ واذا غيرتها هل بامكاني استخدم زيت خفيف 10w30 ؟
.
عليكم السلام
طيب هوا حكم شغله يده الف ريال ومايعرف يحتاج يودي الراس مخرطه او لا ؟
ما ادري عن تصميم مكينه سيارتك ولذلك ما اقدر اجزم اذا يحتاج اخراج المكينه او لا
الشغلات الي قالك يسويها كثير ومالها علاقه بالمشكله وماقالك عليها الا لاجل يكسب اجرة يد لشغله
بخصوص استفسارك عن مقاس مسح الراس تحدده المخرطه
ما ادري عن اسعار ورش مكه ولاكن بصراحه اشوف كثيره او بالاصح اسلوبه ومطالبته بأصلاحه اشياء مالها علاقه مايطمن الا اذا انت حاب تسوي صيانه شامله فشي راجعلك
بالتوفيق
والله وانا اخوك ابيها حج وقضيان حاجه
المكيف عندي ضعيف ويبي له فريون وهو بيعبيه لي امريكي اصلي
والبخاخات برضو يبي لها تنظيف وفكها صعب لانها تحتاج فك تلاجه "سعر شغل يد 200 ريال غير التنظيف"
وبنفس الوقت الثروتل صعب احد ينظفه لانه الكتروني وهذا يبي ينظفه وبنفس الوقت بيفحص كمبيوتر اذا يحتاج برمجه او لا
عموما كذا ورشه قالوا لي الراس اللي فوق صعب ينفك الا اذا فكيت المكينه كامله
مع ان السعر مبالغ فيه بس الكوري عندنا سيء ماحد يسويه لذلك اضطريت اسويه ب 1500
.
على كذا مادام حاب تسوي صيانه لموترك السعرحلو وتوكل على الله والله يسهلك
سلام عليكم
اخر التطورات في الموضوع يا جماعه المهندس المصري شخص لي المشكله انها من الراس يرجع لي هواء ويهب مويه بسبب القازكيت مهتري بسبب الحراره وزيادة كمية الزيت والصوف كلها رايحه
وقرر انه يفك المكينه كامله وبعد مافكها طلبني جرايات جنزير وشداد جنزير وشداد بكرات خارجي وطقم وجيه مع جلد بلوف وطرمبه زيت
وطلب مني اودي المكينه للمخرطه عشان يمسحون اثار القازكيت القديم من الراسين ومكان تلاقي الوجه بالمكينه
عموما المكينه طلعت متسخه ومسوده وواضح اني مهمل بتغيير الزيت "مدري كيف احط الصور" وان شاء الله بتتنظف والامور طيبه
لكن اللي قاهرني انه فك القير مع المكينه وحصلتهم مشتبكين سوا حسبت الكوري زي كذا
لكن المهندس رمى زيت القير كله بدون لايستشيرني واخر مره غيرت زيت القير قبل 220 الف !
ويوم سالته قال مافيه ضرر ان شاء الله دام مافيه رايش والتبديلات سليمه ؟
والثاني قال بعد ال60 مايتغير ويوم قلت له تراكم غيرتوه انحشر وقال على حسب نوع الزيت !
المشكله الازيرا تاخذ عندي تقريبا 6 علب والعلبه ب 71 ريال يعني حوالي 420 ريال
وش الحل مع القير والزيت الجديد هل فيه نصايح للتمرين ولا اعقلها واتوكل ؟
اجمالي التكلفه حد الان "للفائدة"
579 طقم وجيه
135 جرايه جنزير
118 جرايات جنزير
39 جرايه جنزير
34 جرايه جنزير
15 كوع حراره فوقي
332 ثنين شداد جنزير
400 شداد سير خارجي
559 طرمبه
الاجمالي بعد خصم 40% = 2210 ريال
"باقي السير والاقمشه والكراسي ومسامير التوازن"
شغل يد 1500 ريال
مخرطه الراس ب 375 الاثنين ب 750 ريال
التكلفه الاجماليه تقريبا 6500 ريال 💔💔💔💔
لكن السؤالين الاهم الان
هل فيه ضرر على القير ؟
ونوعيه الزيت حق المكينه بحكم اني نظفتها وغيرت جلد ووجيه وطرمبه زيت جديده هل استخدم 10w30 علما انها من الوكاله كانت 20w50 وماشيه 280 الف
التعديل الأخير تم بواسطة formula one ; 28-07-2017 الساعة 09:02 AM
حياك الله اخي الكريم
لدي ملاحظة وهي : اطلب من المهندس ان يفحص البلوف طالما انك فتحت رأس المحرك فقد تحتاج البلوف الى عمل صيانة لها , وهذه فرصة لكي ينضبط رأس المحرك من كل النواحي .
اما موضوع زيت القير فان شاء الله لا توجد مشكلة
بالتوفيق