سلام عليكم..
بخصوص الكفرات...أنا الأسبوع الماضي وديت سيارتي ال تي زد 2015 جنط عشرين...لصيانه الثمانين الف
و ابلغوني أن الكفرات بحاجه للتغيير...وفعلا الكفرات فيها سحقيه و مستهلكه..ولاحظ واحد منها مستهلك زياده عن الكفرات الثانيه!!
طلبت منهم تشييك وزن الأذرعه..وقالولي كل شي تمام..عاد مدري ليش هالكفر مستهلك زياده..
نجي للمهم..بديت رحلة بحث عن كفر كويس..وبحكم إني بالجبيل ما حصلت وكيل كفرات متخصص..
كان ببالي جوديير او ميشلان...كل اللي حصلته محلات أبو يمن..وقالولي نجيب لك طلبيه جوديير لكن مو نفس المقاس
مقاس كفرات السياره 245/40/20 واللي بيجيب لي 245/45/20 وقيمته 700 و كسور...ولا يدري عن تاريخ تصنيعه ولا عن مواصفاته فـ قلت له كنسل
رحت محلات واجد و داخ راسي..كل اللي حصلته اندونيسي و تايواني..
وقفت عند محل و قال عنده ياباني نوع NITTO ياباني هذا رابط الكفر من نفس موقعهم
http://www.nittotire.com/passenger-t...formance-tire/
حصلته بقيمة 550 ريال..والاندونيسي و التايواني ع 350 و 400..
تراكشنه A و حرارته A ونفس المقاس الامبالا بالضبط..الشي الوحيد اللي يعيبه تاريخ تصنيعه كان شهر 8 2016
وحسب كلامه هذا أجدد شي بالسوق و كفرات 2017 ما وصلت لهم للحين..
المهم قلتله توكل على الله و ركبته..والله يا شباب ممشى الموتر تغيّر للأحسن
المشي فوق عيون القطط تحسن..و صوت الكفرات بالطريق أخف من البرجستون بواجد..
بختصار توها تصير الأمبالا أمبالا..ههههههههههه
حبيت أكتب هالرد عشان أفيد اللي متوهق بموضوع الكفرات
لأن صراحه الجنط حجمه كبير و نادر ماتحصل له كفر كويس وبنفس الوقت سعره زين
وسلامتكم