مشكور اخوي WZ1420 على الموضوع المفصل
تجربة جميلة للديزل مع اعطاء ميزات والعيوب ولو نطمع بمعلومات اكثر عنها
كيف هدوء محرك الديزل في وسط مقصورة السيارة؟
دايماً نسمع ان محركات الديزل تصرف زيت فمارأيك بهذا الكلام؟ بمعنى أذا جيت تغير الزيت لازم تحصل نص علبة ناقص!
هل تنصح باختيار الديزل بدل البنزين بشكل عام؟ هل الورش يعرفون لها؟ ام قليل جدا؟ تواجد المحطات هل واجهت صعوبة في وجود محطات ديزل سواء بخطوط السفر أو بوسط المدينة؟
يقال ان صيانة الديزل الدورية اعلى من البنزين فما رأيك؟
هل من المزعج تحمية الديزل في وسط البيت أو في كراج شبه مغلق من ناحية رائحة الديزل؟
. تلاجابة تحتاج تفصيل
بالنسبة للهدوء اقدر القول لك 80% هادي
والهدوء يرجع لنوع الزيت ونوع الموتر يعني VX افضل من GX بأنواعة وقلهم عزل الاستاندر
نوع الزيت انا جربت شل 5/30 و 5/40 النوع اللي يكون تصنيفه مناسب للديزل يخفف الصوت بصورة كبيره ويقلل الاستهلاك
اعلى صوت ممكن تسمعه من عداد دوره 1500 الى 2000 دورة بعدها تكاد ماتسمعه
اذا تجاوزت سرعه 80 يختفي الصوت
الكلام هذا لموتري يقال فيه تحسن بالصوت في 2012 واحدث ثم تحسن في 2016
لاكني ماجربتهم
صرف الزيت حسب نوع الزيت فيه شركات تنقص وفيه لا عن نفسي اذا استخدمت لزوجه خفيفه فيه نقص ممكن نصف علبه الى ثلاث ارباع عند ممشى اكثر من 8000 كيلو اما 5000 مافيه نقص
بالنسبة للأختيار بين البنزين والديزل اللي يحتاج التوفير ويمشي كثير نعم انصحة اما اللي ممشاه قليل ما اننصحة
الصيانة العادية مافيه فرق عن البنزين اما الصيانة الثقيلة كالتوظيب لازم ماخصص بالديزل ووضحت انا انه يحتاج اهتمام اكثر في فلتر الديزل والهواء
المحطات متوفرة ماعانيت منه سافرت الكويت والامارات ومريت الشمال كله
بالنسبة للرائحة اكيد فيه رائحة قد تزعج البعض عن نفسي نادر احمي دقيقة بالكثير واذا حميت اكون داخل السيارة
فيه بعض المشهورين باليناب من اصحاب الورش يذكرون اسعار خرافيه لصيانه الديزل
واحد يذكر ان تغيير زيت الديزل ب 300 ريال مع انه فلتر الزيت نفس الفكسار 5.7
والزيت حسب اللي تركب اذا تخليقي بيكون مرتفع واذا عادي رخيص يمكن العادي بدون سيفون 105 ريال مع سيفون تحتاج زيادة لتر وقيمة السيفون
وذكر ان فك دينمو الكهرباء ب 500 ريال وفيه ناس يفكونه ب 200 ريال ونادر يخرب وقطع السلف والدينمو نفس الفكسار
اتمنى اني افدتك
ملاحظة محرك الديزل
نفس قوة عزم محرك الاندكروزر الثمانية سلندر 4.6
.وعليكم السلام ورحمة الله وبركاته
معلومات مهمة ومفيدة عن محرك قليل مجربيه
الله يجزاك خير ويبارك لك في سيارتك
بالنسبة لفرق القوة بين الخليجي والاوروبي
يرجع لجودة الديزل حيث الديزل الموجود عندنا
نقاوته10000 جزء بالمليون بينما الاوروبي انواع ومنها ما يصل ل500 جزء بالمليون يعني انقى من اللي عندنا ب20 مرة وهذا سبب القوة
المعلومة أخذتها من المنتدى هنا وقديمة ولكن ناسي من ذكرها وتفاصيلها وباي موضوع
ولو تكرمت عندي سؤال عن محرك الهايلكس الديزل الجديد 2016 هل تغيير الزيت على 2500 كما السابق ام على 5000 كم وشكراً
الله يعطيك العافية أخوي WZ1420 على اجابتك
طيب سؤال رغم أن استخدامك يعتبر مبكر قليلاً لهذا السؤال وهو
لو عاد بك الزمن أو بعد 3 سنوات وبعت الاندكروزر ديزل من باب التغيير وتبي تاخذ الجيل الجديد كلياً كمثال
هل ستأخذ ديزل أم بنزين؟ مع ذكر السبب