السلام عليكم و رحمة الله و بركاتة
اليوم ي شباب رح اتكلم عن موضوع مهم
الي هو الصيانة و اسعارها الخيالية في الوكالة
طبعا انا اغير في التوكيلات العالمية وكيل السيارة
بصراحة سعر صيانة ال10الاف اخذو مني 452 ريال
تغير زيت و فلتر + تبديل اماكن الكفرات (صار لي مشكلة معها) + تشييك ماله داعي + غسيل المكينة و حولها بالموية و ضغط الهواء (رح نتكلم عنها بعد شوي)
اول شي رح اتكلم عن السعر
طبعا 452 انا اشوفها اخذوها بلا فايد و فوق كذا نسيت فلوس في السيارة وراء الشاشة يعني مكانها صعب شوي و عرفت انهم يفتشون في السيارة و المبلغ كان1000ريال انسرقت من الايادي العاملة الله ينتقم من الي سرقها واشتكيت يمكن 5 مرات و في المرة الاخيرة قالو بنشغل الكاميرات و نشوف مين السارق و من بعدها معد اتصلوعرفت ما عندهم سالفة يعني ( صيانة بلا امانة ) شفت تشيكاتهم مالها داعي على سيارة جديدة و المبلغ ذا حرام فيهم و كمان الصيانة الجاية تزيد و الي بعدها تزيد وسالتهم عن تغير زيت و فلتر فقط طلع ب 246 ريال قلت كويس و اتصلت على أي سي ديلكو قالو ب 189 تغير زيت و فلتر نفس حق الوكالة كل 10الف و عندهم ابو 5الاف ب 120 اوحوالها و قلت دامة معتمد من الوكالة و جي ام الصيانة الجاية عندهم ان شاء الله وصيانتهم بدون موعد و كلام فاضي و اسعار الصيانة و قطع الغيار عند أي سي ديلكو ارخص من الوكالة بكثير و البعض جرب الشي ذا
و انا بصراحة ما اقتنعت اني اغير الزيت كل 10الاف لان الصيانة الأولى لمن غير الزيت على 10200تقريبا الزيت نزل اسود و محترق بشكل كبير عشان كذا قررت اغيره قبل ما يكمل 8الاف
السبب الشوارع زحمة و الاجواء حاره وغبار و اكيد فيها شوية دعس تسمع صوت الطرب من المكينة ماشاء الله و فيها انتظار في السيارة جالس و مكيف شغال وحركات و شوية طرب هههههههههه ذي تقلل من عمر الزيت ...
وانا عن نفسي بغير كل 7الاف و الي يحط زيت ابو 5 الاف الافضل يغيره على 4الاف
اما موضوع تبديل اماكن الكفرات بعد ما بدلو مكان الكفرات سالتهم ليش قالو عشان تصير مسحة الكفرات وحده
قلت حلو لاكن صارت لي رجه اذا مشيت بعد80 و قلت اكيد من الكفرات بعدما بدلو مكانها و بعد ما مشيت تقريبا 2000كيلو اختفت الرجهه الحمدلله و رح ابدل مكان الكفرات لاكن مو كل 10الاف مثل الوكالة لا رح ابدلها مكانها كل 25الف او 30الف
و بعد ماخلص العامل من تغير الزيت غسل المكينة بالموية و حط معها صابون فيري قلت ذا مو بصاحي و قلت خير ان شاء الله لو باقي خليتكم تسونها و انا اطالع في المكينة اشوف البخار يطلع من حولها و انا سمعت انه غلط تغسل المكينة وهي حاره ممكن يسبب لك شرخ او كسر في بلوك المكينة و مع ذلك الوكالة تغسل و كمان في تحذير على علبة الفيوز صوره غسيل المكينة عليها علامة اكس يعني ممنوع و اضن اني قريت في الكتالوج يقول فقط انفخ بالهواء المضغوط بالله ايش الفايدة تغسل و تعدم لك الاسلاك و تدخل في مشاكل مالها داعي انفخ بالهواء و خلاص كذا ولا كذا اسبوع و تشوف الغبار رجع ...
و نهاية الموضوع احب اقول انتبه لسيارتك و اهتم في السيارة بنفسك يعني الوكالة بعد ال100الف او بعد ما يخلص الضمان ما بتطالع في وجهك الا بالفلوس
و انتبه يلعبون عليك بالاسعار و التشيكات الفاضية يعني لو يرجع فيه الزمن ما اقول لهم الا زيت و فلتر بس بدل ال 452 الي اخذوها مني لاكن نقول 10الاف عشان اول صيانه خلهم يشيكون لاكن بعد كذا زيت و فلتر بس
و انا بصراحة بسحب على الوكالة بسوي كل الصيانة الجاية في أي سي ديلكو معتمد من جي ام و من الوكالة و ارخص
رح اغير الزيت و الفلتر كل 7الاف و التشيكات كل 50الف و فلتر الهواء كل 20الف و فلتر المكيف كل 30الف ...
اتمنى الجميع استفاد و ان شاء الله اني ما طولت عليكم و الموضوع الجاي رح يكون عن زيت القير ان شاء الله
https://www.youtube.com/watch?v=qGmij8R8yX0
و بتوفيق للجميع