تجربة ناجحة ( كفرات جينيو ) !

[تعلم]

السلام عليكم
حبيت اشارككم تجربة ناجحة مع كفرات صينية الغريب ان جدول التقييم اللي يجي على الكفر يقول الكفر سي جداً ؟؟

السيارة : النترا
الموديل : ٢٠١٢
الممشى : ٤٢٠ الف
اذكروا الله
التجربة تاتي لقسمين
القسم الاول
لمن كنت بالرياض تعرفت على هذي الكفرات وركبتها والحمدلله مشتني تقريباً ١٤٧ الف كيلو اغلبها سفريات
القسم الثاني
الان وانا بالمنطقة الجنوبية ركبت هالكفرات من جديد بعد ما ركبت كفرات هانكوك لاني ماحصلتها للاسف هانكوك ماكملت ٣ اشهر انضرب علي كفرين بالحريضه فغيرت الى ماتريكس صيني ماكملت ٤ اشهر زعلت وتضايقت والحمدلله بعد صلاة الجمعة مريت معرض سالته قال توه منزلها ركبتها والحمدلله الان كملت ممشى ١٥٠ الف
المميز بالكفرات التالي !!
السعر ١٣٠ للكفر
دخل مسمار بواحد بالكفرات واضطريت امشي عليه مسافة ٥٠ كيلو والكفر نائم على الاخر وصلت البنشر والكفر ماتقطع مثل هانكوك اللي راح ٥٠ قطعه لمن انضرب علي بالحريضه
الدعسة هادئة جدا مافي حس للشارع الا اذا نسم بس
وانا رايح للاحساء وكنت على سرعة ما اذكرها انضرب علينا كفر والله مادرينا عنه الا يوم قام الموتر يهتز

المشكله الوحيدة اللي فيه
تحس هالكفرات تستحي تقول لك ترا الكفرات خلاص انتهى عمرها الافتراضي

يعني باللمشى الاول والله مادريت ان الكفرات انتهت الا يوم فكيت الكفر علشان انزع منه مسمار وقتها اكتشفنا التحبيل ونهاية الكفرات ...
اتمنى للجميع الفائدة
تجربتي ممكن نجحت معي وممكن ماتنجح معكم
وبالنهاية ياليت تذكرون الله
شكراً

مواضيع قد تعجبك

  اكثرمن30 أسوأ سيارات الدفع الرباعي التي يجب عليك تجنبها بأي ثمن

  سيارات المستقبل: توقعات بعد 10 و25 و50 عاماً من الآن

  تهنئة بمناسبة عيد الفطر

  صورة ولك التعليف

  أسرار طول عمر السيارة: ما الذي يجعل السيارة تدوم؟

  الحقيقة حول تشغيل سيارتك بزيت الطهي: الأسطورة مقابل الواقع

  مفهوم الفلاش باك – 1985 نيسان Cue-X الأصلية المستوحاة من إنفينيتي Q45 الرائدة

  موستانج هي السيارة الرياضية الأكثر مبيعاً على مستوى أمريكا والعالم لأكثر من 10 سنوات

  أسوأ السيارات: 35 موديلاً لا يجب أن تمتلكها أبداً

  بدون كهربا ولا بنزين.. هوندا تقدم سيارة موفرة تعمل بالهيدروجين

[انا وسيارتي]

وعليكم السلام

تجربة جميلة أخي الكريم ...

شخصياً ما أتهاون بالكفرات .. أركب ماركات معروفة ...

أشكرك لإطلاعنا على تجربتك ...

بورك قلمك ,..

[KOERU]

الله يعطيك العافيه على التجربه

بالنسبة لي لدي تجربه مع كفرات هانكوك للي لاحظته انها تنمسح بسرعه خصوصا للي يمسك خط كثير حدها تقريبا سنه وشوي

مشكلتها هانكوك الرساوه مش ولا بد الشي الثاني مثل ماذكرت انت لو مشيت على الكفر شوي تقطع على طول وممكن يتلف بشكل كامل صارت معاي وغير سويت له رقعه داخليه لكن ميزتها انها ناعمه وسعرها مناسب

انا بالنسبة لي مااثق بالصيني بصراحه لأن الكفرات من اهم الأجزاء اللي بالسياره ومو اي كفر تركبه لان فيها حياه او موت لكن تجربتك هذي ممكن تغير تفكير الكثيرين

بصراحه من تجربه مافيه زي البريجستون تورانزا الياباني رساوه وفرامل من افضل مايمكن ويعيش معك ويتحمل لكن مشكلته القساوه وسعرها غالي ، جاء وكاله مع سيارتي مازدا 6 وغيرت لهانكوك وندمت اللحين انتظر هانكوك تخلص وبرجع اركبه ثاني مره

شكرا لك مره اخرى

[techmate]

شكرا على طرح تجربتك

ملوك الإطارات الأكثر إعتمادية ثلاثة: ميشلان ويوكوهاما وبريجستون

[محمد]

إسأل مجرب ولا تسأل طبيب

أشكرك عزيزي لهذه التجربة والتي تشاركنا فيها بخبرتك بهذه الإطارات والتعريف بها وبحسناتها ومساوئها.
الله يثيبك وجعله الله ذلك في ميزان حسناتك.

[يا رب رحمتك]

ماشاء الله تبارك الله



للعلم جينيو اعتقد ضمانها من ميشلان ..ما استغرب بصراحه تمشي هالممشى ..


و كذالك كفرات سايلون الصينيه من تجربتي لها مشتني من بدايه 2016 إلى اليوم على التاهو

من اسوأ الكفرات اللي جربتها دونلوب انسلخ و وقفت ما حصلت الكفر حتى اللي كانو يمشون في الطريق وقفو قالو الكفر وين اختفى

و من افضل اللي جربته ميشلان الكندي و الفرنسي
من كثر ما ارقع فيه و بعد ما مشي سنتين و نص و فوق هذا انمسحت الدعسه و مازالت صامده و ثابته مثل ما اخذتها لكن غيرتها للسفر ما يحتاج اجازف زياده



طبعا اهم شي في الكفر تاريخ الصناعه ..
انا جربت انواع ممتازه لكن قديمه ..ما كملت معي شهور .
و جربت نفس الانواع مصنوع في نفس السنه و كملت سنين .

[salehhd]

السلام عليكم

تجربة مميز والكفرات حسب كلامك تمشي مسافات طويلة جداً
لكن اعتقد على حساب الرساوة والثبات وقوة الفرمله
الله يبارك لك في سيارتك ويحفظك

[تعلم]

.السلام عليكم
اشكر اخواني اللي ردوا
انا كتبت هالموضوع لاسباب
١_ نجاح الكفرات في الاشياء اللي مرت فيها مثل
٨ سفرات للرياض من ابها
٥ سفرات لجدة من ابها
٦ سفرات للشرقية من الرياض
٣ سفرات لمكة من ابها
١٤ سفره لنجران من ابها
مشاوير يوميه لاتقل عن ٥٠٠ كيلو داخل ابها وخميس مشيط ووادي بن هشبل وخيبر الجنوب ..
والمعروف ان اغلب الشوارع ترا فيها العجائب
٢_ الرساوة والثبات ماشاء الله على سرعة ١٤٠ كيلو ثابته راسيه ماتسمع اصوات والحمدلله
٣_ الكفرات ما تغدر بك ان شاء الله مثل لمن انضرب علي الكفر اضطريت امشي عليه ٥٠ كيلو ما تقطع مثل هانوك اللي مشيت اقل من كيلو ما بقى الا الجنط

مدري عن ضمانه بس اللي اعرفه ان سعره ١٣٠ ريال للكفر وخادمني الحمدلله

الشغلة الثانية
استغرب من التقيييم كيف تم تحديده ؟
لماذا يكتب عليه مو زين وهو خدمني ؟؟!!!


اتمنى ذكر الله
الله يحفظكم ويستر عليكم

ملاحظة صغيره ...

بالنسبة للي يقول صيني !
بودي اسالكم سوال وتجاوبي بصدق وامانة !
لو نزل منتج بالسوق صناعة سعودية ١٠٠٠٪ بتثق فيه ثقة عمياء ؟
الصيني له اكثر من ١٠٠ سنة وهو يشتغل ويطور لذلك لاتقول صيني ومدري ايش خلي ايمانك بربك كبير وتوكل على الله مراح يصيبك اللي يكتب لك سوا صيني او الماني او ياباني يعتمد الموضوع على وعيك اثناء قيادتك وحرصك على حياتك وحياة غيرك

سلام