المشاركة الأصلية كتبت بواسطة يا رب رحمتك
حياك الله وبياك اخوي سليمان
الله يعافيك ويبقيك
سيارتي لها معي سنه الا شهر
يعني شهر 4 تكمل سنه
ممشاها 39 الف تقريبا
-العيوب ..
الجنط وقساوته بالمطبات ((لكن ماهو بشكل كبير))
التخشيبه اللي حول الشاشه تطلع صوت عند الضغط عليها لان مافيه شي يدعمها او يثبتها من الخلف
مافيها اندوريد اوتو ((اعتقد نزل في 2017))
الشاشه اذا كان سطوع الشمس متجه عليها ما تشوف شي وكذالك سريعه الخدش ((اعتقد تركب لها ستكر و تنحل))
هذا اللي اذكره تقريبا
-الاجابيات ..
الراحه
الرساوه بجميع السرعات
السماعات رووعه اللي ltz
قويه ماشاء الله
وسيعه الا عند الركوب لازم اقلب مربع عشان اركبها
للي فوق 180 و دب
خفيفه دم
بشكل عام اذا جربتها راح تشوف هالكلام بمجرد لفه حول المعرض وزود
- اما سالفه الامريكي
اللومينا و الكابرس هذي اسم امريكي
ماهي صناعه امريكيه !
هي صناعه استراليه و اللي اثبتت فشلها في السنوات اللي فاتت
اما الصناعه الامريكيه ابا عن جد
هذي فرضت نفسها في الشوارع من 2007 وفوق
مثل التاهو و اليوكون و السييرا و السلفرادو و التيرين
كم سياره من هالسيارات موقفه جنبك
في الشارع اللي انا فيه عباره عن 5 فلل
و عدد الجمسات اللي موقفه 8 سيارات و اذا لفلفت شوي تحصل كم 3 امبالات و جمسات ثانيه
هذا يدل على شعبيتها و قوتها و خدمتها الممتازه
و قبل ثلاث سنين جات الامبالا و هي كنديه الصناعه و كملت العائله
و اثبتت نفسها كذالك
ولا تقارن هالسيارات بالصناعه الاستراليه الكابرس و اللومينا و الاوبيكا و الاوبترا !
فالك التوفيق