ما دام انك رسيت على اليوكن والتاهو شوف أخوهم الأصغر والجديد أكاديا، شكل جميل وشبابي وتقنيات أحدث و أكثر اقتصادية
ما دام انك رسيت على اليوكن والتاهو شوف أخوهم الأصغر والجديد أكاديا، شكل جميل وشبابي وتقنيات أحدث و أكثر اقتصادية
التاهو واليوكن اقل شي فيهم الظاهر بحدود 165 الف وبعد دفع خلفي فقط ... الا اذا قصدك مستعمل ..
بالنسبه لخياراتك الي ذكرتها غير اعتماديه عدا البرادو .. بس البرادو ايضا غالي .. والقيمه الي معك تجيب 4 سلندر .. الا اذا قصدك ايضا مستعمل ..
والبرادو اوف رود حقيقي .. يعني 30% من قدراته ما راح تستفيد منها باعتبار انك نادرا ما تدخل البر ..
فيه فليكس من فورد بس ميهب ذات طابع شبابي ...
فئه 6 سلندر نادر تحصل اللي يجمع بين هالمواصفات .
الحجم الاكبر منها اغلبهم يجمعها
.
صرفيه التاهو و اليوكون الجديد ممتازه جدا .65-70 فل التانكي ريال يمشيك اسبوع اذا قيادته معتدله
بأمكانك استأجار واحد و تجرب صرفيته
و الاكاديا و الترافس الجديده ممتازه في جودتها .
الترافيس ما ادري هل نزل عندنا ولالا
الاكاديا متوفر حاليا
الترافيس الشكل الجديد في 2018
امس مريت على الجميح وشفت اليوكن والتاهو وهم الحين مسوين عروضات, الاسعار بالدبل اشوي اكثر من الموجود بس احتاج اخذ قرض عشانها. للاسف ما جا على بالي اشوف الاكاديا, اليوم بروح اشوفها ان شاء الله. وما عندي مانع اخذ قرض على سيارة تسوى.
طيب خلينا نتكلم بالموجود الحين اللي هم
1- يوكن
2- تاهو
3- اكاديا
الثلاث سيارات عاجبيني, اللي بيخليني اقرر هو اكثر وحدة تنطبق عليها المواصفات اللي ابيها, باستثناء ال8/6 سلندر. بالله لا تفوتك وحدة من المواصفات لان كل وحدة مهمة عندي, والاكثر اهمية هي صيانة مريحة وقطع غيار متوفرة
والله انا شاكر لتفاعلكم معي وردودكم اللي تبرد القلب. مع كل رد احس اني قربت للسيارة المناسبة
الف شكر
أهلا وسهلا ...
كل اللي أنت ذكرتهم باستثناء البرادوا
سيئين في الإعتماديه والبعض منهم أسعاره مبالغ فيها دون أي سبب مثل الأكاديا
البرادو غير مريح بعض الشيء و صرفيته عاليه وغالي بكل فئاته !!
لكن أعتمادي جدا ووكيله ممتاز وقطعه متوفره
أفضل خيار هو المازدا cx9 يقدم لك الكثير
مقابل سعر 125 ألف ريال فقط لأعلى فئه منه !!
التاهو واليوكن خيارين رائعين وصرفيتهم
على محرك V8 جباره بكل ماتعنيه الكلمه
لكن أسعاره من 155 ألف لأقل فئه وبدون دبل
واللي بدبل تزيد من 8-9 الأف ريال
معك كاش 130 ألف خلاص أخذ أقساط يوكن دفع رباعي طويل دبل 2017 في معارض 177 ألف طرازها SEL وبدون دبل 167 ألف
نصحيه اخويه لا ترهق نفسك في القروض
cx9 شكلها جديد وبتستمر 5 سنوات على هالشكل مع تحديثات بسيطه ..
لا تستعجل .... جرب السياره الي تبي بالايجار اليومي ..
اليوكن والتاهو خيارات رائعة أفضل مما ذكر في جميع المشاركات السابقة
السؤال: هل لديك ميزانية لشراء تاهو أقل نوع دبل؟
بالنسبة للأكاديا والترافيرس عبارة عن كروس أوفر فاشل إنحش عنها مشهورة بالمشاكل وقلة الإعتمادية
إذا معك ميزانية تاهو أقل نوع دبل توكل على الله
أما إذا كروس أوفر, أفضل الخيارات التالية:
مازدا CX9
نيسان باثفايندر
هوندا بايلوت
فورد إكسبلورر