قناة السيارات
السلام عليكم ورحمة الله وبركاته
ناوي اشتري سيارة وما ادري شنو اختار وشفت وبحثت واحترت لاني غير متابع جيد للسيارات ومواصفاتها، وابي سيارة
1- 6 سلندر
2- جيب عائلي يدوم لي ومريحة، وانا راعي خطوط بشكل اسبوعي (الدمام /الرياض)
3- ما يكون كثيرة خرابات
4- قطعها متوفرة
5- وصرفية البانزين مقبولة
6- دفع رباعي.
7- شبابي
8-عزل ممتاز، بحيث تكون السيارة هادية اذا تركبها
حدي 135 الف وافراد عائلتي 5 يعني سيارة ب5 اسيات ممتازة بترضيني او 7 اسيات
بشنو تنصحوني؟مواضيع قد تعجبك
التعديل الأخير تم بواسطة Abdullah.a86 ; 07-05-2017 الساعة 01:22 AM
مازدا CX9 فل كامل سعره 125 الف
سنتافي فل كامل اذكر سعره حول 130 الف
كيا سورنتو فل كامل
شيروكي 6 سلندر
دودج دورانجو 6 سلندر
باجيرو فل كامل
تويوتا فورتشينر 6 سلندر
هذه اشهر الجيوب العائليه في السوق
اسال أصحابها عن صيانتها واستخدامها يفيدونك اكثر
اذا بس دفع رباعي بدون الخوض في الرمال .. بمعنى ان قصدك تبي كروس اوفر .. اكيد بدون منازع مازداء سي اكس 9 الجديده كليا ..
شف تقرير حسن كتبي عنها ..
يجي بعده جراند سنتافي وسورينتو .. كلها كروس اوفر ..
فيه هونداء بايلوت الجديده بس موهب فل كامل ..
وفقك الله ..
لايوجد للأسف
لازم تضحي بشيء
يابقدرات الدفع الرباعي في المناطق الوعرة وتاخذ مازدا CX9 او كروس اوفر اخر
او تضحي بالراحة وصرفية البنزين وتاخذ فورتشنر او باجيرو
اكثر مايلبي طلباتك الكروس اوفر ماعدا الدفع الرباعي
اما الافرود يفتد الرساوة نوعا ما خصوصا في اللفات والراحة احيانا وصرفية البنزين وعزل الصوت اقل من الكروس اوفر
المشاركة الأصلية كتبت بواسطة Abdullah.a86
إذا كروس أوفر, أفضل الخيارات:
مازدا CX9
نيسان باثفايندر
هوندا بايلوت
فورد إكسبلورر
إذا بتستخدم أوف روود بكثرة وتطلع للبر والرمال ووعورة الصمان, أفضل خيار بميزانيتك تويوتا فورتشنير 6 سلندر
خلينا نحدد اكثر اشوي. ما افكر في مازدا, ولا افكر في السيارات الكورية كلها
واستخدامي لل اوف رود قليل جداً, بكذا نستبعد فورشنر وباجيرو
شرايكم في:
- شيروكي 6 سلندر
- دودج دورانجو 6 سلندر
- جمس اكاديا 6 سلندر
- تيوتا برادو 6 سلندر
- شفر تيرلبليزر 6 سلندر
- شفر ترافرس 6 سلندر
لو كل المواصفات اللي طلبتها موجودة في سيارة, لكن عيبها عدم توفر قطع, واشوي يقولك بجيبها من جدة ولا مادري وين. ابعدوني عن هالسيارة. صار لي في سيارة كرايسلر وكرهتها
واذا في سيارة تشوفون انها مناسبه وانا ما حطيتها في اللستة, اقترحوها علي
الف شكر للجميع
التعديل الأخير تم بواسطة Abdullah.a86 ; 07-05-2017 الساعة 09:27 AM
طلباتك أحسن شي ينطبق عليها الشروكي لكن اعتماديته تخوف وتخلي الواحد يترددغير سوء الوكالة
لذلك أفضل خيارين في الفئة هذه أشوفهم
الأكسبلورر و CX9
ممكن تدخل الايدج لكنه أصغر من الفئات المطروحة
عط المازدا فرصة وروح شوفها لأنها تقدم أفضل التجهيزات بالسعر المطلوب + السيارة اعتمادية
شباب
تو الحين واحد في الدوام اقنعني, ب
1-بالتاهو
2- اليوكن
قلت له 8 سلندر ما ابيهم, قالي (فيهم خاصية تحويل 4 سلندر, واذا على صرفية البانزين ترا صرفيتهم مقبوله وانت راعي خطوط والله ما تشد وياك السيارات الصغيرة). وهالسيارتين:
1- راحة
2- وهدوء
3- ومافيها خرابات, حدك بانزين وزيت
4- والقطع متوفرة واسعارها رخيصة
5- وسعرها ماسك في السوق
6- وتشد وياك
7- وفيها دفع رباعي
8- اشكالهم شبابية
9- وفيها دفع رباعي
الصراحة قالي كل شي ابيه إلا سالفة 8 سلندر وصرفية البانزين. انا الصراحة ابي 6 سلندر لان مافي داعي صرفية بانزين زيادة
شراكم؟
15اعجابات
رد مع اقتباس